窗貼

廚房個窗望向對面屋的廚房，我地又拆左度廚房門，個窗都唔細，所以成日覺得俾人望到晒間屋。

所以都係諗住買D窗貼貼左佢。

見有人貼磨砂幾靚，又去看看先。

旺角牆紙舖原來有好多款，以呢D最靚，唔使咁寡。

廚房隻窗原來的玻璃窗 ( 右下角係貼左一塊的情況 )

貼左之後

房都貼左1張反光紙，但唔多靚囉。

窗簾

很喜歡新居 (都開始唔新了)......的景 (全屋廳房都係同一個景, 除左廚房外)，雖然座向係西南，但始終冬天，熱極有個譜，所以一直冇趕住要造窗簾。

其實前屋主全屋都有窗簾的，但俾我掉晒，一來唔中意用人地D舊野，二來我根本唔中意阻左個景，阻晒我的光！間屋光光猛個人先開心的嘛！


不過遲早都要整，始終有時太陽曬係屋入面睇電腦同電視會反光，夏天時總會熱，同埋斜斜地有南浪橦樓係度，唔排除有變態人拿超長望遠鏡望過來的嘛，私隱度都係問題。


客廳

其實=露台門，要幅7呎闊落地92吋高的。
上次行宜家時，意外買左幅現成的花花紗簾，係爸爸巧手下幫我車成客廳露台前的簾。
另一邊仲諗緊掛唔掛上去住好，因為掛緊星星！

主人房

因為前屋主係護士長，要輪更番工，所以裝左唔知乜樂思富的遮光簾，據說遮光好好，又好貴的，所以冇拆，第時浩浩番番shift應該用得著，只是到現時為止，連埋試都只係落過2-3次。

其實我唔中意佢米黃色，感覺好舊，如果係白色就好了！不過佢的遮光效果真係一流。( 但我想講效果同 $10/碼的銀色遮光布分別唔大，唔明點解要咁貴！)

書房

本來真係冇需要整的，但早幾日早上上網真係睇得好辛苦！( 好彩當初冇因為慳位，用窗台做書桌，否則對住窗睇MON仲辛苦 )
於是決心今個假期整番幅簾。

放假第一日約左朋友仔食飯，之前去左深水埗一轉。話說7年前浩浩搬去巿中心時，我也是同佢去呢間整晒成屋窗簾，今次即管再去看看，點知一去便找到我心水的白紗布！即係乜花都冇的白紗！$12/尺，書房個曲尺窗台全長100吋8呎有多，包車工、料同鈎等，收$150！好抵！

問佢幾時有貨，年廿七去，當然希望佢新年前俾我啦，點知阿叔若無其事咁同我講：「明天吧，唔好太遲，星期六我地唔開的！」吓！下晝5點幾去，第日9點開，快成咁，真係呆左囉！好過番大陸多多聲！( 當然係因為佢有我要的布，款式O岩的便好，否則唔排除番去整會仲平/抵。)

去拿的時候，阿叔仲已經幫我把所有鈎鈎好晒，回去一掛上去原有的路軌上便成。

好靚，好中意！超夢幻FEEL！

佢係深水埗地鐵出口，舖仔細細，但超好生意。
我記得以前隔離仲有幾間都係做窗簾的，路軌要去隔離街整，但今次去得番佢呢間，仲自己做埋路軌添。

地址如下：

阿清都訓得得特別好！

嘻！又整好一樣野。
繼初步完成後，我地仲計劃緊好多優化工程呢！

彩福賀年糕點

雖然未擺酒，但到現時為止都幾欣賞彩福。

跟得幾足，時不時keep住有email聯絡，例如早前分家，都有sent email來解釋。

又久唔久有些優惠送下，如晚餐優惠卷、旅行coupon等。

最近又有email叫去取賀年糕點，忘了，佢又有人親自致電來提去取。

星期六放工去左拿，嘩，竟然係一底蘿蔔糕 + 一底年糕！仲要係大大底的！

雖然唔值咩錢，但心意搭夠，滿意加分！

利舞台門口

嘻，最愛長樓梯，希望到時依然咁靚！

賀年糕點！

新年有野招呼客人了！