期待沙美之旅

最近YAHOO BLOG的訂閱壞左，收唔到EMAIL通知更新，冇得乘車時去睇BLOG，少左個有趣活動，唔開心呀！
你地有冇咁的情況呢？


工作雖仍忙，但快將完結，我手頭的工作已可鬆番下，感謝主，明天仲可是放番個3日的LONG WEEKEND，開心死，抖下都好好了。

因為約左班朋友們暑假一起旅行，仲要係上次去唔成的沙美島添，好期待！
每天同朋友們WHATSAPP吹下水，又趁工餘時去討論區找下資料，又BOOK下野咁，成個心已經飛鬼左去了呢！

選左間靚少少兼靜些的RESORT，希望好好RELAX下。
又幾經波拆BOOK左佢比較好的BEACH FRONT COTTAGE，第一次住獨立小屋仔，睇人地分享同相，個VIEW同入面都應該唔錯咁。
聽住海浪聲訓覺....呵呵....不過開住冷氣係咪應該聽唔到的呢？


就係圈住的其中兩間屋( 因為同朋友仔一齊去)，有諗過JUNIOR SUITE，因為一樣價，但唔想係太邊位，驚多昆蟲。

BEACH FRONT COTTAGE屋仔入面好似都幾正

露台外有木椅，應酬可以吹住海風睇下星，或者飲住酒咁吹下水！

 

再行出去就係RESORT的私人沙灘！
呢個方位應該可以出去睇日落添！SO ROMANTIC！


陽光與海灘其實唔係我的至愛，但偶爾遠離城巿，沒有IPHONE、FACEBOOK、上網的日子，真正悠閒咁過兩三日也真的不錯。

有時真的要去遠離才能放下。


BOOK左RESORT、機場去的車，行李箱都已經會定出來，哈哈！(仲有3個星期...)
係時候諗下帶乜去，泳衣、相機，仲有乜好呢！

沙美，i am coming！

貓貓抓抓板

知道呢種貓抓板很久，但覺得百幾蚊買一個紙皮回來好唔抵，又唔知清清貓中唔中意，萬一唔中意咪大件事！

但宜家多左隻素素貓，多個機會有人玩，搏得過；兼且BLOG友仔介紹淘寶賣平香港寵物店好多，於是訂左呢舊二合一的，TRANSFORMER咁，哈，可以分開一人一件唔使爭！

送來第一個玩的係唔識死的素素，爬下爬下，又幾好抓！攬住霸住先！

慢熱家姐清清都唔執輸，隔左陣都坐番上去抓埋一份，似乎抓呢類野係本能黎的！

跟住就就咁坐左係度唔走了！

素素冇得玩呢個玩具，但佢點會靜下來的，轉玩清清搖搖下的尾巴！

結果梗係大戰一輪！


姐姐於是將玩具分開。

細粒素素入左去個窿，清清冇得入...

清清企係側邊問點算

姐姐都幫你唔到的喎...

素素開始撩清清玩

果然係怪物....成日激到清清好鬼嬲!!



佢兩個最近就係咁日日玩呢舊野玩得好開心！

除左訓覺之外，佢兩個已經可以長時間放佢地四處走，唔使分開了！

玩到累就會攤抖訓下

素素多數中意訓高地

清清就中意躲起來.....

如果遮住就仲理想！嘻！

見佢兩個咁中意，而且舊野比想像中乾淨，都好開心！

恩典太美麗 ── 朋友浸禮

星期日同浩浩去左一個水草力量的朋友仔的浸禮！
很感動！

浸禮是公開表明自己相信天父的一個儀式，作為一個基督徒，它是人生的一件大事。

曾何時自以為是認為形式並不重要，但其實凡事總有佢的意義，至少它提供一個藉口給你邀請親朋好友去觀禮，從而走入教堂，透過你這決定的原由、心情和改變，去認識這個天父。


朋友說決定受浸後第一個要邀請的人便是我們，謝謝你。她說的得救見證是為我們而說，當然浩浩沒有太奇蹟地因而就咁信左，但至少是一次舒服唔抗拒的參與，已很感恩。

我知天父是在作工，我正是有機會見證呢個過程，雖時候未到難免會心急想到底是何時，但天父總會安排一個最好的時機，急不來，能做的只是禱告和耐心等候。

反而自己出乎意料地因為另一個不認識的人的得救見證分享而哭了出來，這位uncle分享自己的一生和患癌妻子的經歷，令我想起浩浩的爸爸，突然想起今天是父親節，很想去探望他，可是開放時間已過，我們唯有決定下星期六再去。

另外牧師分享說，浸禮是基督徒的一個開始，而不是等於成了聖人，未來還有很長的路要走，也極同意，願與朋友同勉之。

我們和朋友合照留念

今天一首曲詞都很好的詩歌，想起往日舊的戰友們呢！也是我心聲。


************************************************

【恩典太美麗】

詩集：團契遊樂園 4 - 恩典太美麗，1

這天同聚於主聖殿，來數算我主恩典；

祂以性命來使我完全、來使我兩眼重見光線！



這天同聚於主聖殿，來數算我主恩典；

祂賜盼望重生的泉源，還給我勇氣面對挑戰！

恩典太美麗，無甚麼可取替，

唯求將心全然給主來彰顯主愛多珍貴；

終生愛神，傾心傾意愛別人，才覺生命沒有枉費！



這天降服於主腳前，留心聽我主差遣；

深信這日勞苦不徒然，神終會賜我榮美冠冕！

衷心去讚頌神極重的恩惠，

獻我一生傳揚福音，來證實主愛何寶貴；

請觀看稻田，主的莊稼在面前，遼闊收成沒法估計！



忠於使命，不惜一切來回應，能事奉你是最尊貴！！

來信from希兒

最近因為工作上將會的變動而煩惱，本來極之開心的事背後原來可能是惡夢的開始，不過經過幾日的沈澱和思考，倒放下了。

既然最壞的情況我都做左心理準備，這些人事的問題我控制不了，也就做好本份好了。不過也讓我明白了自己的不成熟，是自己一下子鬆懈了，要該好好反省。




在每年決定性的時候，收到呢封來信，很有意義呢，像是叫我回顧過去，展望將來。
雖則呢個稱呼依舊，但我已沒有入班當班主任，不會有自己班的學生，跟往日的確很不同，回想過去心情很複雜。

小朋友媽媽很有心，她說是小朋友自己無端端說想寫信給我，所以沒用EMAIL，讓她自己寫再加左幾張相寄來，還叫我有空才回信。
小朋友一筆一劃的把字組成有意思的信寄來，彌足珍貴。

到底多少年沒用書信來往了呢？忘了也沒去計算，不竟事過境遷懷念也沒意思，這幾年我學懂很多事要學會放下。



做了這份工以來，性格與理念使然，從不特別去鍾愛某個小朋友，不想小朋友受偏愛恃寵生驕或覺得被忽略而不快樂，所以我盡量會公平去對待每一個學生。

不過人的交往有時很有趣，大部份人年紀咁小，升班後過幾年難免忘了往日曾經的老師；但凡事總有例外的，我自己從沒忘記每一個教過我的老師，當然也曾遇到幾個我肯定佢一定會記得我的小孩，即使我們分別的時候他只有2、3歲，這就是緣份吧。希兒也就是其中一個吧。

總在想，即使我們分別以後從沒見面，但將來有一日有機會重逢時，會是怎生的一種有趣情境呢！

Crabtree & Evelyn Princess Day

最近番工忙到嘔，音樂影片搞到我傻晒，改完又改，都唔知佢地自己知唔知自己要乜！

昨天下大雨，遲左收工，放工去左SOGO走了一圈，大出血囉！

唉，壓力大去買野開心下吧！

CRABTREE 做緊 PRINCESS DAY，據我老細呢個長期用家話係全年最抵買的時候，唔覺唔覺就掃左幾多，拿晒佢今期的贈品，兼做左會員。(係，雖則都幾成用佢的野，但次次都有朋友代購，今次先自己買。)



查實HELLO KITTY不是我的最愛，但都OK的。

不過今次的禮物各式袋都幾靚，各式花花 X HELLO KITTY

就黎去旅行，應該好O岩洗。

最大的旅行袋隻色好靚，淺薰衣草紫，IRIS花花，不過防水油布面同其他唔同，係入面，外面可能會易污糟囉？！但如果去游水就好好。

第二大的薰衣草 X 紫藍色，呢個SIZE最好用。

化妝袋，LILY拼青綠色我都中意！

其實我最一般係粉紅色同ROSE，兩樣我都唔多喜歡，應該會俾妹妹同媽媽。

加插幾張天氣熱，素素成日係地下反來反去的搞笑相，唔知佢想點！

無晒儀態添！