紫紫

剛剛係FB見到台灣LE CREUSET話四月賣丁香色，唔知係咪之前的LILAC MIST？又話停產的？！但呢個粉紅併粉紫真係好靚！睇完有些後悔開倉放左對粉紅湯碗走呢！

其實今次開倉真的買唔多野，因為好多綠色野，煲、盤等都勁多綠色，可惜綠色唔係我的至愛，反而我喜愛綠色的朋友仔第一次買便找到心水，都代她高興呢！

我的至愛係白色，但除此以外，紫色都係令我不能自拔的。

話說早前韓國之旅，一心想去找佢網頁聲稱有的粉紫stoneware，可惜走左首爾幾間店都緣慳一面！唯有keep住佢幾張相在iphone留下念。

估唔到會在今次開倉遇到！
(其實上年都有買到Lavender的焗盤同mini cocotte，但冇今次咁震撼！)

所以上次果兩隻粉紫同粉紅，最後我......梗係去左粉紫陣營！
應該話專登為佢而去的，因為之前只找到一隻，回去見佢雖靚但孤伶伶咁，最後一日便跟朋友去走一趟。(不過iphone影唔到佢隻色，朋友睇完以為係藍！)

幸好不負所望，找到佢！係咪真係靚到爆呢？

仲有佢地，之前見朋友買到已經覺得靚，估唔到最尾呢日都仲有機會見到佢地！

基於家中已經一對呢款湯盅，所以猶豫左一陣，但最後都忍唔住買埋佢地回去！
全部粉紫野仲係made in thailand架。

襯埋對碟真係好好好靚！
呢對底面都有色的碟就算就咁用，或者襯其他甜品杯都係靚絕！

講起粉紫絕色，梗唔少得家中那LILAC MIST的絕色！仲未俾佢同新來的CASSIS 14小妹合照，一次過吧。有BLOG友仔話佢地係「兩紫妹」！好名！

14剛好可以入22，不過14咁細，應該只係可以做糖水。大家仲有冇提議？暫時佢係麵包發酵專員。:P

併埋好鬼靚

素素坐隔離做紫紫小公主

有拿埋D焗盤出來影下相先，原來唔覺唔覺都幾多紫色野！

有但最後都係漏緊些未齊，找下找下又仲有佢地添！

以為齊啦，點知諗諗下都原來仲有，哈！

終於拿晒出來，不過晚上沒有天然光影出來總是冇咁靚的姐！

其實唔係有心儲紫色系列的，但原來不知不覺買埋買埋都係紫色！可見真係中意到傻鬼左！

都唔知點解香港LE CREUSET總是冇人地D咁靚的色的呢？連粉紅都冇！我隻粉紅心心煲都唔知幾時先買到囉！

希望香港都入多些呢D靚貨啦！

下一個分享到白色呢！:)

*******************************************
P.S.
最新消息，見到台灣有呢個SET！同今次開倉我買呢SET粉紫有九成似，買唔到的朋友可考慮呢！

朋友仔仲證實台灣有我最想要的煲！唉！想飛左去囉！

2012 LC 3月 開倉完結

終於告一段落，抖抖飲番啖咖啡食番件CAKE先！:)


話說有幾日放工後走左轉。
有心同朋友一起去掃唔到野，反而冇心單拖遊下「攝」時間卻掃了一大堆！世事幾咁奇妙！多得WHATSAPP，大部份貨都唔係我的！哈！STONEWARE重到嘔，走先發現自己唔多掂當！幸好有勇者專登駕車來接我！錫晒佢！

LAST DAY猶豫去唔去，結果朋友邀約同遊，呵！又好！
反正今次未排過唔安樂，一貫作風，今次排第六！傾下好快便入得！頭40人第一批入，好輕鬆行同選，可惜最後一日貨唔多，但仍有唔少靚野，萬幸！

滿載而歸！哈！不過我架戰車借左俾更滿載的朋友仔！呵呵！不過見佢買得心頭好我都代佢開心！

係咪好心急想睇我收獲呢？
唉！唔算好多，但家中朋友仔們的存貨太多，整理計數需時，哈！
但一邊睇自己都開心埋一份！借來放BLOG一齊開心下啦！

以下是部份朋友仔的收獲：

綠色 COCOTTE SETS

下面呢D係我諗完一輪最後都放棄左的東西。
中意白色，比其他焗盤薄些輕些，不過好似好大，冇位放。

香檳杯，屋企冇，不過好似都好大咁。

白色，但湯盅我有喎，同埋只係見到一隻。

哈，講咁耐都未入正題！
唔好意思，真係要D時間整理！所以下一篇先講！放心，一定豐富搭夠。

預告下啦！記唔記得上回講到我得一隻粉紫湯碗的，又見朋友仔的粉紅勁靚，今次俾我遇上了！

到底有冇買到？請收看下回分解。謝！

芒果三式──芒果糯米飯、芒果糯米卷、芒果布甸

呂宋芒果最近好靚，買左一份，做左三個好普通的簡易甜品！

(一) 芒果糯米飯

材料：
芒果 1個
糯米 1碗
椰漿 200ml
鹽 1/2茶匙
糖 1/2茶匙

做法：
1) 糯米加水蒸熟 (最好先浸數小時)
2) 椰漿加入鹽、糖，以小火煮至出現細泡，熄火，待涼。
3) 以1/4 椰漿混和已蒸熟的糯米，拌勻。

4) 芒果去皮，將糯米及芒果上碟，淋上椰汁便可。


(二) 芒果糯米卷

材料：

芒果 2個

糯米粉 130g

粘米粉 52g

椰汁 200ml
水 60ml
糖 60g


做法：

1) 糯米粉及粘米粉混合，再與椰汁及水混合

2) 一半粉漿，放入已塗油之長方盤中，中火蒸五分鐘成糯米皮，取出稍為待涼

3) 將芒果放在糯米皮上，捲成卷狀，表皮沾上糯米粉，切段即成。

(一) 芒果布甸

材料：

芒果 1個
芒果啫喱粉 1盒
魚膠粉 1湯匙
水 200ml
花奶 100ml

做法：
1) 魚膠粉和啫喱粉混合，加入水和花奶，混合分入小杯中，放雪櫃一晚
2) 放上切片芒果在面即成

2012 LC 開倉

去左幾次LC開倉，大概都估到少少佢的模式，可惜3月海港城呢處頭幾日都係閒日，所以我要放工先去到。



不過因為中意左LC都一段日子，各式產品都有少少咁啦，廚房仔又細，唔敢太放肆，所以都冇乜特別想買的。

但如果見到靚又o岩用，都也不錯。

呢個好花瓶好靚，但係大size，諗唔到做乜，最後放低。


呢個rosemary花，以為朋友會中意，幫佢keep起，可是最後都係放低左。

呢個海岸藍20cm，細細個好的式可愛，同朋友仔一人一個拿埋去俾錢添！寫300，但原來係480，結果諗兩諗都係冇帶佢番屋企。

係咪覺得我好忍手呢？我都覺，不竟煲已經有5個，各式煎pan有4個，stoneware都唔少，實在係冇乜特別需要，只係想要而已。
嘻，講到懶勁，最後咪又係有買野！:p

1) 380，對，上次買左個黑色，幫朋友仔買左個黃色，越睇越靚，今次放工一入去便見到佢孤伶伶咁坐係架底，見獵心喜，即帶佢回家。不過今年佢已經唔係380，係400了。

2) 呢個純粹中意佢的色，但回來才想得一隻，諗緊幫佢找個伴，否則可能割愛予更愛他的人吧。

唔知大家又買左咩呢？近來少左update，希望遲少少找番些動力寫番先！

那些年

這部電影，看過書看過電影，再看書，大家喜歡的除了故事，大概是那份情懷吧。

本來不打算湊熱鬧出BLOG，但世事總是這樣，永遠意料不及。

想起很久沒有寫BLOG，但偏偏一早選好了的相片尋不著，舊上司卻請我代她找音樂做匯報，就這樣，一下子在YOUTUBE重看了幾遍主題音樂故事！





就因為這個巧妙，就讓這個牽動人心的故事把心底的感覺都釋放出來吧。


那些年的故事，我從沒忘記
那些年，是我記憶的寶藏
那些年，點點滴滴都彷如昨日
那些年，有我和我所愛的人事物

每個人都總有一些那些年的故事
難以忘懷
難以割捨
勇敢任性魯莽幼稚
是我們的名字
也是青春的代名詞

那些年的故事，我從沒忘記，只是那些通通只能留在記憶中
那些年，是我記憶的寶藏，沒有那些過去也沒有現在的我
那些年，點點滴滴都彷如昨日，只是那全都過去了
那些年，有我和我所愛的人事物，因此我更不願看到他們受到污染

願那些年的故事只存於寶箱中
歲月生活和現實都不能將之污染
到有一天要打開盒子時
仍能看到昔日大家的模樣
縱使物換星移歲月流逝
那些曾經屬於你們和我的故事
仍會永永遠遠的存在著


熟識我的朋友，是否還記得這種生神仙ICQ式的INFO呢？
如果你還記得，證明你曾活在我的那些年裏
老朋友，一切安好便好

預告片






其他資料：
http://zh.wikipedia.org/wiki/%E9%82%A3%E4%BA%9B%E5%B9%B4%EF%BC%8C%E6%88%91%E5%80%91%E4%B8%80%E8%B5%B7%E8%BF%BD%E7%9A%84%E5%A5%B3%E5%AD%A9