神仙家: 11月 2012

2012年11月26日星期一

辣椒收成

唔計平時摘香草、蔥咁，同埋檸檬番來時已經有係度。
今日係第一次種野有收成！
佢就係辣椒！

不過原來都收遲左了。
本來以為佢咁短，可能會再長得長些，但等等下佢變乾收水都唔長，應該係個品種係唔會大的了。
淨收紅晒的都有咁多，諗住遲些拿來做辣雞煲！

另外，我果次專登去買左本種香草的書，終於俾我找到種金不換唔死唔枯的方法！

就係除左俾佢開花，要立即摘走花蕾以外，仲要「摘心」！
就係每枝分支最頂的一對新長的小葉摘去，等佢下面可以生得粗莊些，咁就可以生得好好！
但佢生得超快，我幾乎每天都要摘。但真的越生越大，越來越荗盛！

好想用佢來整PIZZA！

2012年11月24日星期六

今日人氣BLOGGER

§ 流行榜我總可以上一上 §

早兩日查太留言話我知，我先知自己上左榜！
真的從冇諗過！

一直只是當呢度係以前的日記咁，記低一些開心事，風花雪月，留個印記咁。
但因為呢個BLOG，的確讓我意外地得到好多。

擴濶左自己眼光，識多左品味野，哈！LC咁囉！
又去學下唔同的野，擴濶眼界！識煮幾多味！學駕車、影相、做手工等...仲識整包！
又因而識左好多BLOG友仔、朋友仔咁！

一切美好得超出預期！
感謝主！

但也要提醒自己！

越多人看，代表要更小心言行！

禍從口出！聖經教導我們要好好管束自己的舌頭！

「污穢的言語，一句不可出口，只要隨事說造就人的好話，叫聽見的人得益處。」以弗所書4:29
願與各位共勉之。

§ 流行曲　再長久　一副冠軍相
始終都會退下來　拱手退讓　下降
拱手退讓　承讓 §

沒有了呢個排名，這兒一樣是我寫意悠閒的一個分享小天地，沒有什麼不同。

投訴

我其實唔多欣賞香港的投訴文化，只但係我呢幾日遇到兩件事，真的很嬲，忍唔住要係度投訴呻下！

1) 麵包切包器

早前係FB買左個切包器，代購自日本，跟CITY SUPER賣的SCG1同款，但高身款SCG2。

收貨係MADE IN CHINA，我都唔為意，果日行開CC SUPER幫朋友睇，先發現人地係MADE IN JAPAN，跟住有朋友仔幫我問左樂天，日本訂的應該是MADE IN JAPAN的，中間發生乜野事，我唔追究，但覺得被騙了。

呢個係CITY SUPER賣的產品包裝袋

呢個係我買的產品包裝

希望未有朋友因為我買左而跟住買左便好了

2) 屯門LOG XX男經理

話說有日行過屯巿LOG XX做緊聖誕禮物PROMOTE，見到一件貓貓披肩好可愛，於是就想買來作禮物送俾中意呢隻貓的人，點知話冇新，幫我CHECK後覆我。
大概太多顧客，店員第三日先覆電話，話我知有貨可以幫我KEEP三日。
但我果輪忙，都冇數日子，總之去到話遲左，剛賣了。
我都明白，因為係我遲，打電話多問一句未必係必然的。
所以我只問會否再番貨，或者另一分店會否有貨等，店員話冇貨應該唔會番，我問左一陣，因為真的預好送人，有機會我都想要。
跟住有位女店員就來話幫我打去其他店CHECK，當然好啦！我就跟佢由PROMOTE場地回去店裏。
點知回到去佢話幫我CHECK貨，就走出一位男同事，佢好肯定咁話全線都斷貨，亦唔會再番貨！不用CHECK，CHECK都冇的了，最後一件都賣左就冇晒！其他分店都唔會有。
佢咁肯定我唯有走啦！

故事如果咁完左梗係冇野講啦。

第二日，我放工去開CWB CC SUPER買野，竟然俾我見到呢件野！仲要有好多件掛左出來唔同地方SHOW！

當然就係我要果件野！梗係即刻買番！

但就勁嬲！
我唔明點解要講大話！
你可以話唔可以CHECK其他分店的貨、可以話CHECK唔到、可以話唔知會否番等我日日去睇、可以叫我自己去其他分店找，千萬個可以耍走我的藉口，偏偏要用一個最笨又咁輕易俾人識穿的大話來說！
就算分店間有利益衝突，都唔應該咁講野！顧客都係想買野姐，你冇得賣有咩辦法，你咁做下次仲點幫襯你？！
最後仲俾我知道佢原來係「經理」！點做榜樣？點管人？
好心請人都小心些，影響晒人地對呢間公司的印象囉！

講完！安樂晒！
呢個世界壞人好多！大家小心！

完美── chiffon pink heart & lilac mist flower

最近入手兩個夢幻組合，我覺得真的是好完美的配搭！
浪漫到冇野講！

話說呢個chiffon pink 心心煲係今次sogo限量，據說當日跟第一天各有千秋，不過我因有事未能一睹盛況，幸運地得意料之外的同事協助，終亦能得此煲，作妹妹結婚禮物！
唉！希望咁靚的煲可吸引到不太懂下廚的佢走入廚房吧。

chiffon pink 跟 antique rose，呢個光度下看，其實分別不太！

但暗燈下睇較明顯。

配埋呢次LC送的心心煲的，剛好襯埋兩SET！

而呢個花係2012年頭已經係CX出現，當時好多人驚為天煲，我卻冇諗過要買，因為呢個色我已經有，花又唔係我至愛。
但經過一年係人地的BLOG、FACEBOOK 係咁見人地有，卻越睇越靚，越睇越中意，通常佢一年就會轉款，如果冇左我諗我會後悔！
跟住多得新識的朋友話我知有機會有平，於是我就等下添，果種驚佢一去冇回，又想買平野的感覺真的好矛盾！後來多謝好多搭上搭的朋友們，終於我都擁有了。
得來不易！謝謝各位仗義相助！

放埋一齊真的好夢幻！

夢幻三色換左新的粉紅比之前更靚！
如果SATIN BLUE係之前隻24 RISOTTO應該更PREFECT！唉！

很久沒出現的大合照！

原來我的煲都係偏向某些浪漫色系的，同埋大部份都冇乜漸變色的！

不過呢張相應該短期內唔會再更新的了！因為短期內，我應該唔會再買LC煲的了！

一來已經有唔少 ( 當然比起SUPER FANS我真的唔多，仲係個位數！) :P

二來HK LC近日的QC真的令人頗失望。
我一向喜歡把我中意的野影得靚靚，放係BLOG同大家分享，開心下。
不過睇相就梗靚，LC近來的質素真的唔多好！不論係SOGO排隊、航空公司訂購的，我係BLOG、FB聽親個個都出事，只是差左大定小。
我呢兩個都唔係冇問題，只是問題唔大我就算，但有些真的幾過分，相信有留意開的朋友都明我講乜。
官方答案當然好得體，人手噴漆實有不均、有孔有點有凹有凸等等都係正常；
我都明，在商言商，唔通好似姐姐咁講「個個都係咁的了」，差在未講埋出口「你買就買，唔買都大把人排隊爭住買」咩。
同開倉唔同，開倉明顯平左好多，或者好似外國、日本咁，有橙LABEL的暇疪品特價貨，你情我願，預左有些少問題，但價錢平番些，你會覺得心甘情願。但用正常價去買，你唔會預佢品質有問題囉。

我可以選擇的咪就只係買同唔買。
有新色靚色中意，我諗我會係外國買回來，可能貴少少但質素有保證得多，甚至乎有些貨計埋運費都仲平過香港添！何必買次貨唔開心。

坦白講我真的中意LC的野，好用又靚！我其實仲有好多WISH LIST想要，BUFFET、RISOTTO、換左個22同色、將26同18都換大一個SIZE 等等等等。
只是真的有些失望囉！

2012年11月23日星期五

天然潤唇膏、防蚊膏@TEAPOT

貝媽媽早前話我做左TEAPOT FANS，都係架！嘻！鬼叫佢的手作仔又真的好靚咩！

最近學左整潤唇膏同防蚊膏！

潤唇膏啱晒近來轉冷的天氣。
最吸引係靚靚裝飾！睇到都開心！
同埋使用天然香薰精油做，冇咁易敏感。

不過講起呢些香薰油，又令我諗起我朋友ANNIE，佢係香港最正式教香薰治療課程的人，一直想跟佢上堂正式學，但都仲未就到時間，唔知幾時先至有機會呢！

又上網幫襯買左呢些天然皂同潤手霜咁。其實我想自己做，但材料濕濕碎碎好似好煩，呢些唔貴買都幾好咁。但皂未用唔知係咪真係咁好，但潤手霜幾香幾好聞。

有興趣可去睇睇。
http://arlansoap.shopping.beautysky.hk/

2012年11月17日星期六

雙雙對對──Chiffon Pink & Satin Pink

粉藍真係好襯粉紅！
雙雙對對！好開心！

自從去左呢間公司做野後，SOGO THANKFUL WEEK 我成日去買野，因為近水流台，日日放工行下都得。
而且佢次次LE CREUSET都有限量新色上場，搞到個個為之瘋狂！

但印象中我從未去買過！
真係喎，我的煲多數係開倉時買，偶有好中意的就找盡最平的價去買。

或者咁講，SOGO的色未能引至我非買不可囉，所以我自問其實好忍手架！煲也不是朋友所說的非常多 :P，對比起能砌聖誕樹的朋友們，我好少架！
仲係單位數咋！哈哈！

今年我破例去參與，因為CHIFFON PINK！
粉紅唔係我至愛！( 我至愛係粉紫同白！)
不過開倉時買左個14 SATIN BLUE(可睇呢度)，試過原來14做一人煲仔飯超PREFECT之後(呢度)！跟住已經心思思買個粉紅襯番佢，同男友來個一人一煲，咁就唔使因為口味唔夾冇得食最中意的野食！

呢個配搭日本最新都拿左來作BABY系列，睇埋日本網頁果些靚到暈的相！差些早前就不計運費買左回來了！好在收到風SOGO會出，咁就忍手等囉。

所以買到超開心！

仲有之前見到BLOG友們由日本買入的SATIN PINK 和 SATIN BLUE STONEWARE超靚，流口水之餘，但冇大焗爐的我，STONEWARE我只係對湯盅同碟有興趣。

SATIN PINK 湯盅之前由BLOGGER的預先宣傳知道SOGO會有得賣，上網睇得番英國有餘貨，EBAY亞馬遜問左幾間先有間肯送香港，但運費貴，買多少少SHARE運費可平少少，即刻係FACEBOOK同BLOG POST有冇人都想要，好彩好快就有人覆，掃晒4個，為番都唔算好貴，仲平過香港冇折買，OK啦。
至少找到心頭好！

新CHIFFON PINK同舊的ANTIQUE ROSE放埋一齊，你中意邊個多些？

仲幫同房新晉靚媽買左個24煲湯同大花花(for 碟頭飯?! :P)

本來送貨架，點知阿姐開錯單，唉，唔想再等多半個鐘囉，算！
已經多人到浩浩快頭痛款，快走快走！

仲幫兩個朋友買左鏟鏟！SILICON冇半價其實唔算最抵！不過都OK啦！
其中一個已經俾一個朋友老公即時接走！好好先生！另一個待取貨。

當然換埋禮品！剛好FOR我兩個心心煲！(另一個COMING！:P)

加插第一日現場實況！
坦白講，超混亂！個個都忙！工作人員根本唔可以走來走去拿貨，俾錢要等很久，COUNTER又唔夠大，隔離同對面附近都做唔到生意，但FANS實在太多，我都諗唔到咩方法更好。
不過今次派籌LC都叫有進步，安排得好左，後期限人入去選貨，好好多，有些野我明無辦法，但各位守規則，公平買靚野，大家開心！