其實我仲整過好多野俾浩浩爸爸試架，蛋撻、叉燒包等，哈，咁乖，唔怪得佢成日教浩浩要快D娶我啦。不過可惜現在佢冇機會再食我煮的野了。
其實由細到大都中意整野食，但呢幾年工作忙整少左好多，今年心血來潮想重拾番呢門手藝，整多番好多。新年到，就由呢個開始吧，由邊度跌低就由邊度站番起！
唔跟「中國點心」個食譜了，雖然媽媽證明左佢係得的，我今次跟煮野食好叻的師姐T&P的食譜 整。
材料：
蘿蔔 2kg.....百佳買好抵，$1.7 / 磅，買回來先知唔夠 2kg，1.6kg，所以材料按比例減少左d。
蘿蔔1.6kg，刨絲 ( 好鬼累又辛苦，一路刨一路諗起阿咪的高科技整糕，不知幾羨慕！)
粘米粉300g
冬菇5隻，浸軟去蒂切細粒
蝦米1/2碗，浸軟切粒
臘腸二條，洗淨切粒
瑤柱2粒，浸軟撕開 ( 呢個食譜冇的，但中意食自己加的 )
水約二杯 ( 浸冬東菇水＋蝦米水 )
調味
雞粉 2 茶匙
胡椒粉
做法
1) 燒熱鑊，下油爆香冬菇、蝦米、臘腸、瑤柱
2) 加蘿蔔炒勻
3) 加 1/2 杯水，煮至蘿蔔絲軟身
4) 加入調味料，炒勻，熄火
5) 用 1 1/2 杯水將粘米粉開勻
6) 將粉漿加入
7) 拌匀材料，慢火煮至半熟
8) 將粉漿倒入已塗油的糕盆中
9) 大火蒸大约 40 - 50 分鐘
10) 灑上白芝麻同蔥花，待涼，完成！不過要雪凍先可切片煎。
以上材料份量可整兩底小錫紙盆。
睇個樣應該好成功，yeah！不過都好多蝦碌野，炒好晒先醒起冇買錫紙盆，要落惠康買；跟住第二底個鑊乾晒水都唔知，好彩隻孖人鑊可以冇水焗野的，於是有少少焗面feel，好彩冇焦，嚇死！
好！食左神仙蘿蔔糕，今年個個步步高陞！
咁多人一齊睇樓真係第一次，個哥哥仔都話第一次見，不過佢唔介意，我地都識做，有人住的我地就唔一齊入，吉屋先入去好好評論下。
)，連對住大怪物素素都開始可以習以為常，呢位熱情的老朋友，相比下反而是好溫柔呢！
