再見毛毛孖寶

話說一直想買呢兩樣野，之前sogo thankful week已格過價，但平唔多，唔趕用又拖下先。

上星期行開吉之島，同浩浩入去買左佢地，嘻，一人一部！

呢個有個冰敷話脫毛時會冇咁痛。

呢個係微型剃刀，剃鼻毛、耳毛咁。


其實之前睇中右邊呢款，但買的時候有新款 ( 左邊 )，見佢特價買左佢。

不過後來諗諗下都係想要個新款的，於是今日放假試下去換。

吉之島的服務真的好好，check左未用過後，就乜都冇問便做退款。

換左set新款的，好靚咁，配件又多D，功能也多少少，但冇左個冰敷，不過D人話佢摩打速度快左其實冇咁痛，希望係真的。

拆開叉電，真係好快一小時便叉好，舊那個要叉一晚先FULL。

頭闊些，脫得快些喎。

D頭全部拆得去洗，好乾淨咁。

仲有眉鉗SET，有燈仔好方便咁。(佢個主機都有燈的。)

試左剃刀OK，不過幾嘈！
脫毛就只好驚青咁試左隻腳一行咁多，但出奇地唔算痛，少少拉住咁便完；脫完又冇紅，塗cream便好。