白白 ( 順道歡迎 GARLIC KEEPER )

上次影左紫色，自然唔少得我另一最愛──白色！
但白色LC真的唔多，偷雞當米色DUNE都係當白色吧。
登登.....

影左兩次先影到呢張！
但都係影漏左佢....唔補影了....

順便介紹呢個新寵！
朋友仔幫我係美國訂回來的GARLIC KEEPER

底部有幾個孔通氣，據說蒜頭係入面住，冇咁易潮濕發芽喎！

我會做對照實驗證實下係咪真的！

白色煲係好靚，LC白色煲當初開倉買，平過其他色，有少少猶豫，姐姐話放心，點燒都唔會黃的，原來係真的，用左兩年，成日煲湯，仲係明火添！但外面真的仲係光滑如新！
不過裏面因為同其他煲唔同，唔係米黃色的，而也是全白色的，所以染色情況好厲害，(我唔知其他色會否如此) ，總之我的大白入面已經「好有經歷的痕跡」

係咪好驚？由初初心痛到接受，貴買平用係咁的了，同埋我發現最主要是紅蘿蔔的染色情況最嚴重，但紅蘿蔔是最常煲的湯之一，所以冇法避就由佢了。
至於用乜專用劑等等洗的方法，我唔會沒試過，反正我只係用家，唔係佢地代言人SALE，冇佣抽，也沒有必要隱瞞真相。( 不過千萬不要用神奇海綿洗！ )

朋友話我好多LC，其實最貴的煲我只係得幾個，唔多，夠用便好。

呢座塔何奇矮小，哈！

好，講番主題白色，
STONEWARE 類其實得三個

係咪留意到個花瓶多左色彩呢？
嘻，對，我終於係經過西貢，去左果間傳聞中的NOBLE LIVING，買左幾個SILICON 剷剷，好開心！

一體過的剷、掃、刮，唔會藏污納垢。佢平左俾我，又送多個白色小刮刮俾我！好開心！

老闆好好人，我仲買埋對SILICON 夾綿手套，同媽媽一人一隻，用380時方便些

*****************************************************************
就係呢間，西貢巿中心附近，敬民街

些除左SILICON野，其實仲有好多有牌子的不鏽鋼野、木廚具等賣

我們仲去左間海南雞專門店食LUNCH，又真係好有滑好好味，浩浩話只係比勝利小廚差左少少雞味姐，但已經好好！個元蹄又唔肥！

$132有飯有湯三餸加飲品！算係咁了。

如果佢係屋企附近，一定成去幫襯囉！