初秋鐵板燒

開學以後，忙到傻左！
尤其最近老闆心情跟天氣一樣，更甚！
難得一天跟浩浩一起放假，但空氣超差，所有戶外計劃一一打消，好DOWN！

突然醒起很久沒有玩這個，於是又來一次鐵板燒！
好開心！

我們得兩個人，沒有買好多野，只係係屯門吉之島新超巿買左些食物，加埋清清雪櫃冰箱野，就來了！
其實呢個遊戲好方便！同打邊邊差唔多。

初秋少許涼意，但仲係一號風球，冇雨，但有風，唔太熱，加把風扇，門內滲少許冷氣，都OK。
初秋、露台、夜晚、啤酒......呢個意境夠晒！朋友仔係FB話有情調喎！呵呵！

但美食都好重要！
上次唔識，用左有坑紋GRILL PAN，結果好多油；又買勁多肉，好膩！
今次精左，買多些蔬果菇類咁，清清地反而健康些。
尤其金菠蘿！一定要有，簡直有REFRESH的感覺！

但點都要有少少海鮮同肉，滿足下浩浩！
蝦、雞翼、牛柳粒，今次只係普通貨色。

仲有各式調味，海鹽、蒜鹽、橄欖油、黑椒、芝士，但最後都冇落芝士。

本來串好晒D食物，一串串咁，用左呢個平底PAN玩，但浩浩話竹籤太長唔好燒，同埋個PAN太細喎。

於是改番左用380，哈哈！係咪好好玩呢？抵入架！雖則加左少少價，但仲係平過UK貨好多，黎緊九月又開倉了！你們會去嗎？

清清同素素出奇地好乖！只係係門口睇我們，冇扭計出來，又冇扭要食野！抵姐姐獎罐頭你們吃！

食飽！
順便加少少水洗PAN！
鑄鐵，太傳熱，有時個電磁爐DETECT到過熱自動停左，一陣再開，自動慳電添！
不過可能技術問題，都有些燶燶地！

煲番滾D水後，剪左少少綠色百潔布入去擦下，D燶就甩左大半，凍左再拿入碗盤度用海綿同洗潔精洗，乾淨番晒！
想白些可以加佢專用洗劑 / 不鏽鋼清潔液，其實一樣得！

其實唔難洗！

個露台咁好玩，邊捨得賣丫？！早前的決定係O岩的！

茶隔FOR茶壺

早前朋友仔FAFA去東京咪幫我買左個AFTERNOON TEA的茶壺既，開心之餘，一直想幫佢UPGRADE下，嘻！

果日行開MUJI，終於俾我遇到，番來即刻開工，搞掂左！
見唔見到係乜？

咪就係佢地囉！

本來以為買個茶隔好容易，但原來都唔係，一係SIZE，二係唔想要金屬，怕刮花茶壺。( 我行左好多吉之島、永安、12蚊店、SOGO咁架 )
所以係MUJI找到時，超開心！度SIZE應該OK，回來先真係放入去試！

你睇，FIT到漏！好似原裝咁！
或者日本野真係要配番日本野！

跟手做多樣手作仔！加番幾重魚絲圈，等個蓋唔使掉下來跌爛！

安樂晒！
用得安心又開心！

未買到茶隔之前，有用12蚊店買100個的紙茶袋，不過要先將茶葉入好先沖水，其實都OK，只係煩少少咁。

包租婆

很開心！
做了一件自以為的人生大事！
當然其實沒有什麼了不起，以現在風高浪急前景不明的經濟狀況下，更可能是個笨決定。
但那是我的一個小夢想，能一步一步的向著目標實現，那種快樂實在難以形容，什麼都值得。

感謝主給我有能力工作，才有機會得到這些。
也求主提醒我別錯將目光人生重點放在這些身外物之上，忘了我們最重要是走天國的路，投資和投機之間的差別就只差那麼一點點，求主讓我有聰明智慧去分辨並執行。

理財不易學，我還差很遠，仍要努力呢！

我成日希望能早日退休，是否太過懶惰呢？工作如果是神所喜悅又能從中為神作工，那我是否不應停下來呢？唉！別人有子女，留在家教養孩子是偉大，但如果我留在下是否變成寄生蟲？每天打理家務煮野食是只顧玩樂嗎？或許我該好好想一想，再次計劃一下我的未來！
計劃將來從來不容易！
當年18歲，我為自己定左個十年大計，結果得失各半，至少大部份完成，但也叫我明白很多事不由自己控制，你可以計劃期望，但結果仍是要看神的心意；現在看回，當年自己實在很幼稚。
下一個十年，我沒有為自己定下那些以人事作目標的大計，我只希望人生能可以做自己喜歡的事，走天父想我走的路，學會相信主為我安排的總是最好的，學會順服等等等等......不過還是別說太多，把話講得太滿太好聽，不竟人太軟弱，常常做錯，做唔到有壞見證仲衰！
少說話多做事更好！

分享開心完畢！
最後謝謝浩浩一直的幫忙，沒有你便沒有今天的我。

白蘭花

話說早幾個月前無意中在沙朗的blog上看到她家的白蘭花開花！我才知原來細細過見到街上婆婆賣一束束的白蘭花原來不一定是山上才有，原來可以是盆栽！

驚為天人的我立刻向她請教在哪裏可買，她又好好咁話我知時會出現於花墟，於是有日好笨咁便一條友走去撞彩，又俾我找到喎，一條友拿著三尺有多的大盆栽回來！諗起都覺得傻！

不過當時仲未有花蕾，( 當時見到有些已經怒放的，但怕好快會謝，於是選了株沒有花蕾的 )
回來小心翼翼的打理，但一直都冇乜起色，但幸好似乎不難種，至少打左幾次大風都冇吹壞吹謝！感恩了。

點知早幾日，在無任何先兆下，突然有晚就咁開左了！

真的好香！果種幽香在夜裏更覺清新！令人禁不住停下腳步逗留。

那種突然怒放又充滿香味的小白花，令人感嘆大自然奇妙之餘，也頓覺人生無常，總是充滿意料之外，當然意外有時是驚有時是喜，但無論點都好，都要記著天父總是安排最美好的給我們！

這晚剛和浩浩家人一起晚飯慶祝兩個壽星仔生日，回來我們作了一個大決定，未知對錯，祈禱後覺得心裏踏實，便安心睡覺！

白蘭花，大概是天父提醒我而開的吧。會太一廂情願了嗎。

LC SILICONE 粉紅心心墊

LC兩周年，果輪忙到嘔，半價都冇去到買野。
今次輪到唔同店有半價，CWB CC SUPER近番工，去左，買左佢！

唔係個煲，心心煲係上次買的，係下面個墊。
一樣粉紅心心，明顯係FIT FOR佢。

心心相印，嘻！

好多BLOG友仔都有，我都終於擁有了，不過仲未開光。

其實半價可以買三件野，仲諗過小心心杯墊，但我好少用杯墊。
又諗過心心淺盤，折左7XX咋！平過BUFFET好多，但得紅色，等佢有粉紅先再算。
仲有果兩SET粉紅粉藍3小心心加長碟，不過真係冇位放STONEWARE出來，忍痛捨下了。

Breakfast Corner

一直好恨有個Breakfast Corner！
但自從搬離舊居，冇左開放式廚房後，呢個Corner一直只能一拖再拖！
今日暫且整左個微型版 ( 半招行晚拆版 )，滿足下都好吧！

順便SHOW下新買的CAPSULE HOLDER

膠製，有三種顏色

我中意透明，SHOW晒D味出來，可以望住揀飲咩，好開心！

企鵝仔WITH CAPSULE HOLDER

企鵝仔出左新版本，有指示燈，好似幾型咁！

其實我最想買係呢個HOLDER，不過未見香港有得賣，EBAY運費又貴喎，係TIMES SQUARE LOGON有個實物SHOW左出來，不過非賣，真的好靚！

Tea Set with Afternoon Tea Tepot

上回提要，講到套CAKE STAND茶具只欠個茶壺。

跟住好朋友FAFA剛好去東京，又主動問我有冇野代購，於是就請佢睇下見唔見AFTERNOON TEA的花花茶壺，超感激佢同老公真係幫我帶左佢回來！！
仲借左個相機袋來保護冇盒的佢唔好打爛！愛死你們了！

未取貨已望住張相笑左幾日，拿左之後，日日望住佢影相不知幾開心！
睇下，真係好靚！襯到絕！

afternoon tea通花碟同茶壺，放埋係淘寶杯碟旁，我覺得真係好MATCH！

為左佢地，專登係放假最後一日，開左個小型茶會去慶祝！嘻！
真係好開心！

順便試下WEDGWOOD的EARL GREY FLOWERS TEA ( WILD STAWBERRY)！
找番我覺得最好味的TIRAMISU食譜整左
自創超易整的酥皮腸仔卷，同埋酥皮鮮果TART
同埋薯仔鮮果沙律
仲有MUJI的豆沙餅

真係好好味！好開心！

推國民教育之我感

這幾天面對新聞，總有點無奈，點解香港會變成咁？點解真理總被扭曲？
吃喝玩樂以外，人生是否該有更重要的事？
感謝主讓我找到答案。
在這個混亂的年代，我們該如何定位、如何處事待人，原來聖經早已教了給我們。
願身為教育界的我們，最能教給下一代的是最寶貴的真理，而不是那些似是而非的盲目。與大家共勉之。

http://www.baptist.org.hk/b5_info01_pop.php?id=372

文章的確有點長，但以一篇令人找到平安的教導，值得的。