2011 LC開倉

有左上年經驗，知道早去有著數，於是8點未夠到左富豪酒店，點知入口一個人都冇！

我係第一個！？冇理由嘛！

個哥哥守住左個門口話係呢度排隊的！咁又排囉，點知有個男人拿住早餐話朋友已入去，原來剛剛已經入左一批，哦，咁我咪問佢係咪都可是入去排，佢就俾埋我入。

入到去原來已經有大概50人左右了，據聞最早的係5點幾，好叻！

同埋我先知原來我好好彩，因為同我一起入來的幾個人之後，原來已經截左人流冇得入去等，即要係出面曬住排隊！@@"

10點準時開門，第一批入去，所以都好快選到要的野，其實我今次想要的野係一個「黑水殼」，方便我炸野用；同埋一個380，其餘見到特別先買。

臨入去前同BLOG友仔AMI相遇左，仲俾佢同佢的朋友照顧，好開心呢！

今次又身負重任，幫朋友仔們睇埋，於是......

於是失晒控！

不過銅鑼灣開倉係真係比海港城多好多貨的！

買完D哥哥好好人，見到我一個女仔，點拿咁多袋重到咁的野呢？好好人咁幫我拿上去截的士。

我也先發現自己未必拿得到！

今次浩浩又番工冇陪我來，的士又番唔到屋企，雖然只係短短一條街便有車但都去唔到！

點算？！

哈，女人買起野上來係傻的！

結果都係的士再轉車囉！傻晒！

累爆！但回家放底野，便再出去陪爸爸覆診，回來再影相吧。

警察帽環保袋

浩浩最近幫我買左呢個，好可愛呢！

中秋賞月@露台

今年中秋雖沒有連放4天，但放左三日，中間一日回公司開party，感覺好好，好像很久沒有真正放任自己什麼也不安排去做，純粹去放假，找回那種輕鬆感覺真好。


中秋正日沒有四處去逼去湊熱鬧，也唔想忙到天昏地暗，所以同浩浩出街食，食完回來睇左套dvd，跟住出露台賞月！嘻！呢個係今日的重點！

iphone 同相機影的相差幾遠！

一早準備好晒各式燭台、月餅小吃同自家浸的梅酒出來。

10時多正好月上中天，好圓好光！呢個角度都仲看得到！

自家浸的梅酒夠5個月，拿出來加冰飲，剛剛好！正！

還有自家製的迷你冰皮月餅，同埋今年炒到傻左的半島酒店奶黃月餅。
其實仲有一個在公司做的傳統蓮蓉月餅仔，但浩浩唔中意食，便作罷。

拿個大咕順出去靠坐係木地台上賞月飲酒吃月餅，今年中秋夜有涼風吹下，唔會好焗熱，吹住風咁傾下計咁好浪漫呢！

最後浩浩仲忍唔住入去用昨天BBQ淨左的東西炒左個小炒出來添！

素素同清清係門口不停偷看，但知道貓貓唔准出露台，所以只係得個睇字，好乖！

結果係露台舒服到訓著左！好彩浩浩叫我起身咋！

***********************************************************


其實一早已經找晒全屋的蠟台出來準備，花燈也沒買幾年了，唔想浪費，而我最中意的傳統圓形紙花燈，一PACK十幾個重用再重用，應該夠我玩多十年添！

點著晒真係好靚，望見到覺得好興奮了！

乘機SHOW下幾個我的至愛先！
呢個來自溫馨無限，好多年了。

呢個係新歡FROM樂安排。

都係新歡FROM FRANC FRANC。

呢個係IKEA的出品，超中意，唔同時期買左3個，2銀1白。

中秋節，祝大家都人月兩團圓！

中秋BBQ

(FOR FRIENDS ONLY)
中秋節總係想BBQ的。

食過番尋味，今年依然係露台搞掂！哈！
(我燒左一陣咋，一年先兩三次，盡量唔想影響人。)

今年多左張露營用小桌放食物，仲發現左D貓砂桶原來做小椅子係好FIT的！

燒大蝦、大蜆、不過全部都簡單野，只係至在開心下，今年主題係RELAX，唔想太辛苦。

除左美食，仲有美酒！
自家浸梅酒飲得！仲入左些拿番公司同同事分享，大家開心下！大獲好評呢！找到同好真係好開心架！

開住冷氣BBQ，哈哈！

四個人好FIT！

人出晒露台，貓貓可以霸晒個梳化嘆冷氣睇電視！

嘆完就出來娛賓！素素冇咁怕人了，佢負責玩毛毛球！

清清竟然都玩！

附上一張係公司開PARTY時拍的相
中秋節快樂！

PHTEIN 頸鍊 (2)

上次浩浩送左條鍊俾我 ( 可看呢度 )，今次到我送番條同系列的俾佢，不過粗身D，男仔戴好似型D。

禮上往來，情侶鍊！似唔似訂情信物呢？

不過50cm原來短左少少，要換番條60cm長。
佢另有65cm唔同長度的呢！

咖啡杯 for NESCAFÉ® Dolce Gusto

自從買左部 Nescafe Dolce Gusto後，成日心思思飲番杯朱古力或Mocha！

自不然就想買番D配套品！ ( 呢個藉口幾好！)

因為要就番佢每套CAPSULE通常每杯沖到220-250 ml左右，家中的杯唔係太大就太小，出面好多靚杯 size 都太小。

睇左好耐，買左佢地！



1) FRANC FRANC 咖啡杯 ~320ml
米色同深啡色，唔同色但覺得佢地好襯，應該係一對，加埋個木盤好有氣質咁，所以掃埋！$40@，個盤最貴$130。

沖300ml 連泡就好 fit！

2) 小型不鏽鋼耳玻璃杯
呢SET杯都係FRANC FRANC見到，MADE IN ITALY，$130 /4隻，但一樣的貨我見到係日本城特價，一套4隻賣 $ 44，即掃！

另外見到FRANC FRANC有個杯墊襯埋，但日本城冇得賣，FRANC FRANC又得番一隻，都好，要埋先！$35。( 貴過隻杯！ @@ ) 拿來放蠟燭台都好 FIT！

係個盒殘些，但連牌子都一樣，1/3價錢，想點。

3) 透明玻璃雙層杯

另外係網上睇中左佢，300 ml。

因為之前買個隻類近的小茶杯 ( 詳情可看呢度 )，知呢D杯隔熱好正，而且大陸老翻品質都OK，淘寶款式都好多咁。

但冇實物看，想睇睇大概有幾大同厚度先，所以去左EMOI的舖面看看，結果發現原本我喜歡那個杯碟款的咖啡杯原來好大，反而另外幾多款都唔錯！

最後買左呢兩隻，有SILICON蓋的。

實物仲靚D。

拿來沖呢期至愛奇異果汁又得，~320ml

放係部機沖熱咖啡都好FIT！