求婚翌日，浩浩去我家食飯，但媽媽唔係企喎，於是再一日先番去食飯
成家係晒度， 唔知點開口好，好尷尬的嘛
食完飯睇電視時，杏問我隻戒指係咪求婚戒指，就咁開左口囉
浩浩同爸媽講我們準備結婚
爸媽都只係話好的姐，仲話等左好耐，早d結好！
但擔心我們唔夠錢，叫我地不如旅行結婚算，吓....乜咁求其呀，驚死我嫁唔出，想快d送左俾人咁，啍！
算吧，總算叫做開始左囉
2009年4月10日 星期五
睇樓第一擊──海景花園+屯門巿廣場+錦華花園
早上同爸媽飲茶時見到報紙寫樓下間地產有屯門樓820呎賣99萬！
海景花園，真係有海景添喎！
於是很久沒去睇樓的我地見得閒，下午便去看看。
其實早於上年聖誕左右已經想睇，但校長小道消息話三月先會係最低，會大跌，咁梗係唔敢買啦，不竟我老闆家族係做建築的，點敢唔信。
結果真係跌，但冇跌得預計咁大，但比之前真係平左，如果價o岩，我們都想買來投資，收租都好。
＊＊＊＊＊＊＊＊＊＊＊＊＊＊＊＊＊＊＊＊
去到先知海景花園原來係青山公路三聖入些，地產舖俾錢的士去的士番，睇左大約6個單位，99萬係假的，但800幾呎都係120左右，向海，廳大房又大，都真係幾抵。
但真係舊囉，裝修都殘，碼頭那邊好似好d添，話晒係大海景，呢度要花幾多先執得四四正正，而有裝修那些又成15x，咁貴又唔會買佢啦。
同埋僻，要有車囉，否則都幾大件事。
作罷，叫做見識過。
跟住回去，都係想睇番我地最想睇屯門巿廣場，自己住緊，知佢超方便又易放租，樓下西鐵巴士各式食店商場乜都有，出九龍過海都係30-45分鐘。
可惜，3期共8座，根本冇乜盤放。
買得除左想用來投資外，都想自己又換屋，住新的租住緊呢度出去，可惜大單位根本冇乜盤，尤其我們又指定要某幾座方便的，結果都係得幾間細單位。
細過住緊的唔想浪費時間看，於是看左間598呎的，但7座，唔方便，當然係指對比我地呢度，入少少囉，唔係一落去便巴士站商場咁，搭車要經過商場等等上上落落、景又一般，最重要係近商場的中央冷氣出氣機，好嘈，算吧。
最後經紀死都叫我們看埋錦華，唉，唔提便罷，又唔方便，間隔又差，廚房細到轉身都唔夠點用！
我們係奄尖又煩，但買樓喎，有得選梗係要好好選的啦！
趕回家吃飯。
海景花園，真係有海景添喎！
於是很久沒去睇樓的我地見得閒，下午便去看看。
其實早於上年聖誕左右已經想睇，但校長小道消息話三月先會係最低，會大跌，咁梗係唔敢買啦，不竟我老闆家族係做建築的，點敢唔信。
結果真係跌，但冇跌得預計咁大，但比之前真係平左，如果價o岩，我們都想買來投資，收租都好。
＊＊＊＊＊＊＊＊＊＊＊＊＊＊＊＊＊＊＊＊
去到先知海景花園原來係青山公路三聖入些，地產舖俾錢的士去的士番，睇左大約6個單位，99萬係假的，但800幾呎都係120左右，向海，廳大房又大，都真係幾抵。
但真係舊囉，裝修都殘，碼頭那邊好似好d添，話晒係大海景，呢度要花幾多先執得四四正正，而有裝修那些又成15x，咁貴又唔會買佢啦。
同埋僻，要有車囉，否則都幾大件事。
作罷，叫做見識過。
跟住回去，都係想睇番我地最想睇屯門巿廣場，自己住緊，知佢超方便又易放租，樓下西鐵巴士各式食店商場乜都有，出九龍過海都係30-45分鐘。
可惜，3期共8座，根本冇乜盤放。
買得除左想用來投資外，都想自己又換屋，住新的租住緊呢度出去，可惜大單位根本冇乜盤，尤其我們又指定要某幾座方便的，結果都係得幾間細單位。
細過住緊的唔想浪費時間看，於是看左間598呎的，但7座，唔方便，當然係指對比我地呢度，入少少囉，唔係一落去便巴士站商場咁，搭車要經過商場等等上上落落、景又一般，最重要係近商場的中央冷氣出氣機，好嘈，算吧。
最後經紀死都叫我們看埋錦華，唉，唔提便罷，又唔方便，間隔又差，廚房細到轉身都唔夠點用！
我們係奄尖又煩，但買樓喎，有得選梗係要好好選的啦！
趕回家吃飯。
2009年4月8日 星期三
求婚
正式拍拖4年幾
浩浩有日同我講話識人買戒指平，於是同我去選戒指，雖然都估到係求婚戒指，但佢唔講，我梗係唔講啦！
就係咁約左4月3日上去間批發工場選左粒中意的鑽石，唔算好大，也不算完美，但中意佢閃閃發光。
當然我之前有上網做功課的啦。
就係呢粒石，雖然我唔會賣呢粒有紀念價值的石，但有GIA證書始終保值D，感覺上抵D安心D。
呢幾張相係我影架，係咪好靚
4月8日浩浩話取左粒鑽石，佢話有戒指即係嫁的喇喎，我答佢都冇求婚，佢話真係要花咁的嗎？我話梗係啦，於是佢第2日便番工去訂左束花，據說仲係著住套軍裝去買的，好彩佢仲知我中意咩花。
4月9日我去接佢收工，佢竟然話俾我知佢買左花，問我想佢取左先，定同我一齊去拿！唉！已經冇驚喜的啦，仲約埋我一齊去拿花送俾自己，真係想作死佢！激死我！
最後都係一齊去，佢自己入花店取，然後係條街巿度送左俾我 ( 佢唔使拿住丫嘛！ ) 。雖然其實我唔多中意收花，但呢D求婚花，點都要有的嘛，都開心的。
番到屋企佢先補番個求婚，其實唔多浪漫架，又冇驚喜，但呢個人係自己中意的人，點都開心的，算佢啦，至少該做的佢都做左啦！以佢咁冇浪漫細胞的人，肯做D佢唔覺得浪漫但我覺得係好浪漫的事，都收貨的，嘻！佢執到了！
最重要係佢應承我會同我一起番教會，求主帶領我倆走入人生另一新階段。
訂閱：
文章 (Atom)