求婚

 

正式拍拖4年幾

浩浩有日同我講話識人買戒指平，於是同我去選戒指，雖然都估到係求婚戒指，但佢唔講，我梗係唔講啦！

就係咁約左4月3日上去間批發工場選左粒中意的鑽石，唔算好大，也不算完美，但中意佢閃閃發光。

當然我之前有上網做功課的啦。

就係呢粒石，雖然我唔會賣呢粒有紀念價值的石，但有GIA證書始終保值D，感覺上抵D安心D。

http://www2.gia.edu/reportcheck/index.cfm?fuseaction=home.showReportVerification&reportno=6107509626&weight=0.58

呢幾張相係我影架，係咪好靚

4月8日浩浩話取左粒鑽石，佢話有戒指即係嫁的喇喎，我答佢都冇求婚，佢話真係要花咁的嗎？我話梗係啦，於是佢第2日便番工去訂左束花，據說仲係著住套軍裝去買的，好彩佢仲知我中意咩花。

4月9日我去接佢收工，佢竟然話俾我知佢買左花，問我想佢取左先，定同我一齊去拿！唉！已經冇驚喜的啦，仲約埋我一齊去拿花送俾自己，真係想作死佢！激死我！

最後都係一齊去，佢自己入花店取，然後係條街巿度送左俾我 ( 佢唔使拿住丫嘛！ ) 。雖然其實我唔多中意收花，但呢D求婚花，點都要有的嘛，都開心的。

 

 

 

 

番到屋企佢先補番個求婚，其實唔多浪漫架，又冇驚喜，但呢個人係自己中意的人，點都開心的，算佢啦，至少該做的佢都做左啦！以佢咁冇浪漫細胞的人，肯做D佢唔覺得浪漫但我覺得係好浪漫的事，都收貨的，嘻！佢執到了！

最重要係佢應承我會同我一起番教會，求主帶領我倆走入人生另一新階段。