今日浩浩突然唔使打波,駕車同我去左沙田睇傢俬,點知冇晒想睇的傢俬店,行左陣宜家,都冇乜心機行。
反而最大收獲係試左張好似好正的床褥。
識得浩浩的人都知佢最中意係訓覺,而訓覺的要求勁高!
佢話每天應該有14個小時係訓覺的,所以佢長期處於唔夠訓,兼可以訓得著的狀態。
而同樣地,佢對床褥的要求點會少。
而家屋企訓的係超級金美夢,一直找唔到一張更好的,今日似乎找到。
係dunlopillo的唔知乜床褥,特價左8千幾,好似仲有得折多少少,可以做12個月分期。
再search下先,沒有更好的話都應該係佢的了。
唔睇唔知,有d床褥真係可以貴到成幾萬蚊張架,但訓上去又唔覺得好好姐,或者我唔識欣賞啦,只係覺得個價錢好恐佈‧‧‧
12吋厚,英國牌子,天然橡樹乳膠,防菌殺菌,通風透氣、經久耐用云云‧‧‧
我覺得蓆夢斯都幾好呀!不過我買唔起呀!
回覆刪除[版主回覆09/22/2009 21:02:00]係喎
呢間又係超貴
一張好既床褥真係好重要, 話晒床褥會影響休息既quality, 又會影響第二日既工作表現, 同埋買咗又可以長用又唔使成日換既, 所以寧願貴少少都要揀張好既.
回覆刪除[版主回覆09/23/2009 09:22:00]希望選到張合心水的啦
浩對呢張床褥應該最有意見..
回覆刪除佢係最大受惠者~~~
[版主回覆09/23/2009 23:32:00]呢樣野明顯佢已經全權負責左啦
床褥真係好緊要 ka ~~
回覆刪除試諗下當你返左成日工,又倦又眼訓,可以訓落張舒服 o 既床係幾咁幸福的事
我現在用緊個床褥牌子都好正 ka
不過真係因人而定,每個人喜歡的軟硬感覺又不同。
[版主回覆09/24/2009 21:43:00]你用緊乜牌子咁正, 介紹下好喎 我見人地話sealy都好似好好, 又心思思去睇下
我咪就係用Sealy ,一個字「正」!
回覆刪除[版主回覆09/28/2009 21:52:00]真係? 我上網見d人都係係呢兩個牌子間選 教協sealy好似有6折....但唔知係咪某些型號而已