今日放工去照X-RAY,之後浩浩接我去行街,去左荃灣廣場行。
再看之前的DUNLOPILLO床褥,但發現另一款好似仲舒服的添,叫Grandeur Exective,但比之前的款貴,8折後再75折,但都成1萬零幾,個女人又死都唔減....其實未諗住買,但講定先睇下冇壞。
上次係沙田那款個姐姐都可以比原來折完再平,即係可以啦,但呢個點都話冇,都冇心機同佢講,要買都番去那邊買,傻的!
也試左好很貴的愛皇健,真係好舒服,但太貴了,3萬多,唔會買咁貴。
而席夢絲都唔太中意。
找不到人地話好好的四季酒店用的SEALY專門店,下次吧。
跟住又睇埋梳化。
原本我好中意原有的梳化,但浩浩好似好中意芝華士的梳化,咁陳明富家那套又真係好好同幾抵的,呢輪去試完都覺得係唔錯的,好啦,如果到時睇o岩便換吧。
後來又看埋OSIM按摩椅。
以前浩浩一直想買,但冇位擺,於是改買佢最中意的腳底按摩機,大大話話佢家都有過4-6部不同款的OSIM腳底按摩機,明顯係忠實FANS。
後來,阿濤搬屋,佢都係將部小的按摩椅搬左回去。
結果....間屋咪成個廳變左OSIM陳列室咁。
今日試左部新的SLIM版按摩椅,都OK舒服。
不過最舒服反而是個改良版的頭部按摩機,舒服到我訓著左兼流口水...........嘻....
不過呢D都唔趕.....可有可無的野......反正屋企都有咁多......搞好晒入左伙先慢慢諗添置都未遲。
絲連好似係新世紀有分店.
回覆刪除[版主回覆09/27/2009 19:31:00]等我下次去看下先