放假呢幾日無聊
決心好好繼續進行我的優化工程
畢竟很多野要住下先知點係最好,同埋先得閒做。
開始:
1) 廚房執位
i ) 雪櫃由拍貼爐頭移向另一邊
之前是原身大雪櫃自然沒有拍那一邊的問題,但宜家細左自然諗住靚仔,將條隙留向唔覺眼的門口位置,放下雨傘、行山杖、工具箱等。
但有高人 ( 我妹男朋友,雖然印象唔多好,但相處落又真係好似乜都曉咁 ) 建議推向另一邊,因為始終較熱,離開少少好,覺得都有道理。
最理想係有到咁窄 ( 10 cm ) 的架放下野,但冇,巿面上最窄都 15.2cm。
ii ) 焗爐同微波爐調位
原來微波爐的位方便些,但我們少用微波爐,多用焗爐,咁會方便些。
iii ) 餐具歸位
成個廚房最唔中意係餐具放唔入方便的櫃,太細,又冇理由全部倒晒入去,故一直放係餐具盆,放在上面的吊櫃上。
最近俾我心血來潮係吉之島10蚊店買到種格格,把原來細到乜都放唔入的櫃,分好格,放晒d餐具!
美中不足係筷子都仲係要放另一格,但都好好了。
其實上網仲見到有種細格少少添的,但未見到有,用住先吧。
iv ) 買多個架,將D雜物執番好,空番好多位出來做野,清爽晒!
v ) 工具更換添置
不少物件都開始殘舊需要更換,索勝買過。
呢塊microban hello kitty鉆板好好用,我本身對hello
kitty一般的姐,但佢係microban,又防滑防菌,唔入水又唔會俾刀弄穿。
透明格格very gd la ,我都係用佢~~貪佢可以自己剪裁嘛!
回覆刪除整齊左,煮飯都會得心應手!哈
[版主回覆04/06/2010 08:55:00]你好叻,果然係新一代靚太!想起我們以前整課室成日去搜索唔同的野來佈置,真的很開心,宜家個場轉左回家,仲好玩添!
我都係用microban砧板架, 一塊大的用嚟切生肉, 一塊細的切熟食同生果, 係幾好架.
回覆刪除[版主回覆04/13/2010 23:36:00]原來你一早識貨 我最近先知咋
我想請問你個 Hello Kitty 砧板喺邊度買架?呀!仲有仲有,天上野布邊度有呀?我覺得你好叻,識週圍揾好嘢!
回覆刪除[版主回覆10/08/2010 23:45:00]我唔叻,不過地方細,要努力找最合適的東西,成日行街囉,好彩都有樂趣的。
Hello鉆板係吉之島有。抹布則天上野counter有,吉之島、實惠、sogo都有,不過有時冇show出來,要問天上野的sales先拿俾你。