sogo thankful week
又掃貨
星期六要番工,但番下午,一早約左rachel係之前逛一圈先
點知浩浩又得閒,駕車出來陪我行,呵!
一直想買番隻鑊。
原有三隻鑊:
1) 中型平底鑊,好似係美亞,黑色不黏底
2) 69元的實惠cheap cheap中式鑊,貪佢輕身粗用,點知用落便幾年都唔錯,不過上面黑色的塗層開始掉了,擔心食左有問題。
3) 一隻係美亞不鏽鋼鑊,鋼水好,唔會有塗層的問題,點洗都得,但好重身。
基於安全理由,新買鑊都鎖定係不鏽鋼,唔會生鏽,傳熱又好。
係吉之島見到隻意大利 Lagostina不鏽鋼鑊,$1888,佢高速煲好出名,但鑊又好似好普通咁,咁貴唔識呢個牌子,決定再睇睇先。
係sogo都見到有得賣,都係呢個價,隔離孖人牌做promote,隻鑊之前都睇過,相比之下冇咁重,仲可以乾焗、解凍等功能,傳熱快,省油省能源,睇效果好似唔錯,浩浩試左都好似ok,點都叫識得的名牌,唔平,但保用十年,屋企好多刀都係佢,真係超好用,都應該信得過。
呢個價係68折,sogo特價再9折,$2159,我張sogo咭再95折,$ 2050,買左!
仲加錢買埋佢隻鑊鏟添,據說 fit 晒佢隻鑊的喎,是但啦,唔差在。
回來search下d人講,評價都ok,真係乾燒都唔黑,有人唔小心細火開著燒左佢28個鐘都冇黑!
而手柄係明火煮食時係會熱的,電磁爐則真係唔熱。
煎肉時真係唔會焦,但煎最易煎焦的魚時,則都係要熱油、慢火耐心煎,都ok丫,有幾可煎魚丫!
仲有開心大發現煎魚唔焦秘方添!
本來我都想做這個連門架
回覆刪除但我選的那種手抽做不到, 至今都覺得可惜呀
[版主回覆05/23/2010 22:33:00]我都係見人有,覺得好好,仲成日諗點解發展商唔整呢種門,不過住左半年先知原來一早有.....
我都買左這隻, 但係唔覺佢ok, 很黏, 很煩, 現在主力用LC, STAUB, 放左係櫃底...你有沒有心得用佢...
回覆刪除[版主回覆12/15/2010 08:58:00]我漏左樣好重要的,就係要煮的食物要室溫,唔可以凍,否則都一定黏! 另外都重要係要等個鑊熱,燒到好熱好熱.........d油有晒油紋,越密代表越夠熱,咁先轉小火,放野落去,咁就唔會黏。 不過如果係煎野,就要耐心,唔好心急反來反去,要煎好一邊到佢個面熟左收縮,好輕易咁便移到,先至好反煎另一面。 其實除非係易潔鑊,否則不鏽鋼鑊都係咁,你試下摸熟左佢之後,會好好用,唔好浪費左嘛。
想問係咪已經用左半年? 其實用鑊都好睇每個人既性情配合買邊隻....
回覆刪除我呢排都睇緊, 未決定
[版主回覆12/15/2010 08:56:00]so far 我覺得都幾好用,但一定要熱鑊同煮室溫野,咁就點炒都好好! 鑊氣也好,也一定耐用,我相信十幾廿年都唔會爛! 我有買支fissler的不鏽鋼清潔液,久唔久洗下個鑊,宜家仲keep到好似新的一樣! 不過我建議你可看埋le creuset的marmite煎炒鍋先,如果我未買,可能都會考慮呢個!因為可以煲埋湯,存熱好好!現在做緊特價,$2480。
請問你可唔可以教一教呢隻孖人牌中式鑊特性,我前幾日係一田買左一隻,做緊特價都要$2,399,售貨員試範炒菜,佢話係凍鑊落油,跟住開大火等佢熱再落菜炒,其實佢咁樣講岩唔岩?因為我係用煤氣爐煮,覺得好似要等好耐隻鑊先會熱,請問係咪所有不銹鋼都係要等好耐?之但係煮完一味餸後隻鑊keep到好熱,如果煮第二味餸係咪即落油唔駛等佢出紋路先下食物煮?
回覆刪除之前用開生鐵鑊,雖然好夠鑊氣,但係洗極都仲有鐵銹,所以轉用不銹鋼,易潔鑊又話會用用下甩d 塗層出來
[版主回覆12/19/2010 17:17:00]呢D係我平時的經驗而已,唔敢話教,大家交流下啦。
我平時都好似你個SALES咁做,我也是用煤氣,燒到有油紋都要幾2-3分鐘左右架。
不過有時炒些唔會黏的東西,我便不會等到出晒油紋,有煙我便下,但肉、蛋、魚等會黏,又唔多油的野便一定要等到出紋夠熱先唔黏。
其實我之前隻不鏽鋼鑊唔使燒咁耐的,可能因為薄D,但有人話咁咪鋼水冇咁好,我唔知真定假,但呢隻燒熱左之後,真係可以KEEP耐D,咁住第二味時係唔使好似第一次等咁耐的,但都要油熱會好D。
你試多幾次便會摸到佢的特性 ,咁貴唔好浪費左佢丫嘛。
唔該哂你咁寶貴的意見
回覆刪除原來呢隻孖人牌 鑊 蒸魚好掂呀 ,前日買左條魚番來蒸,個sales教可以縮短蒸魚時間,因為個 鑊蓋設計同鑊本身好貼身,條魚本來要蒸7分幾鐘,而家呢隻鑊蒸只要蒸5分鐘到熄火再等一分鐘咁就攪掂,而且蒸完唔會水汪汪,以前用果隻鑊蒸魚成日蒸到個碟好多到汗水,開始覺得呢隻鑊幾好我會慢慢用去摸索佢d特性
另外想問你係唔係用橄欖油來煎炒?可唔可以推介邊隻油用來煎炒好用?
[版主回覆12/21/2010 10:38:00]都真係幾存氣。 我用開橄欖芥花籽油,佢話自己燃點比橄欖油高,適合煎炒,唔知真假,但好似都幾健康咁咋。
你講既le creuset的marmite煎炒鍋都幾吸引, 不過我剛買左個寶康來智能煲煲湯燜野煮飯好好用. 而鑊真係順水用來炒下野煮下菜, 份量少, 所以市面上大 size 唔仲意用. 唔知有無人行開工展會呢, 可能孖人牌有折
回覆刪除[版主回覆12/21/2010 10:35:00]單鑊佢算幾好用,係貴少少囉。 不妨去睇下,孖人通常做promote都有折的。
講時講丫, 好似係呢度搜尋孖人牌鑊用家唔算多, 好難得先可以同大家分享到過程, 我決定等聖誕節抽現金獎, 一到手就去買個靚靚鑊, 對於一個每天都煮飯既人, 好用既鑊好比我地既護膚品一樣咁重要
回覆刪除[版主回覆12/22/2010 23:22:00]我不是每天煮飯,不過我同意有好的工具煮起野食起來才會得心應手。 你有聖誕現金獎抽真好呢
聽講孖人牌中式鑊係工展會做緊既價錢係$2,399
回覆刪除原價係$3,499,其他產品都有折扣
[版主回覆12/22/2010 23:23:00]我見25號有$1水果刀,但應該會好多人,未必買到呢
板主,
回覆刪除你講得岩呀,煮第二味餸時唔駛等好耐,開始摸索到隻鑊既特性
覺得好好用呀
[版主回覆12/26/2010 09:55:00]真高興聽到你都越用越好!聖誕快樂!
我剛買了這隻鑊, 真係唔黐, 不過我發覺鑊內有些地方花了, 唔係表面的紋, 而係好似用手甲"咪"落一些物件般的凹痕, 我想會否是隻鑊剷做成(我都係用孖人鑊剷), 你隻鑊有無這情形呢
回覆刪除[版主回覆06/16/2011 09:14:00]我都係用佢呢隻鑊鏟,都會有花,但係好淺一條條的刮痕,我諗係同炒野的手勢有關,都試過用膠的鏟會好d,不過最後都係用番不鏽鋼鏟,因為膠始終會溶,不鏽鋼安全d,花就花,唔細睇其實唔覺的。
請問你的孖人牌中式鑊好唔好用呀?
回覆刪除[版主回覆06/09/2012 11:04:00]好用呀!點炒點燒點洗同刷都得!
會唔會有彩虹圈即“控” 呢? 要用潔而亮去省先得?
回覆刪除[版主回覆06/09/2012 17:41:46]會有架,彩虹圈係因為肉汁油跡遇熱留有痕跡,所有不鏽鋼用來煮肉都會有。
久唔久用任何洗不鏽鋼用的洗劑洗下便會冇的了。
我就係怕次次都都要省餐死! 我用五層鑊....
回覆刪除[版主回覆06/09/2012 21:49:31]我用buffolo果隻不鏽鋼洗劑, 少少一抹便甩
thanks for the tips!
回覆刪除