優化工程(二)──鞋櫃+飾櫃(改裝完成)

30/5/2010

咪話預左位，會改裝做 BAR桌咁的，星期四放工諗住去買料，點知10分鐘前關左門！激死！

星期五再去，買到！YEAH！12吋不鏽鋼酒架，$59/件，包螺絲。買左2個。

今日浩浩出手安裝，個電批又有用了！爸爸連叉電座、3個叉電送晒俾我，THX！

完成左，好靚！

我地超中意！

靚唔靚？

上面都放左飾物了，叫暫時放好啦，個鐘用花園街買的吸吸勾勾住，又幾穩陣，平過3M貼。

連右上角的層板都送左黎，浩浩執好晒入面添！

預計	現在
吸塵機	ok
抽濕機	ok
暖爐	fail　放唔入
鞋	ok
飾物	ok
酒	ok
酒杯	ok
燭台	有幾個大的放唔到，放棄
紙袋、環保購物袋、膠袋	ok
傘	只係放到短傘
紙巾.....盒裝、包裝、卷裝	ok
	藥箱
	工具箱 + 電批 + 各式勾 + 燈泡
	瑜珈墊
	清清梳 + 黏塵碌
	各式儲物盒

好開心！

遲些會再慢慢執的。

16/5/2010

個櫃終於送來了！

好滿意喎，四四正正，同設計一樣咁濟。

訂造貨，當然唔多唔少都有少少野差D，我地慣左了，哈，幾豁達！只係因為佢唔係大問題，又肯改，所以我地先收貨。

睇相先吧！

 

只開上面黃色光管同射燈，當燈槽用。         只開中間射燈的效果。

            

 

開晒成個櫃的燈，唔開廳燈，夜晚都夠光。

 已經放左個警署LEGO入去，下面果格係度住呢個警署造的，幾巴閉！

 

好開心可以放好多野入去，間屋空左好多，不過未得閒仔細執。

暫時：

 

放晒全部鞋，本來諗住上淘寶買疊起的鞋架，但唔使了，放唔落。

  

最開心係放左部抽濕機同吸塵機入去，本來連暖爐都放到，但放左就放唔到抽濕機，咁暖爐薄身d靚d，所以決定暖爐放出來。訂造真好！

 

桌面放左各式酒，上面打算裝吊酒杯的架，扮bar枱；

同埋放手錶、銀包、鎖匙 ( 但宜家冇鎖匙了添....嘻.. ) 等出門要拿的野。

估唔到d玻璃同鏡的手工又做得幾好喎，尤其d邊位，睇上下兩幅鏡，角位真係好似我地要求咁冇邊位，同埋玻璃都好實淨。

諗緊D飾物點放上去好，可能要加些亞加力膠座添，等D小飾物有處容身。

 

再睇番安裝過程！

下面三格分兩件，右上一件，上面的膠紙漬起到我地傻左！

加埋中間那件L型，同最頂那件，加埋玻璃門，鎖死便搞掂。

好重，幾個人先托得起。但拍埋牆後又幾穩陣，唔使上牆添。

但都有做得唔夠好的地方

1) 櫃門俾錯左普通較，唔係慳位D的平較，浪費左我的位！

2) 上層的櫃唔記得開孔，幸好師父即場開番，但當然冇廠開咁靚。但師父熟晒囉，佢聽完係咁而望下張單便開工，都知又係漏左，仲講番上次個書桌噴左幾次色添，嘻！佢仲記得......好有親切感，幸好今次唔使

PS：佢仲以為俾少左層板，後補俾我地喎！

**************************
1/5/2010

早上收到電話話其中一塊玻璃爛左，咁梗係唔送啦，又要再等，最快都下星期先有....唉.....

30/4/2010

放工執開晒D野，主要係鞋同工具，先塞晒係廚房。

又執左兩桶野丟掉，好叻！


移開晒雜物入房，頓時覺得個廳大番，看來家中回復空間可期！

預算個櫃可以放：

1) 吸塵機
2) 抽濕機
3) 暖爐.....希望順利放晒呢3樣野
4) 鞋.....打算係淘寶買上下格的鞋架
5) 飾物......以前買落10蚊店的膠格可能有用了
6) 酒
7) 酒杯......要買個架先可吊起
8) 燭台.....多個......同埋蠟燭
9) 紙袋、環保購物袋、膠袋.....平時儲起掉左好浪費，但越來越多，可能都要掉緊些
10) 傘
11) 紙巾.....盒裝、包裝、卷裝

諗下都開心！

咁書房就可以再執，放好相機、相簿、椅子、麻雀板咁.......下刪幾萬樣野玩.....

前提係收貨順利的話！

*****************************

29/4/2010

傢俬舖打來約時間送貨同安裝，約左5月1日星期六。

希望到時順順利利，靚靚仔仔啦！

好期待添！

P.S. : 浩浩同人講我QC好勁，叫小心運送，否則我一定退貨....衰人！

*****************************

28/3/2010

好唔願意咁去找邱生，其實已經諗住睇下佢講乜，畫幅咩圖出來，不竟 $300訂俾左，點都睇下個設計圖吧！

拿埋張單同上次print出的圖俾佢，睇住來講吧。

好神奇喎！俾左張圖佢睇，佢又好似開左竅咁喎！
識得話加厚塊上部份的底板便夠力，( 我係討論區都聽人咁講，但梗唔出聲，佢唔明講左做出來都唔係果回事。)

最重要係佢諗到解決到佢同我地之間最大的矛盾：玻璃櫃外面用2面玻璃！

就係係中間通空的部份加多半塊玻璃做中閘頂住，等佢食力，咁上面塊板唔會墮，咁上面塊玻璃就唔會脫離，引起危險。

另外長度佢都肯做番長些，67.5 " ，高做盡96 "。
而加射燈、光管、各種鏡面、玻璃等等，都完全照足我地意思去做！

傾得很愉快，咁當然找番佢做啦！不竟要找另一個CF都有些搏的成份，佢至少跟得足，而且佢話今次一定跟足D俾我地，要擦番靚自己招牌云云。

畫圖如下：

佢話我地用得鏡同玻璃超多，完全包晒個櫃，都睇唔到木咁濟，我笑說宜家興丫嘛，佢畫完問老細，要加多3百，因為太多鏡喎，冇問題！最梗要手工好！我地俾足4星期佢！

希望到時真係四四正正吧！

想不到最後會找番佢，我去時，已經諗好睇完圖便借機話要再諗諗，然後找另一間的了，有這結局，完全係意料之外！

同浩浩講番，佢話估到我喎，哈，佢仲自稱世界上最了解我的人添！超！懶叻！

****************************************
後記：

本來諗過好多款，如桌面做透明玻璃櫃，放飾物、酒瓶等
又諗過不如索勝造多張桌子等，

但最後因為沈迷開放式廚房而不可得，故有現在的設計。
而中間空左26 " 咁高，諗住到時買下面呢種架自己上上去，將D酒杯放出去做埋裝飾，有射燈照住，扮迷你BAR，呵！

唔知到時會點呢？

期待ING！

到時可以有望將屋內真的執整好，唔使書房變雜物房，地台可以空番出來，放番個倉的東西，唔使再租倉。

********************************
27/3/2010

有個人係討論區 PM 左個BLOG俾我
http://hk.myblog.yahoo.com/crown-design

他的相就係想要的野，取了CONTACT，但未詳細問。
不過佢都唔平，$1300尺，7千幾。( 邱生 $1050尺 )

就係類近下面呢兩張相咁，但個櫃唔離地，櫃門貼鏡面，玻璃內都係鏡面，同埋上下加射燈。
最重要就係外面兩面都玻璃，邱生話做唔到咁，上面果部份會墮，咁得人驚？！

呢張係另一個人POST的相，得一邊玻璃，又高喎，入面的野會睇唔到，我唔中意。

呢個都有D似。

亦即係好似阿濤屋企呢個鏡面櫃咁，我見佢放到好多野架！

約左邱生明日再傾，睇下點再算吧。
唔通蝕$300訂找第二間？
但冇理由做個唔係自己心水的出來吧，學佢話齋，放廳的唔同房，人人一入來便看到的嘛！

**********************************************

24/3/2010

放工約左邱生上來度尺，其實都冇乜野，只係度囉，我上次都度左俾佢架，佢度準確些for佢自己畫圖吧。

個牆長69 "，地腳1 "，我地預做個櫃68"，都預鬆左的了 。
但佢竟然同我講做66吋！因為個牆唔會垂直的喎，但點都冇斜2 "咁多吧，有你咪度到準為止囉！頂！

真係冇乜心機去同佢慢慢講，好在有浩浩在。

度完便走。

本來諗住print張相佢看看，都係算吧！反正佢都係下次傾時先諗的。


****************************************

21/3/2010

設計好晒、度好晒尺寸，落去找邱生，點知佢又話呢樣做唔到，果樣又唔好！
把鬼火！

呢張便是我的貓紙！

首先佢話
1) 上面做唔到吊，要旁邊加板頂住，否則有可能墮
2) 右邊28 " 太長，要分2門，或加深改趟門
3) 上面飾櫃部份只可正面做玻璃，如 (1) ，墮的話玻璃會甩

雖則都有些道理的，但好唔高興囉！

咁完全唔係我地的意思囉

佢俾左D意見，話上來度尺再睇睇情況，再詳談個DESIGN，我地又趕時間，佢報 $6000左右，落左$300訂便走。



浩浩去打波，我越諗越唔服氣，我要的又唔係乜QK DESIGN，只不過係一個C字型的玻璃飾櫃連鞋櫃，我睇好多人都係咁造架！當然我估有些橋妙的，於是用NOTEBOOK畫左幅簡圖，上網問人。

約15吋深, 上面加光管, 中間有射燈


原來好多人都有師傅咁講，但又好多人咁整到。

唉，好煩，唔知仲幫唔幫襯好。

*********************************************

1月中

第一步，新年前去左之前造傢俬的邱生間舖打下價，點知佢話新年前太忙，建議我地唔好呢個時候去，手工都唔會好。

起初梗係想整好過新年的啦，但咁講，梗唔整啦！又唔趕！

過完年，佢主動打俾我地，話今次一定幫我地整靚佢，因為上次阻滯咁多，佢都唔好意思，想擦番靚過招牌喎！



但我拖左很久才去，一來要時間找些款參考下，二來想諗清楚自己想要乜。

上次的經驗話我知最好都係有自己意見，俾佢跟住造，至多聽佢少少專業意見修改下便好，否則好易變左另一回事。

***************************************

一直想整番個鞋櫃，其實原本那個都ok的，實淨，只係始終係人地的野，唔多喜歡。

但未有特別構思，諗住住落先再諗。

結果，住住下真係發現仲有好多需要：

1) 想收埋吸塵機、抽濕機等大件物品
2) 沒有飾物展示的櫃，好多浩浩同浩浩爸爸的小飾物放晒係地台入面，浪費晒
3) 仲有紙巾、紙袋、等等雜物想放好，唔好hea晒出來

於是諗住整個多功能的櫃子。

原本宜家個廳：

早前新年時，個櫃亂到傻晒！

雖然弟弟好欣賞呢個雜物架的design，但基於上面的理由，下定決心搞搞佢。