睇樓：海典軒大單位

晚上去左睇樓
祥益撩我地賣樓，我地話住得好中意，冇地方搬，佢便安排我地去睇呢度的大單位
都有興趣架

不竟從未睇過實樓，又唔知景觀等如何，即管看看。


基於呢度放盤唔多，又唔要低層，仲要大過住緊呢度 ( 649" )，基本上得2種單位可看，好好彩今日睇晒，分別係 796" 同 868"，兩間都係2座，向東南

1) 23樓A單位，868"，3房2洗手間，公公婆婆同個警察孫仔住，出奇地冇乜雜物，全原裝咁濟，好新淨，東南幾好風，三房加露台都係望黃金海岸景。

但主人房比我地呢度細，其中一隻L窗有一邊望豐景園，又唔可以同另一房打通；洗手間好大；廚房可以打通做開放式廚房，兩細房也可以打通，但廳不能加大，可是我地得兩個人住，咁樣有點浪費，因為好多地方用唔著。

2) 28D單位，796" ，佢將最尾兩房打通，正是我們想間隔，睇睇又如何，房間真的很闊落，佢勁多雜物都仲好大；洗手間都大，廚房又係可以打通款。

不過呢個方位勁望南浪囉，雖則係窗角位，但都唔中意。


******************************
總結：

呢兩個單位最吸引係廚房大、見使些，又可以打通成開放廚房。

但望樓程度幾高，除非32樓以上便應該好好，因為附近的樓都冇咁高。

兩款露台都會正方左，旁邊多左個半落地玻璃咁，不過我地唔中意佢會俾另外649"的
單位望到屋內，即我地望到旁邊大單位內，私隱度反而冇B,C單位咁高。

****************************************************
所以都應該唔會考慮大單位，除非勁高層啦，以前睇過2座33樓B，真係高過晒南浪、嘉悅咁，真係全海咁。1座38C又係，大地在我腳下的感覺太正了，有機會換高層D的機會率會比較高。
但宜家，你估呢兩個單位叫咩價？~ 400以上，哈，中層咋！不過又有到價的成交，所以真係傻晒！
人地成日話屯門樓王係卓爾居，平均尺價反而冇咁誇張，所以.....遲些再算吧。
不過我有興趣睇下頂樓複式單位──海典峰，6XX萬咋，係咪唔算貴？