神仙家: 4月 2012

2012年4月26日星期四

搭棚換窗

呢個屋苑我們以前住開，廿幾年樓未換過窗，必漏！即使唔漏都挨唔到幾耐的了，所以呢筆錢我們一早預左要洗。

但其實未試過。
原來搭棚係咁的。

全屋大窗台兩個

房另加小窗及冷氣位一個

廳大窗一個，連唔知想點的冷氣位

宜家改左裝分體主機，但條喉勁醜

廚廁各一添

廳的電視板也拆左了，一片混亂

2012年4月23日星期一

很久沒有寫blog，心裏有九萬樣野想share，奈何有時間總想多做一些其他事，陪陪身邊家人等，復活節假期我一樣東西也沒煮過！哈！多過份！也可想像我幾咁忙碌 / 懶了！

最近買左好多野，有樣很想分享的，就係呢對「雨靴」。

早幾年已經興雨靴，彩色繽紛好可愛，但一直冇買到，上星期見同事穿了一對回來，唔講都唔覺係雨靴，細問原來係淘寶貨！仲要係超值價！

前天番工下雨弄濕了褲腳，超煩，即刻去ok買淘點，and whatsapp朋友們，一起淘左四對！跟住叫埋同事們再加單，一共訂左九對！哈哈，癲左！

就係呢對！

全膠，料一般，都重，1.5KG，有膠味，洗水吹風後好好多。
不過手工唔錯，穿上去個型都OK。又唔「線」。

最重要平！人仔63元，加順豐香港到付運費，除開HK$108對！(朋友話買一對約HK130)
穿爛左都唔心痛。

番工唔使濕腳濕　

借佢幾張相，同實物差唔遠。

大概膝蓋對下位置高，我最中意呢個長度的BOOT。

有多色，同事買左咖啡色同深藍色都OK，唔覺膠樣。

有興趣不妨去看看。
http://item.taobao.com/item.htm?id=10596795341

另外都足碼的，同平時穿SIZE差不多。
最小36，最大41。

2012年4月21日星期六

裝修前準備 + 開始裝修

裝修前原來好多野搞！

1) 申請
宜家裝修乜都要申請，換鋁窗一定要搭棚，搭棚要申請，幸好鋁窗公司會搞，只是要俾錢。
另外，管理處要申請，仲係正式入表，要俾二千按金，登記所有做野人身份證！俾埋鋁窗公司做。仲有超多野嘈，結果俾浩浩插入佢一輪！我今日去到個姐姐好有禮貌兼快手好HELPFUL地SERVE。

2) 保護
仲有個地驚刮花，找陳師傅幫手，浩浩昨天打俾佢，順便俾鎖匙佢，今日中午上去，佢已經買好料，舖好左個地。

3) 開始裝修
其實預計係整好鋁窗先開始的。
但今日去到，已經見清潔阿姐推走左個床頭櫃！當然係陳師傅已經超快手咁拆左。
入去見到佢唔只拆左，仲發現櫃下係冇舖地，佢已經去元朗配埋個地板木回來！@@
真的不能不O咀！

跟手佢匯報埋佢已檢查晒全屋有問題而我們之前未發現的的地方

最驚嚇係呢個位！

其實第一次已經見到呢個位的油卜卜地，估到窗曾經有滲水的了，也因此決心要換窗。
但估唔到滲得咁嚴重！
師傅話昨天一路做一路抹窗邊滲水！
剷開入面牆已霉，要重新批！
好彩決定換窗！呢個係我們最明智決定！
星期一會開工！

另外，唔知點解有個生口位，仲有滲水，師傅話要遲些打開先知係乜。
我懷疑同背後洗手間喉位有關。

仲有洗手間牆有些是空心磚，但冇危險，只是工程時要小心，講俾我們知道下咁。

仲有廚房櫃面爐面，墊好晒等換窗人小心唔好整爛野咁。

又提我們叫佢地注意事項咁，對呢個師傅好有信心，希望一切順利啦。

2012年4月15日星期日

初夏@黃金海岸

很多年冇去過沙灘，水質差，垃圾多！游水泳池有消毒冇浪安心好多。

但去沙灘其實都另有樂趣的。

上個月放假最後一天，近近地去左黃金海岸玩左陣。

天氣很熱，沙灘溫度計係31度，初夏，算很熱的了！

除了泳衣外，沙灘必備兩寶：太陽油同沙灘蓆！
(但忘了拿泳鏡！只可就住就住游幾下，唔可盡情游。這兒也沒浮台。現在的我應該能游到去了。)

執左些露營用品當沙灘用品，枕頭仔同防水蓆。
架車去m記買個早餐便出發，其實5分鐘車程，超近！
估唔到都好乾淨，沙幼，人地不算多，落水游的更少，反而唔少大人帶BB來玩沙。

但竟然冇帶iphone又冇相機，拿了浩浩部note代用，係睇唔到熒幕下影相！所以有些好模！
似唔似加左SOFT鏡？幾夢幻幾FIT！

躺下來看藍天白雲，聽著海浪聲，沙灘日光浴其實別有一番寫意！

最討厭沙灘的沖身問題，因為設施尚可，同埋近，略略沖身5分鐘回家大洗，變得可接受。
應該會再有下一次。:)

2012年4月13日星期五

驗樓+收樓

俾晒錢，搞晒按揭同律師野後，正式收鎖匙前，會安排一次驗樓，對二手樓來說其實只是睇睇同簽臨約果日會否有很大不同，如遭人惡意破壞咁，如有問題盡量叫業主搞番掂先成交咁。

為左慳時間，我們索勝找左鋁窗公司同裝修師傅上去報價。

過程都好順暢。

巿中心，窗外冇乜景色可言，都係樓景，但尚算開揚。

正望山景。

側望屯巿八座，同以前廳一樣。

另一側望華都

望樓下泳池，以前常去游水，宜家呢處一期落去，可直接係平台出，唔使轉電梯，好方便。

仲有球場，不過相信我唔會玩

睇番屋入面，OK丫，同上次差不多。
四方廳，細細地，有窗

門係晒呢邊，巿廣場特色，麻雀雖小，五臟俱全的。
總比時代四方得來廚廁門向外開好，天花樑柱等也較少。

廚房都OK四正的，只是洗衣機位應該放雪櫃的，佢放左洗衣機，咁雪櫃要放出門口邊。(以前浩果度預位放洗手間的)
諗緊好唔好唔要洗衣機。

洗手間都四正，除左天花，師傅建議改鋁天花，其實都唔知點解上手會用木。另外加裝抽氣扇。

打通左的房，呢邊個櫃好礙眼！背後仲應該有個冷氣機位。
但傾左好耐，最後都係決定唔拆，但油油佢改造。

呢邊個床頭櫃又係勁搞笑，唔知想點咁，拆！

廚房窗望出去好有親切感！

浩浩同師傅傾裝修野，師傅果然係師傅，俾好多意見！
佢地討論個分體冷氣口點開同條喉點走好。

另外，裝修師傅同鋁窗師傅原來識，以前合作開，哈！仲有少少火花添！好丫！互相監察！

落左一半訂，拍板換晒全屋鋁窗。
俾同行經紀話乜放租咁笨架，冇事都換？！
但我們住過呢處，知道廿年樓唔換窗一定有事，果次颱風打牌瀑布事件仲瀝瀝在目呢！

改大玻璃，靚仔好多，又用厚料貴料，加窗花同鋼閘，因為放租咁似乎安全些。
未收樓已洗幾萬！
唯有同自己講，自己物業錫些好的，將心比己，換我租樓都想租間四四正正的樓，住得開心的，而唔係化妝樓吧。

經紀幫我們申請埋水電，去簽名交費俾按金咁！有水有電先可裝修。

驗樓兩日後收樓，其實只係係樓下地產舖合鎖匙，開下門看看咁。
第二日帶媽媽同埋兩個朋友仔上去睇下咁，嘻！好開心！新業主！

2012年4月5日星期四

律師樓FINAL簽紙俾尾數 + 瓏門展銷廳

今日走左兩間律師樓，第一間係巿廣場個單位FINAL簽紙俾尾數
前些日子同浩同事食BUFFET，佢地笑問我對呢個情人節禮物意見如何，我也笑答OK啦！
佢地講笑話拿個首期做禮物幾勁呀！哈！

呢個律師好好人

等收樓，約左收樓前兩日上去驗樓，同埋問左師傅一起上去報下價
未來包租婆同包租公，呵呵！係咪好「福」相呢？

*********************************************************************
第二間律師行之行是搞遺產，浩浩婆婆之前去世，留下一舊樓，準備要收購，但追尋番原來呢個業權超複雜，牽涉三代兼四個去世人，據說呢D係律師考試題目，有幸得聞真是大開眼界。最複雜果PART是在浩浩爸媽果度，真猜不到呢！

不禁想起公公以前廣州間屋，在生前盡孝乃子孫責任同本份，死後分遺產好多時卻見好多人性，而那些稱之為「親人」，其實好SAD，我只盼我將來不用再見這些。

另外，原來平安紙只是千多元的東西，普通人對法律不竟不熟識，有時也估不到總比令後人爭產好得多。
*********************************************************************
去律師樓前，係灣仔等咪錶位時，見到呢間酒吧JUICY FINGERS，個STYLE係我中意果款，於是拍好車去左果度LUNCH，高桌椅有腳踏，好舒服。