ANNA SUI IPHONE CASE

有日去RACHEL度上堂，見到同學仔用個電話殼好靚，好冒昧咁走去問佢係邊處買，我又想買番個，可是去到找唔到，於是....梗係上淘寶看看！

覺得好靚，夾埋朋友同事包友們一起訂，SHARE運費！
不過先旨聲明，無論淘寶點講話真，我都肯定唔係正版貨的了，不過佢真係靚，同埋正版冇，所以老翻我都照用！唔中意唔好插！

有晒盒，好似好靚咁，送人都幾好，但唔好預個盒質素好好，普通貨仔。
6隻色：黑、白、紫、深粉紅、淺粉紅同棗紅，IPHONE 4同5都有，for s3都有

呢三隻係我最中意的色！我諗左好耐要咩色！
(見唔見紫色個盒度有個蝴蝶形的匙，用來打開個殼，安部機入去的。)

佢手工都OK架，雕花清晰

底個相機位、下面聲、喇把位都準確；上面開關、大細聲仲有得按移動的掣。
唯一係個有聲冇聲個掣較唔到，好彩我唔多用的姐，習慣長期無聲。

拿在手好似真係拿住ANNA SUI個鏡盒咁

而佢真的是有鏡子可用的！個位好FIT！冇突位整花部機！
聽電話好似以前用摺機咁，但靚花花，好優雅咁好型一合蓋！

最好係可以座係度好似鏡咁，睇片！番工放桌面唔使座添！倒轉就係鏡座！

你估我最後買左邊隻色？

其實我覺得呢兩隻色最靚！

尤其黑色！當年細細個買ANNA SUI鏡盒都係買左黑色！

可惜我係白蘋果，唔襯！但我諗住合埋都冇所謂！所以兩個都買左！

下次惜浩浩個黑色機影張黑襯黑俾大家睇，應該好靚的！

不過其實都唔細，但好靚，中意乜都冇所謂！

其實我都曾經係ANNA SUI FANS來的，尤其佢的香水，CLASSICS、綠天使更是我的最愛！ELEGANT得來清清地唔濃，宜家都用緊！
有空拿番D相出來SHOW下先。

至於邊間訂，我唔講了，因為我幫同事門訂埋其他野，佢都甩甩漏漏，佢又唔係最平，只係見佢高評價選左呢間而已！
有興趣用KEYWORD「ANNA AUI」、「安娜蘇」、「IPHONE」就有大把的了，iphone約3X人仔一個，s3就45左右。

天然潤唇膏、防蚊膏@TEAPOT

貝媽媽早前話我做左TEAPOT FANS，都係架！嘻！鬼叫佢的手作仔又真的好靚咩！

最近學左整潤唇膏同防蚊膏！

潤唇膏啱晒近來轉冷的天氣。
最吸引係靚靚裝飾！睇到都開心！
同埋使用天然香薰精油做，冇咁易敏感。

不過講起呢些香薰油，又令我諗起我朋友ANNIE，佢係香港最正式教香薰治療課程的人，一直想跟佢上堂正式學，但都仲未就到時間，唔知幾時先至有機會呢！


又上網幫襯買左呢些天然皂同潤手霜咁。其實我想自己做，但材料濕濕碎碎好似好煩，呢些唔貴買都幾好咁。但皂未用唔知係咪真係咁好，但潤手霜幾香幾好聞。

有興趣可去睇睇。
http://arlansoap.shopping.beautysky.hk/

近期買物

為左令呢度唔好發霉，所以忙死都影幾張相放下啦。:P

其實最近冇停，KEEP住有整包，當然咁忙只係麵包機野，晚上量份量，早上醒來拿出便食得，真係好方便。(遲些再講整左乜野包。)

想講下我買左個切包器，其實好多包包人都有，我係CC SUPER都見到但唔捨得買，係FB見開團購平，就訂左，仲訂左個高身的添，好似唔見有賣，方便麵包機靚仔發得高高的包。$102
另外仲有呢個動物飯模，$85

有興趣可ADD 呢個GROUP，OK多野賣，價錢自己格。
https://www.facebook.com/japansharegroup

*************************************************************
跟住又係franc franc同cc super買左佢地，覺得好有聖誕氣氛，聖誕大餐用。

仲有佢地，除左burt's bees用開好用外，其他唔知好唔好架，試下架咋。

仲有淘寶呢兩間小屋！好靚架，會著燈添！我要整MY DREAM HOUSE！DREAM KITCHEN！係開放式架！諗緊找布碎自己配色添！
係商務見到類近598，唔捨得，果然淘寶仲多款！

幫襯呢個買家
http://1515458.taobao.com/?spm=2013.1.w2.1.JBjvYv

Hitachi Hada CRiE

上網睇人用完已經心郁左好耐！但之前在朋友處試用過另一款，感覺麻麻，所以一直未有行動。

點知講開，朋友仔讓我可以試用兼擁有，謝謝！
不過最近她家人健康有事，冇野幫到手，唯有代她同家人禱告，求主俾佢地平安。

呢個野真係方便易用，叉左一次電用左十幾次都仲未要再叉，拿住佢周圍行，睇住電視做FACIAL，碌碌下感覺好好！哈！

我冇特別買野FOR佢，只係用番家中有的、平日用開的護膚品，效果都幾好！
不過我懶，冇日日做，隔日咁都OK，用完好似做左FACIAL咁，持之以恆應該更好！

雨靴

很久沒有寫blog，心裏有九萬樣野想share，奈何有時間總想多做一些其他事，陪陪身邊家人等，復活節假期我一樣東西也沒煮過！哈！多過份！也可想像我幾咁忙碌 / 懶了！

最近買左好多野，有樣很想分享的，就係呢對「雨靴」。

早幾年已經興雨靴，彩色繽紛好可愛，但一直冇買到，上星期見同事穿了一對回來，唔講都唔覺係雨靴，細問原來係淘寶貨！仲要係超值價！

前天番工下雨弄濕了褲腳，超煩，即刻去ok買淘點，and whatsapp朋友們，一起淘左四對！跟住叫埋同事們再加單，一共訂左九對！哈哈，癲左！

就係呢對！

全膠，料一般，都重，1.5KG，有膠味，洗水吹風後好好多。
不過手工唔錯，穿上去個型都OK。又唔「線」。

最重要平！人仔63元，加順豐香港到付運費，除開HK$108對！(朋友話買一對約HK130)
穿爛左都唔心痛。

番工唔使濕腳濕　

借佢幾張相，同實物差唔遠。

大概膝蓋對下位置高，我最中意呢個長度的BOOT。

有多色，同事買左咖啡色同深藍色都OK，唔覺膠樣。

有興趣不妨去看看。
http://item.taobao.com/item.htm?id=10596795341

另外都足碼的，同平時穿SIZE差不多。
最小36，最大41。

聖誕shopping

聖誕節普天同慶的日子未到，神仙已出血了不少！

仲要分類寫先冇咁覺，大件事！

繼無敵兔後，女人自不然唔少得衫衫鞋鞋護膚品咁！

呢對超靚靚鞋，多得係fb見到少媽post，咁橋去開tst換衫，順便睇睇，即買！順手whatapp同朋友仔一人一對！超中意！

就係去換呢件衫，天氣凍羽絨特別好買，我中意呢d basic 款！襯衫方便。但太好賣想要的SIZE冇貨，要去另一間分店換！冇得TRANSFER，算吧，款同色重要D，所以煩麻少少都要呢個款。
上年買左件UNIQULO薄羽絨，雖不太厚，但輕身反而多機會穿，今年ENCORE多件諗住去韓國時穿。順便買左兩件衫番工著。

其實早前都買左件背心羽絨，係，怕凍的我成日都買褸！哈！呢件Ralph Lauren 有 staff discount 超特價，好開心！

梗係唔少得SOGO THANKFUL WEEK！
第一次買呢個同事勁推薦的牌子──CLARINS！排水按摩CREAM，好香！唔知心理作用定點，塗完果下好似真係FIRM些。
同埋SOFINA新的高濃度精華乳液，好耐冇用呢個牌子，JURLIQUE晚霜就用完，又試下先。

見到呢隻熊，唉，都唔好睇買左乜了，總之係「蟹樹」(浩浩改的！) 掃左一堆送俾媽媽妹妹自己，又幫朋友仔買些，就咁了！其實都仲有存貨係屋企！

女人見到特價就傻晒！睇黎仲有排傻！

番工鞋 + carbtree 收貨

因為番工成日要行同企，雖然呢兩年坐多左好多，但都免不了要走動，之前又試過腰骨唔舒服，所以通常都會買番對真係舒服的鞋番工，靚唔靚反而其次。

最近著的係Dr Kong，見幾舒服，再買諗住睇有冇另一對，
點知中意果款係孕婦款，闊些，我窄腳人唔o岩，結果買左對同款唔同色！

好白痴咁！但好著，算吧。

加左價呢！


另外，早前買的Crabtree送左貨很久，但未得閒放相，補番先。

有些諗住送俾媽媽同妹妹，仲有2張COUPON留番遲些自己用。
仲心思思買佢的香薰，BLOG友仔話好用，但唔得閒經過，唔知仲完左特價未呢？

Crabtree & Evelyn Princess Day

最近番工忙到嘔，音樂影片搞到我傻晒，改完又改，都唔知佢地自己知唔知自己要乜！

昨天下大雨，遲左收工，放工去左SOGO走了一圈，大出血囉！

唉，壓力大去買野開心下吧！

CRABTREE 做緊 PRINCESS DAY，據我老細呢個長期用家話係全年最抵買的時候，唔覺唔覺就掃左幾多，拿晒佢今期的贈品，兼做左會員。(係，雖則都幾成用佢的野，但次次都有朋友代購，今次先自己買。)



查實HELLO KITTY不是我的最愛，但都OK的。

不過今次的禮物各式袋都幾靚，各式花花 X HELLO KITTY

就黎去旅行，應該好O岩洗。

最大的旅行袋隻色好靚，淺薰衣草紫，IRIS花花，不過防水油布面同其他唔同，係入面，外面可能會易污糟囉？！但如果去游水就好好。

第二大的薰衣草 X 紫藍色，呢個SIZE最好用。

化妝袋，LILY拼青綠色我都中意！

其實我最一般係粉紅色同ROSE，兩樣我都唔多喜歡，應該會俾妹妹同媽媽。

加插幾張天氣熱，素素成日係地下反來反去的搞笑相，唔知佢想點！

無晒儀態添！