白色長碟SET，BUFFET炒蛋

又係呢位好朋友，幫我係台灣帶佢回來，白長碟SET！
真的中意左好耐！之前另一位好友幫我係日本帶了一隻回來，已經勁開心！
宜家有一對簡直歡喜！雙雙對對嘛！

我見人地對長碟可以好多變化！我又要學！

仲有呢對杯仔，同埋個小水壺，好可愛！

太靚！
我有個朋友也忍不住從代購處買左套回來，不過佢只是想要白長碟，有冇人想要佢呀？PM我丫。

第一次開光，順道加個BUFFET炒蛋，呢個辦法炒真的好滑！正過麥當當果些！

＜Buffet炒滑蛋＞

1）凍鑊落油，中細火預熱至耳仔辣手
2）預熱同時可把蛋打勻
3）buffet 夠熱，下蛋，熄火，用小鏟不停把蛋推至buffet邊令佢受熱變熟，直至蛋熟至喜愛程度，上碟
（如一段時間後未夠，可再開小火加熱繼續炒，但一開火便熟得好快，小心控制）

不過咁靚的食物有人仍嫌三嫌四！話唔中意麥包！又唔中意食生的菜！麥包烤左唔脆又硬云云！自己係偏食王之嘛！但又勁快食鬼晒！咁巴閉唔好食丫！哼！衰人！淨係問個蛋係咪加左奶！秘方點會教你喎！傻的！

下午來多個TEA！

PARMA HAM拼哈蜜瓜，冰凍綠茶！正！

紫色花花盅

再來一個感謝篇！
紫色花花盅！呢個粉色花花盅勁靚！令原本唔儲任何花/心盅的我破左戒！

因為佢可以咁樣，像BB找番媽媽咁！

我覺得我影得靚過台灣網頁！哈哈！
不過呢張相證明左LILAC  MIST其實都係有漸變的，D人成日都話冇/唔覺，但其實佢係有的！XD

多謝KATHY AGAIN！佢仲帶手信俾我，謝謝你！

但乜都中意一雙一對的我，心思思，遇有另一朋友仔R小姐去台灣，搭佢再幫我多買一個，嘻！好開心！雙雙對對好！

食甜品、糖水都可一人一盅！

為左興祝，最近用花花做左兩個花花食物！
1) 花花包

2) 花花PIZZA，呢個完全唔使入焗爐，就咁上火就搞掂！

遲些先補番食譜！

嘆番杯

偶然來一個紅酒配芝士、無花果餅乾小吃！

身邊有情人同貓貓相伴，人生其實幾美好！

不過飲完醉左，在露台睡了一覺，我真的好喜歡放假冇野做的感覺，番工好忙！幾時先唔使做呢！我係咪太懶？定真的飲醉了？

6色湯盅

湯盅好早就買左一對，買下買下最近才發現原來已經成咁！
好驚但又好開心！最好有埋MIELE，咁就可以有朋友來一齊飲燉湯！哈哈！
我仲想要隻米色，果時開倉點解會唔要的呢？傻左！

白色CANDLE TRIVET

呢個係我想要好耐的TRIVET，有CANDLE的WARMER！
早幾年初初買LC，上BLOG見人地早一次開倉都仲有呢款煲墊賣，但我09年開始去果次開始已經冇再有了！果時又未識係外國買，錯失晒！

最近睇開野，見到有黑色賣，但我唔中意黑色，即管問下，又俾我找到佢，雖然好貴呀！但白色係我的至愛，仲要係呢些絕版野，買少見少，買左就算，唔好諗價錢！

可以放蠟燭做WARMER，冬天可以成煲野暖住，諗起都開心！

同之前的朋友讓俾我的白色放埋一齊，世界好美好！

SCONE 1 WITH 淘寶竹製麵包玻璃罩

神仙我要重申，我唔係淨敗家唔煮飯架！
不過太多取捨下，只來得及POST買物，未能將食物都一一POST而已，我以後盡量平衡一下吧！

會用會煮，才能買更多！哈哈！
唔好咁講，其實買得開心，可以用得著，令到煮時都開心，睇見開心，食落又好味，咁就最開心！
呢些靚廚具是死物，人才是生最重要，煮到令身邊人同自己開心，才是最重要！

呢個係GOOD MORNING！
浩浩好乖咁一早去跑步做運動，跟住番教會再番工！
我覺得超感恩！天父有聽禱告！
於是匆匆忙忙諗住整個靚早餐等佢跑完步回來吃。

太匆忙，本來想試FEON勁正的SCONE食譜，材料又唔齊，下次先，先來SAVE左好耐但未整的T&P簡易版(可參考呢度)。

順便SHOW下最近買的竹製麵包托連玻璃蓋

都OK靚，不過玻璃薄，竹普通，但咁的價錢OK啦

同之前淘的蛋糕架可SHARE個蓋用

好FIT！

白色TRIVET

4月太忙也太懶，MISS左好多野冇記底，好多野都變得唔完整！希望追得番！

呢一個一定要記！
記唔記得我曾經大大聲周圍問我想要白色煲墊？
我要多謝KATHY！開名都要架喇！真的愛死佢！
真的好靚！點睇都勁靚！

同我的之前的至愛放埋一齊合照！其實都各有各靚，米色有氣質，白色好PURE！

找番一張剛買LC時的相，係美國官網當時的宣傳照！
果時已經有白煲墊，但唔知係純白，以為同米色一樣，果時資訊又冇咁叻，就將錯就錯了。

其實白色仲有好多靚野，香港都仲未見有出現過！

呢個世界好奇妙，大家有相同的喜好的人互相幫助，感覺真的好WARM呢！

LC 紫色JAM JAR

呢個係麵包班好同學幫我換的，仲幫我去攞埋俾我！多謝晒！

佢原身設計係放JAM的，同系列仲有好多色，放蜜糖、蒜蓉、BBQ醬咁，好攪鬼，開倉都見幾個，但冇呢個我勁中意的紫色，又唔存氣，唔知用來做乜，所以也不好開多一個頭。

但宜家好抵呀！限量，HK150咋！又靚色，要左先！

要左自然安排到有佢用武之地！
放係廚房，剛好放薑、放蒜、放乾蔥！FIT到漏！又靚！睇住已經開心！

順手講埋左手邊的白色大口盅。
開倉只係見過紅同橙，原設計係放鹽的，好像大廚咁用手拿灑落去，但唔慣，仲要鹽坦開冇蓋唔中意！冇買！
但用來放薑超好，中意白色但香港冇得賣，外國買又貴，朋友介紹去呢度買，人地話質素好好，膽粗粗又買來試。
仲買左呢些！

呢對白花花好靚！

仲有呢隻碗，右面是開倉買！左面是呢次買的，色細看有些少不同，但平時買LC唔同批次都有呢個分別。

底面仲靚過開倉貨

不過呢次純試驗性質，又唔算平，除非是買不到的貨，否則都唔太吸引！

餐巾扣

一直冇用餐巾的習慣，但宜家開始可以考慮了！

因為...
朋友幫我帶來這個，仲係一對我最中意的白色添！

未有餐巾前，拿來之前買左唔知做乜好的大手巾頂住當先！
都好靚喎！

哈哈！期待佢出場！
我見維媽成桌都係大小LC果種震撼場面，真的好勁！

粉藍粉紅花花碟

有睇開我BLOG都知我對LC的碗碟麻麻地，因為好重，叫浩浩拿住食飯唔俾人鬧至奇！
但花花靚，好多朋友都中意，最近SOGO同開倉經我手都幫朋友買過不少，但自己一直冇心動！
可是最近竟然發花癲，撞鬼咁想要番轉頭！

事緣就係「3小花」(朋友的丈夫們改的稱呼)！
呢兩位小花成日WHATSAPP佢地的靚相俾人睇，一時碟花花頭飯，一時放炒菜，成枱食物好似突然靚左好多咁！我呢個據說開頭放毒的假VIP，已經有些心動，反被毒番。

早幾日去探靚BB，係小花一號家中食飯，佢竟然拿出呢對碟俾人用，一人一隻係手食野又好方便咁喎，即使只係外賣都好似特別好食方便！浩浩都話咁細隻OK丫，攞埋PREMITMENT，仲唔毒發就奇喇！

可是蘇州過後要搭艇係有難度的。
不過都唔知天意定時間關係，一切都來得好順利！
粉紅大花碟，小花一號去左台灣一轉，咁橋果日番貨，之前一日有人去睇都未有，之後一日又已賣晒，果SET大小花PACKAGE抵到爆，佢又想要小花，大花就自然係我了！
粉藍大花碟，又咁橋小花二號的榜樣老公竟然意外買多左！正好讓俾我！

小粉紅花，小花二號有大粉紅花，佢中意PALE ROSE，所以台灣PACKAGE多出的POWDER PINK小花就多左，讓俾我。

咁奇妙後，只餘小藍花！

多位好友已經話我知YAHOO BID有，都唔係貴開倉好多，因為冇其他途徑的了，於是就咁買左。
MISSION COMPLETED！

小花花們，很漂亮！

大花小花加5小花 = 眼花花！

果真發花癲！

朋友台灣買LC送的食譜咭！好靚！

香港都有，但送得冇咁捨得囉，其實送食譜都係PROMOTE姐！個個月送人地個個月去行下買野，雙贏姐！

有時難怪人地勁彈HKLC，新又唔夠人地新，快又唔夠快，平又唔夠人地平，宜家外國買咁方便，計埋運費都平過你，用到殘都HK都仲未出，仲未計冇外國DEFECT貨有橙LABEL呢個重點，好難幫得落口。

唯一係開倉最吸引。