神仙家

2012年10月22日星期一

panasonic 麵包機 SD-BMS105T

之前去學整包，買左KM，其實從冇諗過買麵包機，甚至有少少不屑，老師話冇理由走番轉頭的喎！
所以從冇諗過佢會出現係我屋企！

之但係......
當你每天都要番工，而每天都要係公司樓下買包做早餐！一路食一路鬧，但又冇能力放工仲付出精力時間去等發酵同搓包，難得WEEKEND又勁多野想做，得長假期先整到幾次時，果種頹喪真係令人好DOWN！

於是係同學仔度一聽到呢部新野出左，仲要找到呢個咁吸引的價時 (差不多係日本6折咁濟！)，上網即時找資料做對比比較，用左唔夠1日就決定訂佢回來！
多謝同學仔全程幫忙！3日，佢已經進駐我家！

見到佢真係好開心！
忍唔住好笨咁黎一個開箱文！(唔好意思，以前一路睇開箱文真係一路笑，點解有人咁無聊，但又忍唔住繼續睇！竟然今次到我！唉！神仙千年道行一朝喪！)

盒野好重，磅過有成十幾磅！屋企冇人收貨，要係公司收拿回來！

盒面註明新功能賣點

佢來自台灣，所以盒上係中文字！素素係咪覺得好親切呢？

打開見到原廠PANASONIC的保養證，可惜香港冇用。
另有一張應該係SELLER放入去的注意事項 ( 有關兩地不同的電壓問題解決辦法 )

拿出來之後，純白機身配銀白色頂蓋，係我最中意的顏色配搭！設計簡單靚仔！(前幾個版本都有粉紅色同金色蓋，不過嗜好白色的我都係中意襯銀色。)

面板其實得幾個掣，中文顯示面板！唔使查字典同死背！

機頂有警告事項，不外乎蒸氣小心之類

揭開銀色蓋，是乾果格和乾酵母格。
同埋我覺得好重要的「預設程式」( 即 MODE 1-30 )，唔使下下拿食譜對 / 背左佢！又係果句，中文睇得明好方便！

再開就係其餘部件。

有兩個麵包容器，有蒸同焗

拿起麵包容氣，機身內膽發熱線

機背同兩側各有散熱孔

機背基本資料

連埋兩款葉片，麵包用(黑色) 同麵條、麻糬用 (深灰色)

個人覺得佢鋼水質料都OK，雖然MADE IN CHINA，但PANASONIC由細用到大，樣樣都算耐用，所以都有信心！

送埋呢個量杯仔、量匙、天然酵母培養杯 ( 唔係有中文的話，我會當佢係量杯就算 )

量匙仲係日文，斷估係FOR奶粉、乾酵母等等用

仲有使用說明書，但紙質軟身 :(

圖文並荗，彩色印刷

含好多食譜

越睇越吸引！如果係日文，會好DOWN！
但人地話遲早上網會有中文版DOWNLOAD，所以真係買日文版的都唔怕，但宜家可以即睇跟住做，更好！好多好想整！菠蘿包、烏冬、麻糬、果醬、餡等等。

STEP BY STEP，應該跟到

仲有一對全棉隔熱手套。
全部配件！

最新款、更多功能、中文版、仲要送貨超快！
仲要比由日本訂舊款仲平，點抗拒！

之但係日本同台灣的係110V，同香港慣用220V唔同，要加舊火牛 ( 變壓器 ) 先用得
鴨寮街好多間都有售，$300@，好多網友都用佢話好就買佢。好重，加幾廿蚊有貨送，不妨考慮！

未執廚房，暫時放餐桌先！

好心急開機呢！你估我第一機係乜？

2012年10月17日星期三

Macaroon@Teapot

上次去左間ART WORKSHOP學做戒指枕，大獲好評。
最近又去上多個MACAROON 布布包的堂！

看到咁靚的MACAROON都已經令人垂涎了！

小小的包包背後有好多的心思！未學以前仲以為係最易的入門班，點知...哈！不過有老師指導一定完成到！好有滿足感！尤其成果咁靚添！
難得飛媽信得過我，連招牌靚靚TEAPOT同DEMO MACAROON都借我回去影相！THX！ (love struck)

咁甜蜜的MACAROON一廂情願覺得最好作為戒指盒！

入面又絨面，一定唔怕整花戒指！

雙雙對對最SWEET！

其實仲可以放HEADPHONE！放手袋唔怕線打晒交！(呢D咁有創意的IDEA我是係佢FB睇的:P)應該仲可有無限可能添！

戒指枕戒指盒！我買多一SET材料回去整添！真係諗住一對架！

有空真的不妨去試下！做下手作仔有時真係可減下壓的，作品靚靚仲開心！

LIKE佢地 FACEBOOK，好多相 & 介紹，
https://www.facebook.com/TeapotArtCraftWorkshop

黎緊我仲有好多野想去學，但要就時間真的唔易呢！

TEAPOT加油！發明多些靚野俾我們學。

2012年10月11日星期四

NEW SUZUKI SWIFT SPORT

換左新車，其實係同款，只係新款唔同色而已。
呢隻色佢恨左好耐，可惜上次二手遇唔啱，今次可以選，HIS DREAM CAR！
IMG_2667_3

SSS

2012年10月1日星期一

Private pubbing 慶中秋

一年一度中秋節又來了！坦白說，一年之中我最期待的節日中，一定有佢！

以前細過年年中秋總是與朋友們去BBQ，聖誕就去看燈飾。
近年人大左，同某些人之間感覺越走越遠，勉強一起感覺反而生疏彆扭，這不合神仙性格。倒不如順心各走各更好。

現在的神仙除左家庭聚餐外，最喜歡二人世界，並暫且計劃一輩子都只是兩人世界，希望將來唔好後悔。

言歸正轉，自從搬來新居 ( 都新過下的，總之今年是第二年過中秋....) 後，中秋我們都唔再出去同人逼，寧願靜靜過下二人世界，但兩個人冇D新意會悶的 ( 據說得一人怕悶咋喎 >.<" )。

總之今年主題係 "PUBBLING@BALCONY"，其實得兩條友，又得一個地方，正式來說唔算PUBBLING，不過唔緊要啦，總之係飲下野、食下野、傾下計咁囉，仲有得玩花燈、賞月、食月餅，係咪聽都覺得開心呢？！

記得以前有一年有人話出面太逼唔肯同我去賞月玩花燈，要留係屋企喎！嬲到我喊！
宜家有露台俾我玩，唔使佢出街，係咪買得好抵呢！

其實冇乜要準備，全部現成野。

只是拿晒出來便成！

難得今年連埋國慶有四天假期，天氣又好，我們撞到一齊放三日！迎月賞到追月！

又係呢幾盞燈仔，上年出過場。

呢個上年冇出過場！都好靚，不過戶外好易被吹熄。

呢個今年買的。電動野唔怕燒。傳統與現代混合，都幾好丫。

奶黃月餅配五穀玄米茶，好好味！

( 今年買唔到嘉麟樓，買左望月同大師姐，仲有浩浩哥哥俾左文華，三款都好好味！)
個芒果冰皮好難食！
本來諗住自己整的，但朋友俾左好多，又好想試而買左些，太多所以無謂浪費了。

放晒出來好開心！都幾好氣氛架！

月亮就升到半空，僅僅仲睇到一陣啦。

食下野、睇住風景吹下風吹下水，呢刻真的幾寫意！

PUBBLING，點可以少左酒呢？

最近中意呢隻啤酒，好滑唔苦易入口。

雖然呢度唔係咩豪宅，但能在喜歡的人身邊，好知足感恩了。

我們在世界之中，世界卻在我們之外，唔識形容呢種感覺，不過很有趣！

如果有一天我們突然就咁死左，但依然可以在一起，呢種認知令我感覺很踏實，你明白我在說什麼嗎？如果你明白，我祝福你，因為你也得到了！

祝願天下有情人，團團圓圓很快樂！

iphone 5

兩年前改用IP4後，覺得好方便，用左智能電話，番唔到轉頭！

上網、WHATSAPP、FACEBOOK、睇報紙、討論區、天文台、地圖、淘寶、OPENRICE、番睇TVB.COM等等等等，即使唔玩GAME的我，真的好方便！

宜家反而要提自己唔好濫用，要自控多少少。

近日IP4開始有些反應慢，咁橋IP5又出，上台出左佢。