裝修呢part，因為唔識人，上網又聽唔少恐怖傳聞，所以都十五十六左好耐。
不過好在間屋都仲新淨，唔使大執，所以其實主要都只係全屋油油，再係房的走廊位上做個儲物假天花 ( 空間小，想盡辦法放多D野，但又唔想睇起黎好多野好亂咁，最好唔多覺，於是有地台同假天花之設計 ) 。
另外可能會找佢幫手裝下鎖、浴屏等等細野添。
唔想找熟人，做得唔好唔鬧得。 ( 當然熟到唔會搵笨的梗冇所謂，好似浩浩之前舅父，超正！)
又唔想是但找，最好有人用過好介紹啦。
之前都做過下資料搜集，大概咩價錢左右。
根據咁的原則下，都找左幾個師傅做報價，突然想起上年係警察儲蓄互助社工作的一年，不停拿報價，貨比三家咁，估唔到呢D技巧係呢個時候用到，都算意外收穫。
1) 葉師傅，上網幾個網友都話唔錯，應該都盡責的，報油油漆16000，閣仔$4500，都合理價格。
2) 林師傅，ied同學剛全屋裝修完，話好平好抵，報油油漆13000，閣仔$3500，真係好平。
3) mac，婷姊妹屋企幫襯開的師傅，報油油漆28000，閣仔冇問了，睇黎佢唔想接。
其實仲報左2個網上的人，但始終只係睇佢地的BLOG，自己梗話好架，相也梗靚，唔敢找，而且一個FULL到傻左，算吧。
另外仲有朋友街坊做油漆，仲平；爸爸又話幫手找工友，但都係那個問題，唔想找熟人，作罷。
結果...
上面幾個都冇找，找左裝修師傅介紹的師傅，連姓都唔知。
就憑裝修師傅看來都老實，同埋佢一句，佢冇錢收，但唔好都唔敢介紹，免因此做壞自己招牌，影響生意。
報的價錢也合理，報油油漆13000，閣仔$4500，就咁拍板！
安樂晒！
唯一唔好便是要20/11先開得工，工期2星期，就咁吧。
2009年10月31日 星期六
9個月
今日開blog見到個倒數器，得番9個月，9個月後便係結婚的日子。
朋友問親，依然乜都未搞，呵！
坦白講，真的乜都唔擔心，有錢點會驚找唔到心水，至多咪貴少少，同行多幾間。
我最擔心只係book教堂而已。
但今晚同浩浩番教會時，黃牧師同週會導師小鳴哥的分享，提醒左好多。
- 等另一半信婚係蒙神喜悅祝福。
- 時候到，我們便收割熟了的果子。
- 神俾人有自由意志，我們也不應用我們的標準去衡量人。
- 「因為勝敗不在乎你們、乃在乎神 。」「你們不要爭戰、要擺陣站著、看耶和華為你們施行拯救。不要恐懼，也不要驚惶。明日當出去迎敵。因為耶和華與你們同在。」(歷代志下20:15, 17)
生命本是一份大禮物，既然成和敗都不是我們所能控制，擔心也無用，何不好好站著看著神的奇妙作為，快樂地好好體會神的恩典。
感謝主係呢個日子持別的提醒
2009年10月28日 星期三
傾傢俬款式
放工番屯門找邱生傾傢俬款式。
其實最近都睇左唔少裝修書，行傢俬舖又睇下，上網又睇下咁，心目中都有D概念，亦同邱生講左。
今日只係等佢畫埋個圖，覆實個仔細設計、顏色而已。
過程都順利。
傾左個半鐘左右，便 firm 晒兩間房的傢俬。
預計四星期完成。
個價錢仲好抵添，全夾板架，加埋都係 $ 12380 咋！
出面土瓜灣格到似樣又平的，淨地台都要$6000，屯門原來平好多，希望好好地吧。
設計草圖：
睡房：
由於房的間格，我地只係造半間房的地台，於是等於造一張加高至窗台高的油壓床，加塊板係窗台，剛好平左同一水平，再有一級梯級做腳踏，都係油壓開，唔中意櫃桶。
本來唔要床頭板的，但個人堅持話有會好d喎，反正有位，又聽下佢講囉。
書房：
比例唔o岩的，係5呎長書桌，可以俾我同浩浩同時用電腦，呵呵。
其實計劃係會有一部notebook的，但有咪做埋趟板先囉，否則用來做梳妝台化妝都好，嘻，佢仲有個櫃仔放紙、CD咁，但好可能用來放護膚品，CD同紙我有櫃仔放緊，放窗台或者桌子下面的位吧。
呢個係浩浩設計的書櫃，單趟門鏡面，可作全身鏡用，又可用書做裝飾，幾有書卷味！改左幾次size，預計好多書同File都可放到。
2009年10月25日 星期日
度尺 + 改床褥尺寸
下午載埋傢俬師傅邱先生去新居度尺。
邱生度左大概半個鐘，故意係廳同屋主同埋經紀Money傾計，一來唔想佢望住，俾佢知我地唔要佢地的傢俬，佢地之前係咁讚好，有些尷尬；二來都八卦下佢地那邊裝修的野。
度完之後，再傾左少少位置擺放，又約左星期四晚傾傢俬款式。
但收到尺寸後，發現有些大問題！
因為上次我們自己度時，有左大概尺吋先去打價問傢俬價錢的，明明房係12"6 x 6"4的，咁剛好可以係地台上打橫放張6"3的床褥，仲有1吋鬆，點知師傅話地面減左地腳線得74吋，僅僅欠一吋，會有機會放唔到張床褥！
咁危險？！
搏唔搏好呢？
即刻打去床褥度問啦！果然，5呎床褥係冇6呎長的，只有6呎3或6呎半。
一係改要細size，4呎半 x 6呎；一係加20%價錢，訂造5呎 x 6呎。
而且，睇番時間，好可能早左裝修完早入伙，係時候訂貨，要去分店做埋個分期。
唉！心情十五十六，點算好呢？
最後決定都係出去再試清楚。
左試右試！看起來差個幾吋，但原來半呎個感覺差好遠的！
20%，講極都只係可以計番原本個折我地，都要加差不多2千，最衰係短左仲要加錢，幾唔開心呀！
不過難得試o岩張合心水的，又可以放到5呎闊的dream mattress，又安慰自己床褥可訓十年咁濟，人生有1/3時間係張床上的，咁除番開又唔係好貴，物有所值的！
於是扑鎚加錢改size兼做埋分期，姐姐仔仲應承我地幫我地加快追貨由本來6-8星期改至5星期，即11月30可有，哈！
好，配合邱生所講，咁即真係有望12月初可入伙！
咁而家只係欠油漆的裝修師傅了。
firm左造傢俬公司
早兩天同盈傾開裝修，趁有幾日假期，的起心肝firm左先，反正之前都去格過下價，心水已有，無謂拖了。
話說早輪係網上找左個software設計左間屋，而層樓都尚算新樓，要裝修的野唔多，只係打算全屋油油、造傢俬。
又係呢張圖！
但問左爸爸，原來油油唔可以單單油油的，要剷牆、油防潮底漆、再批灰，最後先油乳膠漆，都唔簡單。
咁裝修呢part，仲想造個假天花係房的走廊放下野添。
同埋廁所換坐廁、加浴屏係浴缸上面咁。
也可能拉多幾個電掣之類吧。
而造傢俐則主要係兩間房，
1) 同窗台咁高的地台油壓床
2) 大書櫃
3) 放到兩部電腦的書桌
我地之前去過土瓜灣、荃灣、沙田睇過，最後問埋屯門，見都差唔多，反正我地都只係想要按要求做的簡單野，咁屯門又方便D，價錢都一般，便算番屯門。
屯門都問左六七間，有做地台的唔多，最後係2選1，一間係德圍，一間係屯門河附近，不過個人覺得屯門河個姐姐仔比較有主見，於是選左另一間，感覺老實少少的阿叔，邱先生喎。
佢都比唔少意見，但都尊重我地的決定，暫時都幾nice同helpful，希望繼續都係咁，並且手工好吧。
佢話度尺後四星期起貨，我們問可否早D，佢話冇，我們又問會否遲，佢話最多5星期，態度都誠懇，也不似吹水唔抹咀那些，信佢。
我們問係咪度到便得，佢話係，仲叫我們試下約業主，有人住緊都得，佢會有辦法，也多客是咁的情況，咁收樓後便可快些入伙。
又係喎。
於是又即刻找電話問經紀問業主肯唔肯，來回幾個電話便約左明天下午！
YEAH！！
意外之喜！
唔只FIRM左造傢俬店，仲約埋度呎，咁好可能12月中前便可入伙！
係就好了！
希望順順利利！
唔好俾人蝦便好。
話說早輪係網上找左個software設計左間屋，而層樓都尚算新樓，要裝修的野唔多，只係打算全屋油油、造傢俬。
又係呢張圖！
但問左爸爸，原來油油唔可以單單油油的，要剷牆、油防潮底漆、再批灰，最後先油乳膠漆，都唔簡單。
咁裝修呢part，仲想造個假天花係房的走廊放下野添。
同埋廁所換坐廁、加浴屏係浴缸上面咁。
也可能拉多幾個電掣之類吧。
而造傢俐則主要係兩間房，
1) 同窗台咁高的地台油壓床
2) 大書櫃
3) 放到兩部電腦的書桌
我地之前去過土瓜灣、荃灣、沙田睇過，最後問埋屯門，見都差唔多，反正我地都只係想要按要求做的簡單野，咁屯門又方便D，價錢都一般，便算番屯門。
屯門都問左六七間，有做地台的唔多，最後係2選1，一間係德圍，一間係屯門河附近，不過個人覺得屯門河個姐姐仔比較有主見，於是選左另一間，感覺老實少少的阿叔，邱先生喎。
佢都比唔少意見，但都尊重我地的決定，暫時都幾nice同helpful，希望繼續都係咁，並且手工好吧。
佢話度尺後四星期起貨，我們問可否早D，佢話冇，我們又問會否遲，佢話最多5星期，態度都誠懇，也不似吹水唔抹咀那些，信佢。
我們問係咪度到便得，佢話係，仲叫我們試下約業主，有人住緊都得，佢會有辦法，也多客是咁的情況，咁收樓後便可快些入伙。
又係喎。
於是又即刻找電話問經紀問業主肯唔肯，來回幾個電話便約左明天下午！
YEAH！！
意外之喜！
唔只FIRM左造傢俬店，仲約埋度呎，咁好可能12月中前便可入伙！
係就好了！
希望順順利利！
唔好俾人蝦便好。
2009年10月12日 星期一
Hifi-Bowers & Wilkins CM5
最近浩浩睇緊HiFi，因為佢喜歡聽歌，所以想係新屋買對靚少少的喇叭喎，於是成日同阿聰去行音響店。
原來除左前面一對喇叭外，仲要中置同後置，跟住又有擴音器、同專門的cd-player，仲未計什麼blu-ray等等添！
搞到連我對呢方面一d興趣都冇的人，都知多左咁多，可想佢的瘋狂程度了！
昨天係旺角豐澤onkyo陳列室，見到對好靚的書架型喇叭，我純粹係因為佢外表靚而睇，純黑色鋼琴面，四四方方起角咁；咁橋有個人又專登帶隻碟來試佢，仲買走左添！我地一齊聽，又真係好清，好多種樂器都聽得清楚喎。
我地跟住去逛個圈，其他機播的歌在比較下竟然變得一舊舊！
嘩！我們才發現原來真係唔好有比較。
不過都真係唔平，雖則有分期，個人又加句，好的喇叭可用佢十幾廿年都仲係好好，喇叭係成套音響裏面係靈魂云云........
最後決定回家冷一冷卻先，如果真係好中意先買。
原來除左前面一對喇叭外，仲要中置同後置，跟住又有擴音器、同專門的cd-player，仲未計什麼blu-ray等等添！
搞到連我對呢方面一d興趣都冇的人，都知多左咁多，可想佢的瘋狂程度了！
昨天係旺角豐澤onkyo陳列室，見到對好靚的書架型喇叭，我純粹係因為佢外表靚而睇，純黑色鋼琴面，四四方方起角咁；咁橋有個人又專登帶隻碟來試佢，仲買走左添！我地一齊聽，又真係好清，好多種樂器都聽得清楚喎。
我地跟住去逛個圈，其他機播的歌在比較下竟然變得一舊舊！
嘩！我們才發現原來真係唔好有比較。
不過都真係唔平，雖則有分期，個人又加句，好的喇叭可用佢十幾廿年都仲係好好，喇叭係成套音響裏面係靈魂云云........
最後決定回家冷一冷卻先，如果真係好中意先買。
2009年10月10日 星期六
2009年10月7日 星期三
按揭
話說一買左樓後第一條事便是去問按揭的野
7月中
但因為長成交期.....成4個月咁濟...所以d銀行都唔係好彩我地.......因為唔知往後個事會點....通常最多hold兩個月左右......但當時都問左幾間......覺得都唔錯.......
最抵係創興......公務員同教職員plan....去到P-3.25%.........回贈唔知0.4%咁上下....以現在大P5.25%.........即=2%息咋....梗好啦.....但未做得都冇法.....佢叫我地3個月時可去試下入紙......
但後來上網、報紙睇左好多討論.....宜家持續息低......銀行間又競爭.........HIBOR的plan都好吸引，如果持續一年keep到呢年大概0.1-0.2%左右.....咁就算H+0.8%，加埋都唔過1%.....咁又真係好吸引
但又分1個月/3個月咁....好複雜....都係睇多d....知多d先決定吧。
9月中
一直驚之後做唔到之前咁優惠的plan，但另一方面又聽話銀行競爭白熱化，比之前更優惠，有幾間都做到P-3.25%，或H+0.7%咁，竟擔心太早做冇咁抵。
剛好浩浩哥哥又買左樓，Ealie找佢前同事係渣打幫手問按揭，正是我們想做的一間，其實我們大概都決定會做H-plan，見其實都好吸引，於是立刻係2日內找齊資料，搭單交埋表申請，剛好仲有2個月收樓，正式成交，仲話可以幫我地試下bargain個更好的息率添。
9月26日
收到消息，我們的貸款批左。
息口正是之前講較好的一個，也剛好係金管局勸喻銀行注意低息風險後，銀行提高番息口前做到，之後都做唔番咁好了。
真係好感恩。
3成首期，借7成貸款。
宜家個plan係1個月H+0.7%，CAP係P-2.75%，回贈0.5%，罰息期一年。
正呀！
基本上已經係不敗之地，遲些息高番再算吧，但估計點都仲有幾年的事了吧。
10月8日
收到電話，批左個按揭，都冇再比較其他，浩浩便自己去簽左了。
Mission Completed!!!
7月中
但因為長成交期.....成4個月咁濟...所以d銀行都唔係好彩我地.......因為唔知往後個事會點....通常最多hold兩個月左右......但當時都問左幾間......覺得都唔錯.......
最抵係創興......公務員同教職員plan....去到P-3.25%.........回贈唔知0.4%咁上下....以現在大P5.25%.........即=2%息咋....梗好啦.....但未做得都冇法.....佢叫我地3個月時可去試下入紙......
但後來上網、報紙睇左好多討論.....宜家持續息低......銀行間又競爭.........HIBOR的plan都好吸引，如果持續一年keep到呢年大概0.1-0.2%左右.....咁就算H+0.8%，加埋都唔過1%.....咁又真係好吸引
但又分1個月/3個月咁....好複雜....都係睇多d....知多d先決定吧。
9月中
一直驚之後做唔到之前咁優惠的plan，但另一方面又聽話銀行競爭白熱化，比之前更優惠，有幾間都做到P-3.25%，或H+0.7%咁，竟擔心太早做冇咁抵。
剛好浩浩哥哥又買左樓，Ealie找佢前同事係渣打幫手問按揭，正是我們想做的一間，其實我們大概都決定會做H-plan，見其實都好吸引，於是立刻係2日內找齊資料，搭單交埋表申請，剛好仲有2個月收樓，正式成交，仲話可以幫我地試下bargain個更好的息率添。
9月26日
收到消息，我們的貸款批左。
息口正是之前講較好的一個，也剛好係金管局勸喻銀行注意低息風險後，銀行提高番息口前做到，之後都做唔番咁好了。
真係好感恩。
3成首期，借7成貸款。
宜家個plan係1個月H+0.7%，CAP係P-2.75%，回贈0.5%，罰息期一年。
正呀！
基本上已經係不敗之地，遲些息高番再算吧，但估計點都仲有幾年的事了吧。
10月8日
收到電話，批左個按揭，都冇再比較其他，浩浩便自己去簽左了。
Mission Completed!!!
2009年10月6日 星期二
新居新一件物品
新居未入伙，但已經買左最重要的一樣物品！
床褥！
浩浩話：「果然係民以『訓』為天！」
放工同浩浩去左旺角睇音響，順便上新世紀間sealy試床褥，點知原來新世紀上面簡直係床褥店的匯集！
各大型牌子的都有咁濟。
試左好多人話好的sealy，有2款都真係好舒服，其中一款據聞係四季酒店的床褥添！但超晒budget！
另一款感覺同dunlopillo差唔多的，但都成萬六，貴成50%，所以最後我地都係決定去番Dunlopillo再試！
去到浩浩同我左訓右訓！試得好開心！
個姐姐仔死都唔肯減，話75折再75折已經係呢隻款的極限，叫我一係選另一隻。我地用我地的講價絕技，佢最後都肯打電話去找老細問再減d，俾我額外5%俾我地.....其實我地都睇o岩的了。
就係咁，決定左買 Dunlopillo Grandeur Executive的 5"x6.3"床褥，
原價：$17800，折實$9512，即53折，
仲送多2個原價價值$1120的Queen Size天然乳膠枕頭。
買左下 面呢款：
呢款係本來睇o岩，想買的：
跟住送呢款枕頭：
回來在家找左5月出的選擇月刊，講床褥的，雖然唔係比較我地隻型號，但呢隻牌子的評分都好高，安心晒！
不過，最後清清投訴！
點解我地唔帶埋佢去試？！
因為佢先係訓得最多的一個！
哈！又係喎！
2009年10月5日 星期一
結婚公仔logo
話說暑假的時候係屋企日日上網，D網友介紹左個網頁去整D公仔LOGO，其中可以有一對對的用來做結婚公仔LOGO。
當時偷新鮮咁玩下又整左一堆，都冇諗有咩用，昨天收到朋友仔的請帖，見到佢用左來做地圖，都幾好咁喎。
但我都未決定地點，到時再算吧。
大家睇睇邊個靚D？
其實分別只係中式 / 西式，有皇冠定冇皇冠，同有冇神仙棒咁而已。
嘻！你估我最中意邊個？
朋友仔的設計：
公仔設計網頁：
http://www.myotee.com/start.html
佢原本係一間T-SHIRT設計的店，有空可去設計玩玩，除左婚紗仲有好多款的。
2009年10月3日 星期六
franc franc
中秋節，浩浩有好多場波約佢打，呢位人兄話很久沒打過波，於是去足3場，打足7個鐘。
我呢位可愛未婚妻 (......嘻......第一次用呢個term......)梗係陪佢啦，當然我有野可以做。
1) 係車抱住阿fit訓左個午覺，好舒服！
2) 睇緊本理財書「100萬由閒錢$500開始」，獲益良多，重新計劃左我今年度的收支plan。
3) 體育館內用手機上網睇攝影、裝修、化妝野。
4) 靈修左一陣添。
5) 又行左陣「荃新天地」，主要係大眾書局同FRANC FRANC。
覺得自己好叻，好精明！好乖！好善用時間！
***********************
係呢間野入面見到好多靚野，不過好多我覺得太貴，唔值呢個價，二來太大件，間屋唔夠位放；但佢的IDEA好好，令人有好多啟發點佈置間屋。
同埋真係好靚，睇下都開心！
但有幾樣我應該會買，就係佢的咕順同桌墊，一來佢料靚，都唔算貴，值呢個價的；二來呢D小物品，能令間屋的感覺有大改變，相對好抵！
我的想像係咁：
白色客廳、白色梳化，換不同顏色同質感的咕順，個感覺便會很不同。
如春天用青綠色的花花葉PATTERN、情人節用粉紅色、冬天用暖暖的深紫色毛毛、新年用高貴的泰絲等等。
白色/ 黑色餐桌，因食唔同餐 / 唔同朋友來，換上不同的餐墊，令感覺氣氛完全不同，當然仲有加上不同的花、燭光咁啦
嘻！
諗下都開心！
但呢D都係濕碎野，入左伙先再算，慢慢再添置都未遲。
訂閱：
文章 (Atom)