不鏽鋼鑊保養

話說之前買左隻靚鑊，諗住鑊都差唔遠，冇特別留意，SALES講乜都唔太在意。

淨係記得佢話手抦唔熱係假的！

於是第一次開齋炒烏東，有人便煮焦了！

第二次蒸野唔記得睇火乾左水！

當然跟住便好好多，煎扒、炒菜等等乜事都冇，總算摸熟售鑊的特性。

不過久而久之，又發現佢的內裏表面有層白白地色的野，同埋一些彩虹咁色的油污，洗極都洗唔去，梗唔開心啦！

又唔想用野死擦，不竟整花的話仲痛，同埋我覺得會有方法的。


連我支 3M 不鏽鋼噴霧泡都去唔晒！轉頭又番來！


有日係SOGO行街，佢專門店唔覺有去污劑，反而對面間FISSLER又係賣不鏽鋼鍋具的，同個阿姐講情況，佢介紹我呢支野，包洗到咁話喎，又信下佢，$ 98 。

今早起身又即管試試，估唔到好WORK，好少用百潔布輕輕洗，便洗得好似新一樣！

勁！



但唔想再有，於是好乖咁找番說明書看，又上網睇，終找到原因。

白色係水同食物中的澱粉質在加熱時附上的，可用醋同檸檬片擦拭，清水沖洗去除。
而彩虹色的是食鹽同食物的礦物質過度加熱而成，要用專用清洗劑清洗。


說明書話孖人有專用清洗劑，再看看買唔買吧，因為呢支似乎都好好用。




另外，總結左些不鏽鋼鑊的使用要點：

1 )  盡量冷鑊下油

2 )  盡量都用細至中火便夠，傳熱好，冇需要開大大火，忌乾燒！

3 )  等鑊同油都燒到好熱，有油紋 / 出白煙，先放食物

4 )  要煎既野，特別係魚，一定要好乾身，最好唔好落生粉醃

5 )  野一落鑊後，就係關鍵時間：一定要：
     (a) 控制火力，先較細火，再慢慢按情況較大和調節。一定唔可以唔較火，否則一定燒焦同黐底。
     (b) 千祈唔好心急去鏟佢，尤其是魚，一定唔可以即刻鏟，否則一定甩皮同黐底。
     (c) 初時會發覺的野黐住隻鑊，此時千祈唔好心急要鏟郁佢。只要較細個火，將隻鑊向左右前後傾側，令油能燒勻d 野既每一個部分。
     (d) 再較大或較細個火，慢慢由得佢煎，唔好心急鏟佢，只要個火唔太大，係唔會燒焦的。
     (e) 煎佢五分鐘以上，試下輕輕用隻鏟鏟下佢，逐d逐d將佢鏟離鑊底，有時唔駛鏟，佢都會自動離鑊架。
     (f) 反轉面照做。

6 )  避免用鋼絲擦擦

7 )  總之，用不銹鋼鑊係唔急得架，要考耐性、細心同毅力



要努力好好用佢先得。