le creuset 不鏽鋼蒸架 + 湯盅

連續兩星期幫浩浩朋友的小朋友準備幼稚園面試，覺得自己好似好專業咁，希望佢地都入到心儀學校啦，不過也有感現在香港小朋友讀書幾咁唔容易，2,3歲就要為入學考試，但最辛苦其實係爸媽，辛苦過自己去見工！

早上同浩浩清潔好屋企，下午朋友走左，浩浩去打排球，4-6pm，我就趁呢段時間出走。

嘻，又係深圳，昨晚佢去飲我靜雞雞上左轉宜家，今日目標係海岸城。

屯門去深圳灣好快，20分鐘。

過關也唔多人，但過到去找唔到網友講的免費接駁巴士，搭8號巴士，都係2蚊人仔，3個站，其實唔遠，不過放工時間，有些少塞車。

去到直接上4樓，le creuset專櫃，真係幾多貨，同萬象城差唔多，stoneware同silicon買3樣6折，都幾抵。

第一樣梗係買我最想買的不鏽鋼蒸架，配番屋企個22cm的煲，超fit！

比想像中平，好開心！

跟住想買個陶瓷有蓋的盅仔，燉野 / 焗甜品用，本來中意佢扮大鐵煲的圓型同橢圓形款的，但又好似好細，心心白色都係太細，最後選左湯盅款，0.5L，大些合用D。

佢又俾我選唔同色，選左kiwi同Caribbean，好中意！

本來仲買埋佢的，諗住做花瓶插花或插廚房用具的，但得display，佢用左黎裝油，冇買到。其實我都LC的野我都係最中意白色。

回來見到JUSCO的接駁車，但要有購物單先搭得，趕時間沒有深究，乘的士過深圳灣，21元。

2小時來回，比預計遲左少少，因為心思思買乜色好，係果度行左半個鐘有多呢！

係海岸城店，見到呢本mini瓷器的甜品食譜，好想要，當然姐姐話得一本，回來上網找，買set送，單獨係亞馬遜有得賣，但訂一本書又好似好煩，再找找先。