白蓮腐竹薏米雞蛋糖水

上星期早上收到電話，浩浩婆婆走左，我地各人去醫院，叫做見左最後一面，好傷心。

人真係好化學的，雖然她年紀大遲早都有回天父度呢日，但要走就走的，各人幾唔捨得都沒有用，人真的很渺小。

唉！唔識講那種傷心，不過呢幾年習慣左把去左天父度的人放入心裏面的雪櫃度，平時唔好輕易打開個雪櫃，咁會冇咁傷心，到真係好掛住佢地時，希望盡量記得佢地的每一個細節。只係呢個雪櫃入面的人越來越多了。



回來很累，訓醒起來想找野食。

打開廚櫃找到呢個。( 我廚櫃成日有未整的食物，有時拿出來先知已經擺到過左期...)

上網隨意找左食譜跟住做﹕


1 ) 洗凈薏米同白蓮 ( 通常係白果 )。

2 ) 腐竹浸軟，( 如有白果要去殼，然後用熱水浸片刻，撕去衣，去心 ) 。

3 ) 煲滾水，將白蓮、薏米、雞蛋放入煲10分鐘 ，然後把雞蛋拿起去殼，加入腐竹，再煲20分鐘。( 食譜話應該要一個小時，但LC煲存氣可減時間，因為已經所有野淋晒。)

4 ) 加冰糖，煲至冰糖溶化，將雞蛋敲開並放入糖水中，煮多一陣，熄火。



坐係露台同浩浩一起食呢個糖水。
今天天色很好，陽光普照，藍藍的天，涼涼的風，典型的秋天，希望浩浩婆婆係天上過得好。( 浩浩話媽媽會照顧婆婆，唔使擔心，我都希望係咁。)

( 不過後來找番先知，應該凍水落腐竹，咁出黎的糖水先會奶白色，今次其實係失敗之作。)

今早影的，天氣真係靚到爆。