SWIFT X TOPGEAR

星期日，參加左個車迷的特別聚會。

話說SUZUKI出左新款SWIFT，於是約埋班SWIFT CLUB的車主同埋TOPGEAR的雜誌，做個訪問報道咁。

又出車，集合地點係大埔工業村大停車場，點知下雨呀，不過好彩都影到，10月尾會出，好緊張添！


藍色果架就係新車，不過佢呢個色彩配搭真係不敢恭維，全場人都覺得得啖笑，反而紅黑版仲好些，或者像現在咁，淨色已經好好，始終佢有內涵又車仔款已經好好。

我地最中意的黃色，第時我地好可能將架車噴成呢隻色！

我支鏡唔夠WIDE，好有衝動買番支鏡添！

好似五色戰隊！集合！

其實除左D色同拉花，架車OK的，不過未係大家想要的MT，同埋冇包圍裙腳等，SALE MANAGER話下一步喎，幾識做生意！

辣椒仔，正！

不過後來先發現後面的窗貼晒防透視黑玻璃貼，辣椒仔貼紙唔突出！SO SAD！
呢張我地唔會貼囉！

期待出書的一天！

呢幾張相都係借FACEBOOK朋友仔的相，謝謝先！

2011 LE CREUSET 開倉完結 兼 升級YAHOO BLOG

今年所有的LE CREUSET全部完結了，經過上星期每天朋友間、BLOG友間都熱熱鬧鬧的情況，今個兒不免有點失落呢！


另外，也決心要UPGRADE番個YAHOO BLOG，同大家連番一起，不竟最近真的冷清左好多。不過YAHOO BLOG現在扮FACEBOOK、微博咁，什麼都連在一起，但又學唔晒，搞到個EMAIL通知、SHOW NAME等乜都亂晒，真的好鬼煩！希望我有智慧搞掂佢，也希望順順利利，同大家唔好失散。




今次開倉最後幾日去到，因為已經夜的關係，冇乜點找到好野，反而朋友掃左唔少，我只係得幾隻焗盤咁。

見阿咪的深淺雙紫焗盤靚到飛起，流晒口水的我，終於日日去巡視的情況下都俾我遇到隻Cassis，好開心呢！襯埋第一日買的Lavendar，好靚！

另外，買多左隻Light purple的方形焗盤，幾隻紫色、白色加埋加勒比海藍，咁喬同我有的煲一樣色系，看來我的喜好都好專一呢！

最後找埋我的Lilac Mist，同朋友的煲影最後一張拿照作結，煲已被主人領回家，呢張相作為我下一個目標吧。
看它們走在一起浪漫到暈呢！

總有一天我會把你們都帶回來的！

Le Creuset 2011開倉戰利品 (3)

因為係開倉附近番工，呢幾日都好彩放得早 ( 想盡辦法做完D野:P )，總之日日唔知點解，對腳就自然行左去果度！

不過去得都5點幾，個場日日都混亂一片！D姐姐哥哥好努力地執拾。

不過就每天近尾聲時都會上貨，有機會執到好野。



但我想要焗盤同紫色東西就冇再出現，我諗真係要早上先有。

我講左暫時唔買煲，因為係我未換廚房前都放唔落了！( 果個灶底仔竟然仲放左10瓶以上的梅酒同一個燒烤爐！)



但又好好彩咁俾我遇到D好靚好中意的野！

見到張相都估到我帶左佢地回家！

不過唔係我要架！
見到咁靚，但我要唔到，於是勁WHATSAPP問朋友仔要唔要呢D靚野！
哈哈！

最後仲繼續我的代購服務！俾我拿回家放一晚開心下都好！

咁靚點會冇人收留佢地丫！

24CM CASSIS RISOTTO POT

16CM PINK ROUND



今日好開心朋友仔終於去到，一起逛好開心，呢位朋友仔失晒控！哈！不過對住LC我明白的！你快D砌好個煲架影相我睇啦！



另外仲同兩個BLOG友仔見到面相認左，好開心呢！

Le Creuset 開倉 2011 戰利品 (2)

昨天本來都諗住收手的了，因為都買到好多好野，好驚喜好開心了！

但因為冇遇到幫個就結婚的好友找的茶杯仔而有些失望，點知回來係fb見到有人post左張相，入面有set紅色心心杯，突然意動都幾好喎，於是我呢個伴娘決定去買番set送俾佢地。

今日好彩遇到blog友poodle lover同佢的朋友仔，有人幫手合作真的好好多，否則得我一個真係差好遠呢。

今日見到好多熟口熟面的blog友，但唔敢相認，但完來相認左好開心的，不竟大家係blog交流過，突然變成真人係面前個感覺好有趣呢！



好彩買到咋，仲要杯同碟分開放，唔係有定準備未必發現到呢！

拿多左放番上去時，發現紅色已經冇晒，而我放上去時立刻有人拿左呢！

買左2對，朋友同自己一人一對。

希望佢合用啦，不過唔合用的話拿來平時用都好sweet吧。



下面呢兩樣都係幫黎唔到的朋友買的。黃色也好靚呢。380@

公仔麵煲，哈，好cute！其實昨天找到的，但個盒入面竟然俾人換錯左紅色，miss左，今日找得番，$680@

記得上年cwb開倉我係第一次買LC，原來只係一年咋！經歷第三次開倉，但好似好耐咁，仲因此識左好多BLOG友，真係意料之外呢！感恩！

左手面就係上年買的第一支 ( 不過條木殘晒了，係咪應該買多支呢？ )，終於儲齊一套了呢！插晒落昨天買的米色樽度，襯到絕！真係好鬼中意白色的姐！唔....同CASSIS一樣咁中意！

把昨天一堆戰利品洗乾淨，化整為零，搞左我成日！

代購的也分好晒袋，約左各人交收順便聚聚添！嘻！姊妹們，R U READY？

另外，唔知大家會唔會好似門口哥哥們講：「C U TMR」呢！？

Le Creuset 開倉 2011 戰利品

好，快SHOW戰利品！

估唔到會有的Oil & Vinegar Set！自己同朋友仔各一set！$200@

19cm焗盤2個，呢個size剛好2個一齊入焗爐。$100@

要左米色同加勒比海藍。

見呢個粉紅色26cm靚又要埋，但後來先發現佢入唔到我個焗爐仔！$160 ( 應該係170@先O岩)

仲有呢個oval的 Lavendar的焗盤，佢大些反而可以斜斜地入到喎！$170

疊埋一齊超靚囉！

跟住就係呢個380！多謝ami同佢朋友幫我拿左，呢個380 ( 30cm鐵鑄長形盤 ) 係我今年的目標之一，如果買唔到今年就好遺憾的了，雖然係黑色，但正好補番我買唔到「黑水殼」的遺憾吧，不過用呢個長形盤炸野唔知得唔得呢？$380@

佢有少少瑕疵，不過能買到已經好開心的了。

另外，其實冇諗住再買的長形grill pan，但因為佢係cassis！就買埋佢，拿來我成日諗的但未整的鐵板燒正好！呢個係32cm，其實我見到人地有24cm方形細少少，但我搶唔到。$700@

仲有呢對小朋友，幾可愛！$80。

仲有身負重任之一，trivet！呢隻色的trivet第一次見，好靚！$270

紫色只拿到一個咋。

放埋一齊靚到傻晒！

俾錢時發現原來仲有花樽賣，$100@，有粉紅色、黑同米，我選左中意的米色。

同埋超好用的白色刮刮，$60@，呢個圓柄，比家中用開的細少少。

本來仲見有好多靚靚杯，SIZE用來沖COFFEE正好！不過早前實在買左好多款杯，忍左手。

仲有呢對碟，諗住用來墊對LC湯盅用的。170 ( 應該係160@先O岩)

點少得張大晒冷相！哈哈！只係影相影到天黑，要開燈，D相冇咁靚囉。

哎呀！SHOPPING真係好開心呢！

不過美中不足係幫唔到一個就結婚的好朋友買佢想要的小茶杯囉。