但因為冇遇到幫個就結婚的好友找的茶杯仔而有些失望，點知回來係fb見到有人post左張相，入面有set紅色心心杯，突然意動都幾好喎，於是我呢個伴娘決定去買番set送俾佢地。
今日好彩遇到blog友poodle lover同佢的朋友仔，有人幫手合作真的好好多，否則得我一個真係差好遠呢。
今日見到好多熟口熟面的blog友，但唔敢相認，但完來相認左好開心的，不竟大家係blog交流過，突然變成真人係面前個感覺好有趣呢！
好彩買到咋，仲要杯同碟分開放，唔係有定準備未必發現到呢！
拿多左放番上去時，發現紅色已經冇晒，而我放上去時立刻有人拿左呢！
買左2對，朋友同自己一人一對。
希望佢合用啦，不過唔合用的話拿來平時用都好sweet吧。
下面呢兩樣都係幫黎唔到的朋友買的。黃色也好靚呢。380@
公仔麵煲，哈，好cute！其實昨天找到的，但個盒入面竟然俾人換錯左紅色，miss左，今日找得番，$680@
記得上年cwb開倉我係第一次買LC，原來只係一年咋！經歷第三次開倉，但好似好耐咁，仲因此識左好多BLOG友，真係意料之外呢！感恩！
左手面就係上年買的第一支 ( 不過條木殘晒了，係咪應該買多支呢？ )，終於儲齊一套了呢！插晒落昨天買的米色樽度，襯到絕！真係好鬼中意白色的姐！
唔....同CASSIS一樣咁中意！
把昨天一堆戰利品洗乾淨，化整為零，搞左我成日！
代購的也分好晒袋，約左各人交收順便聚聚添！嘻！姊妹們，R U READY？
另外，唔知大家會唔會好似門口哥哥們講：「C U TMR」呢！？
原來妳今日都有去呀!勁呀!咁都可以再買到380^^ 心心杯好靚啊! 其實妳講得岩, 我返到屋企都有後悔點解唔買埋哩個,點解唔買埋果個呀!哈哈!
回覆刪除[版主回覆09/19/2011 11:04:00]本來唔諗住去的了，但為左呢對心心杯去左，估唔到仲買到其他野，雖然全部唔係我的，但都開心。
妳咁鐘意白色, 買埋個白色花花煲啦!
回覆刪除[版主回覆09/19/2011 11:19:00]我都有聽人講有白色花花，但我冇見到，不過白色煲我已經有一個，而且冇位擺了，所以希望一直唔好俾我見到啦。
嘩, 你買的 380 真係超罕有, 有黑底 380, 今次仲要係黃色, 我2個都沒有見過, 我估你早過我取380, 我取時只有cherry red 3-4個
回覆刪除[版主回覆09/19/2011 15:20:00]我諗應該係佢擺左係唔同位，因為我同poodlelover一齊，佢地同我係唔同地方拿到唔同色。
同poodlelover打招呼見到你咁熟口面, 即刻自我介紹. 真開心同blog友相認, 好似你講感覺好有趣!! 好鍾意你個綠色同紫色煲墊呀, 我地只買到橙紅色橢圓形的.
回覆刪除[版主回覆09/19/2011 15:45:00]我都好開心見到你呢！我都係覺得你好熟口面，但又唔知係邊個，如果得我一個我未必敢同你打招呼呢！ 宜家識左真係好，下次我地再見。 我都係幫朋友仔買的，我有一個白色圓形多左，你有冇興趣？
咁你見唔見到我呀????
回覆刪除[版主回覆09/19/2011 16:22:00]嘻，唔敢肯定呀，覺得熟口熟面有時都唔好意思問 ，咁你有冇見到我？ 下次我地係咪應該約定D相認記號呢？
VERY NICE ARHAR!!
回覆刪除[版主回覆09/19/2011 16:22:00]嘻！YES，I THINK IT TOO~~
唔好意思要你割愛, 你真係好人, 但白色不是我心儀的顏色, 非常多謝你的好意!!!
回覆刪除[版主回覆09/19/2011 16:36:00]嘻，咁祝你下次找到你的心水啦！
十萬個唔該呀！
回覆刪除[版主回覆09/19/2011 16:57:00]唔使客氣，有LC齊齊買！yeah!難得大家都中意又用得開心！
LC可見情與義！
回覆刪除[版主回覆09/20/2011 10:42:00]係喎，估唔到遇到blog友仔真係好開心！唔知幾時我會同其他blog友仔相認番呢？
今日去咗喇，買到自己 target 要嘅，不過就買唔到你買嘅 Oil & Vinegar Set囉！
回覆刪除[版主回覆09/20/2011 10:42:00]我見你好叻，買的野全部都諗好晒點用，夠晒定力！我都要學下！唔好一見靚就買先得！
你真係夠朋友
回覆刪除[版主回覆09/20/2011 10:43:00]只係再去shopping姐！ my pleasure！
這套襯得好靚： 白色（米色）係我最愛！ 原來你真係買咗唔少，果然係LC fans！而我只係LC新丁呢！
回覆刪除[版主回覆09/20/2011 20:50:00]多謝讚賞！同我一樣有眼光！ LC買下買下便會上癮的了！
回覆刪除買唔到呢個，聽日再去睇
[版主回覆09/20/2011 21:21:00]佢地話每日都有出，你早D應該會找到的！祝你買到心頭好！
今日見唔到心心碟同$380, 有點可惜, 不過真係買得好開心呀.
回覆刪除[版主回覆09/20/2011 23:26:00]380我諗真係要早上先會有了，好多BLOG友仔早上去都買到。 你今日好厲害呢！快些砌好個煲架影相俾我看啦！
我都係諗住聽日送完亞囡返學, 就殺過去, 希望買到隻380, 同方型焗盤~
回覆刪除[版主回覆09/21/2011 15:11:00]祝你買到心頭好，你可以早上去好好多呀！
我都想去，但去唔到！
睇見你地個個都買到 380, 我真係流晒口水啦, 唯有下年請早!
回覆刪除[版主回覆09/24/2011 16:48:00]我其實未用過，不過個個話好又即管買黎用下，不過我焗爐唔夠大，都未用盡佢入得爐的功用添！ 你有冇買左d乜呢？
我買咗個 18cm 日本限量版煲, 一個 cassis square grill pan, 朋友幫我買咗二個 trivet, 一個 kiwi 一個 orange, 係咁多 la, 下次開倉一定要請假同約齊 d 朋友去先得.
回覆刪除[版主回覆09/25/2011 20:04:00]咁都好好喎，煲同GRILL PAN都有，TRIVET我覺得真係好靚，當裝飾都抵！
哈哈，竟然係到遇番妳！day 2 poodle lover朋友仔上
回覆刪除[版主回覆09/25/2011 20:09:00]嘻！雜誌靚女小姐，好開心見到你地，仲一齊互相幫手找東西買野！更開心係度重遇，我ADD左你做BLOG友仔呢！
黃色380超靚！可遇不可求！
回覆刪除[版主回覆09/26/2011 16:45:19]係呀，我幫朋友買的，我想要多隻都冇了。
下年再努力啦！
你好呀,咁岩睇到你個bldg,請問LC 幾時會再開倉架?係咪平好多?
回覆刪除[版主回覆02/22/2012 22:13:44]通常3月同9月都會有，不過要一至兩星期前先會有通知，今年都應該差不多了，可留意佢網頁。