其實一部係 for 媽媽同爸爸的，因為媽媽早前學完電腦想多練習，但又擔心整壞我地的電腦唔敢亂用我們的，所以諗住買部俾佢玩下，學下上網都好丫，而且爸爸的行山教友們常講facebook的野，看來佢都係心郁郁的了呢！
故趁電腦節有平時，放工係灣仔電腦場行左個圈就買左部 notebook了。仲配埋有線mouse ( 唔使佢地換電 ) 同手寫板 ( 唔使學都識中文輸入 ) ，希望佢地真係多用學得會罷。
專登選大MON，15.4吋，仲係LED，方便佢地放大睇野，又冇咁易累，都有成I3架，快過我所有電腦，4G RAM，320G HARDDISK，佢地用夠晒有突，仲只係3千幾，我覺得好抵。
媽媽話冇位，所以放係佢梳妝台上，好FIT！
不過由我中四果年開始自己行電腦商場時開始，每次行完個感覺都好唔好，入面大部份人到今時今日都係，見你一個女仔企係度睇的時候，就已經會同你搭訕，什麼文書處理、打機好夠的了等等，總之言語間就係當你一定乜都唔識！
我學寫程式時你都唔知讀小學未呀，細路！哼！當然我乜都唔會講，格好價睇O岩心水，最重要買到我要的野姐，唔使理佢點諗的，佢當我好叻我也不見得會飛。
點知過左兩日，浩浩又心思買左部番公司用，就係咁就掃左兩部了！
佢呢部快多少少，同埋個HD多些添，貴6百，佢番工長用，個MON大些都係好些的。
咁橋另外果兩部NOTEBOOK個防毒都到期，於是買埋呢個，做特價，仲送多個ACCOUNT，都OK抵。
不過結果變左家中有部DESKTOP，有NOTEBOOK，仲有部NETBOOK仔添，雖則FUNCTION唔同，但邊用得晒呢！？
************************
同浩浩講番起，不禁感嘆宜家的電腦真的又平又快。
記得當年95年我家中第一部電腦購入，在深水埗高登CENTRALFIELD買，Pentium，連HP660C printer，共15xxx，貴絕家中所有電器！
後來2000年讀書住宿舍買第一部NOTEBOOK，價錢是18xxx，果時自己分期供，叫晒救命！
但08年買現在仲用緊的desktop時，已經是唔過3千，宜家3千幾買再快再新的NOTEBOOK！
再過多幾年都唔知係咩世界了！
我同電腦完全脫哂節，以前用XT, 80286果陣, 都識得下d model ar 睇下d specifications, 前幾年，開始淨係識上網，打下信，msn, send email 咋，其他咩咩model 就乜都唔知！三千幾真係好平呀，同買個煲一樣價錢！
回覆刪除[版主回覆09/05/2011 19:03:00]唉，電腦日新月異追唔到咁多，識唔晒，夠用就好，只係要買時真係要買番本電腦雜誌睇番下宜家出到d乜，其實原理都係果d，萬變又變極都係咁上下的。
咁橋，上星期我都買左部Lenovo Z575， 15.6" 500G HD，haha...仲要係Cassis color，$3,690，平到笑！
回覆刪除[版主回覆09/06/2011 19:17:00]咦，真係好橋喎！YEAH！ 你就好，CASSIS色我超中意，但我未見過呢！ 可惜兩部新野都唔係我用，第時我換我都要找部我的至愛紫色/ 白色先得！