新搞作！風扇燈。
飯廳的燈在入伙時我們見還新淨，故沒有更換，但終於負荷不到了，而且款式很奇怪，是不可換燈泡的，5顆火膽仔燒了4個，唯有買新。
本來心儀水晶燈，諗住找盞小小的優雅一下，見香港都是一千左右，諗住番大陸會平，點知反而比香港貴，或許我們選的款式都是靚些吧，可是千多元的大陸貨，我覺得唔值，總之唔捨得啦！
跟住俾我地見到呢盞野，記得朋友仔盈家都有把，即管問下價，又唔貴喎，6百幾，仲有唔同size、款揀添！有48吋、56吋同60吋。
我地選番淺色款，格好價就俾錢，最後580元埋單，但因為要加搖控，所以要幾個鐘先有，於是我地去行下街先回來取。
係五方廣場呢間買。
不過冇拿車仔，浩浩托回來，好叻！
運貨有浩浩，至於安裝梗係要找爸爸！
佢真係有電牌架，佢話冇係唔可以搞D電的，犯法兼好危險架喎。
飯廳的燈在入伙時我們見還新淨，故沒有更換，但終於負荷不到了，而且款式很奇怪，是不可換燈泡的，5顆火膽仔燒了4個，唯有買新。
本來心儀水晶燈，諗住找盞小小的優雅一下，見香港都是一千左右，諗住番大陸會平，點知反而比香港貴，或許我們選的款式都是靚些吧，可是千多元的大陸貨，我覺得唔值，總之唔捨得啦！
係五方廣場呢間買。
運貨有浩浩，至於安裝梗係要找爸爸！
佢真係有電牌架，佢話冇係唔可以搞D電的，犯法兼好危險架喎。
其實都有少少煩，好彩佢附帶的說明書圖文並芧，都算詳細。爸爸預先研究完，準備好晒工具先開工。
三個人幾粒鐘，終於搞掂！
好正！真係好涼！有三個速度，中已經好夠，細風可以通通風咁。
咁睇都唔算好低！未至於好大壓迫感。(佢有長短兩支通俾你選，我地只係用左短果支)
搖控原來係佢風扇原裝的，幾靚仔！我仲以為係CHEAP CHEAP果D添。
燈又可控制開一半、開晒咁。
好方便！
我都會裝一把風扇燈，不過要遲啲。過一陣子可以再回來問你用這個牌子用得如何嗎？
回覆刪除[版主回覆11/20/2011 19:01:41]好呀！我都係第一次用，你換時我再話你知，暫時兩星期都好方便唔錯。但它的扇葉係薄木片，驚唔耐用！
係靚喎, 又唔算貴, 抵!
回覆刪除[版主回覆11/21/2011 08:41:26]係呀，加埋100元搖控，乘番港幣都係8xx，加埋2人車費都唔使1千。
awesome !!!!!
回覆刪除[版主回覆11/21/2011 08:49:09]haha~~
就算係香港買，都可能大陸貨喎...
回覆刪除[版主回覆11/21/2011 20:07:47]對呀！但大陸買仲要俾人仔，如果仲貴過香港就好貴了！
我上次陪同事返大陸去睇灯, 真係好多又靚又平, 我仲差啲忍唔住買咗盞水晶壁灯, 不過, 因為自己唔識換先打消念頭咋. 你爸爸識裝, 又可以慳返筆, 嗰度都幾百架.
回覆刪除[版主回覆11/23/2011 06:47:23]所以有時係香港買有好處，就係有些可以包安裝，同埋因為大陸洗人仔，有時香港唔係貴大陸好多，上次房燈我都係係油麻地買，都唔算貴。
我未裝修前誓言旦旦要深圳買燈，但最後裝修太辛苦，響上海街一間見到順眼就一次過買齊 (^^) 香港包安裝，如果款式要求唔高，的確方便D.
回覆刪除[版主回覆11/26/2011 09:41:59]嘻，其實有時計埋車錢同兌率，未必平好多，如果包埋安裝方便計，我都讚成留港消費！:) 尤其大裝好多野要煩！方便勝過一切！
慳位又環保, 正
回覆刪除[版主回覆06/07/2012 23:42:17]真係幾好
:)