蝴蝶酥

春天潮濕天個人好懶，時時想訓覺，懶到出汁，放工淨係睇ON CALL 36同食飯，跟住玩電話就訓覺。

BLOG....唉，放假先掂一掂，有一篇好似已經好勁咁，但其實我有KEEP相架，只係冇時間整理。

希望補到啦！


新年時朋友仔整左蝴蝶酥，浩浩拿了一件回來給我試，勁好味，於是新年假最後一天整左，拿回校請同事食！

好易，O岩我！


食譜參考我朋友仔CHING

個樣都靚靚，心心相印，SO SWEET！
 


第一底猛火左少少

材料：
急凍酥皮(大) 一包 6張 ( 一張可做24-25 件 )
砂糖
牛油

做法：
1) 急凍酥皮兩面灑砂糖，兩邊向內以各3摺疊起，以平分的方法切成24件。

2)分開放好，掃上溶牛油

3) 180度焗15分鐘 ( 據說慢些火焗耐些會更脆，但我都係大概時間，總之金黃色便行 )，中途有需要可反轉

待涼後便可入盒

簡單易整又美味，可以同很多人一起分享！正！

牛奶湯種方包

呢個係農曆新年很凍很凍果幾日整的，凍冰冰發酵簡直係大考驗！

出盡發寶幫手發酵，熱水都唔夠，於是俾我諗到用個焗爐！
又成功左喎！YEAH!!

成日心思思想整包，但下下等中種十幾個鐘又好冇癮，於是上網找左幾個湯種的方包食譜，最後跟左SUNNYMA的牛奶湯種。詳情睇番呢度。

材料：
牛奶湯種 100g (100g牛奶+20g高筋粉) (如下面步驟一二)


高筋麵粉  270g
砂糖  43g
牛奶  60g
鹽  4g
酵母  6g
蛋  1隻(50g) ( 我隻蛋大有成60g，照用)
無鹽牛油  24g

做法：
1) 準備牛奶湯種
將100g牛奶和20g高筋粉以細火煮成糊狀，但別讓溫度高於60度，途中不斷攪拌，免結成塊狀，待涼即可使用。( 湯種的製作可參考簡易食譜的湯種煮法 )

2) 除無鹽牛油外，將所有材料放進KM拌勻，然後以高速打5分鐘，加入牛油，再打5分鐘。

3) 進行第一次發酵 ( 用左LC 14 + 焗爐幫手 )

先將麵糰放入LC仔內

然後蓋上蓋放入焗爐，較最小火，約100度，3分鐘，感覺到微熱，然後關機

由它放在爐內約40分鐘，途中如爐溫降至室溫，重覆上面步驟，以保持爐內溫度

冬天麵包終於也發得起了！不過仲差少少，以沾麵粉的手指插入，孔會縮。

再發多一會，好好多了！

4) 第一次發酵後，排氣、分成3等份，鬆弛15分鐘。( 隨手分，又大又細唔平均！)

5) 捲成卷狀，放入模中進行第二次發酵。( 約1個鐘 ) ( 還是用上面焗爐的方法保溫發酵 )。
( 第一次發到差不多滿，KM+焗爐的威力好勁！)


6) 蓋蓋，放入已預熱的200度焗爐，30分鐘，開蓋。

出爐趁熱倒出待涼。

哈哈！好開心！方包第一次咁高咁大！

切開入面卻未係好靚，尚待改進呢！
( 正式湯種牛奶方包的質感應該是咁的，可保存幾日喎。可參考呢處 )

但好好味！又快！

一定可再ENCORE！

美女廚房之 LC 小PARTY

聖誕同BLOG友仔開左個大LC PARTY，其實之後仲同幾個識左好多年的好朋友來多個小型LC PARTY，哈！

呢幾個朋友仔由上年開始，大家長期係WHATSAPP個GROUP講下煮野食、SHOPPING等，乜都講下咁，吹下水都好開心！

上個月約左就左很久先約齊人，去左其中一個朋友仔屋企，哈，不過煲太重，結果冇一人拿一個了，嘻，只係我要「還煲」(請看上集大LC PARTY上文原由)，咁橋呢個原本WITH PARTNER的活動有人唔得閒，所以浩浩剛好可以車晒我地去。

由呢幅相可見朋友仔已經變左FANS！(下次開倉要預埋佢先！:p)
LC真的會令廚房生色很多的！:)


朋友仔考慮緊下一個入手咩色，你們有建議嗎？:P

今日主題係美女廚房！ :)

材料勁豐富！呢度只係一小部份咋！


其實係上次係RACHEL度上完堂，宜家先來一起做功課  :P
大家幾認真地研究筆記！

淨係洗洗切切都已經玩好耐！

結果呢位唯一的試味專員‧‧‧

有陳偉傑先生陪睡。

終於開餐！

1) 西班牙海鮮炒飯 in 22 lilac mist

2) 蒜蓉粉絲煮蜆 in 18 lime with handle

3) 西班牙辣肉腸 in 22 caribbean buffet

因為我地都唔係pro，唔想大家太辛苦，整到一頭煙，冇時間傾計，所以最後cut左幾個餸，改為叫左些外賣。

呵呵！呢餐食得好開心！

當然豐富的晚餐一定要有個完美的句號的！

專登在淘寶訂左呢個三件圓盆來襯呢個LC fondue架！係咪特別靚呢！

朱古力火鍋真係好好味！

食到停唔到口！真係大件事！

飲飽食醉！三五知己聚首一堂，真的好開心的！

美滿的一晚！好想再encore呢！

新身份──包租婆

早前生日又大一歲，女人去到咁上下年紀就會自動忘記自己真實年齡，反正唔係十八同廿二。

今年我的生日願望好實在，係做包租婆！

本來諗住係鼓勵下自己儲錢有個目標，但估唔到唔夠一個星期呢個願望便成真！感謝主！

個單位係以前浩浩屋企個屋苑，屯門巿廣場。

其實一直心思思想買番以前咁上下的單位，4百零呎左右，又近西鐵站，樓下勁旺，放租應該唔難，升值潛力好。

不過睇樓有個重點，就係要高同開揚！

花左半日睇左七八個單位，便好中意呢個了。

比預計大左，條數都貴左，但高層開揚，四四正正咁，好o岩心水。

番去計晒數，做晒估晒價，第二日放工約埋爸爸去睇多次就扑鎚了。

叫有少少裝修啦，話晒廿年樓，唔使大執已經好好。

廳：

房：兩房打通左，好似以前個咁，好濶落
（不過就唔適合一家大小的了，不過唔租俾有小朋友的也好，冇咁易殘）

廚房：

都好企理，唯一唔好就係洗衣機放左雪櫃位，雪櫃出左廳

廁所：

仲有好多野煩，不過開心事黎的。

但原來放租都係一門學問，好在好多朋友仔幫手，謝謝大家！

我要學好好做個包租婆先。

*************************************************************


屯門市廣場獲區內客以219萬承接
http://www.manyw.com/article/misc/article_content.php?sectionid=27&ref_id=13956&page=4&showDate=

美思工房多功能三層不銹鋼中式炒鑊套裝

話說年廿七媽媽壞左個煤氣雙頭煮食爐，幾大件事！臨急臨忙去買爐，但始終送唔切貨。新年用單頭同打邊爐的爐仔煮食！:(

結果換左電磁爐，羨慕死我！

另外，又見媽媽個鑊超唔得，便諗住幫佢順手換埋。

我用緊個孖人好好用，於是同佢去睇，諗住買多個，但點知佢換左款，玻璃蓋，又薄身左，手抦鍋釘位全部冇晒佢的優點，於是放棄！
( 之前係美食展見過孖人有一款不鏽鋼內裏 + 特別物料外面的，promotor 又話得sogo有，問sogo，佢又話賣晒唔番，只在展銷先有，都唔知幾時，總之最後都冇啦。)

基於媽媽開火一定比我多，於是俾左我個鑊她，我自己再物色。

果日去rachel度上堂學炒蟹時，見到勁心動，又咁橋有個同學仔唔取貨住，於是我就帶左佢回來！:)

一套四件另送鑊鏟，$838，同學仔話平過開倉！大家都係不鏽鋼，但平孖人成倍！

佢的賣點係勁深，高身，又名「大劇院」

同孖人一樣鑊內冇鍋釘位，清潔乾淨

有個好大的蒸架，蒸包蒸魚好方便。

濶度比任何蒸餸架都大！

應該蒸全雞都ok！

仲有呢個炸物隔油架，未必常用，但有又會方便好多。

中間少少玻璃位，可以睇到入面情況，同埋有疏氣掣。

蓋上有膠可放鑊鏟

鑊鏟有工學設計，中空唔傳熱 ( 不過孖人果個唔係中空都唔熱 )

新鑊都幾滿意，希望佢努力係我屋企發光發亮啦！

有興趣可去佢網頁睇下！
http://www.metier.com.hk/

貿易發展局網頁
http://www.hktdc.com/manufacturers-suppliers/%E7%BE%8E%E6%80%9D%E5%B7%A5%E6%88%BF%E6%9C%89%E9%99%90%E5%85%AC%E5%8F%B8/tc/1X04GIVN/

之前groupon做特價，一樣價，但賣晒
http://www.groupon.hk/deals/_shopping/-838-and-up-for-a-multi-purpose-three-tiered-stainless-steel-wok-set-from-metier-atelier--up-to--2926-value-/715897432