好味XO醬

今日去左買XO醬！

話說第一次試呢隻XO醬係老闆拿回學校給大家試的，真的驚為天人。

老闆話係佢的一個朋友自己整的，後來我聽番同事講先知係一位煮野食好叻的名媛，起初用D靚料自己整來送朋友，大獲好評，後來索勝設廠製作出售。

初初只可在網上訂購，後來放左係CC SUPER發售，而家好多地方都有得賣。

佢之所以咁好味，主要是因為佢料靚同足！
有北海道元貝(江瑤柱)、金華火腿、蝦米和蝦籽做主打，果種鮮味同口感真係好正！
全部睇得到係乜！唔似有些醬混埋都唔知變成乜。

同埋廠房係香港，安心好多！
唔講唔知，原來XO醬係香港發明的喎。

佢有大辣、中辣同原味，我唔太食得辣，所以只係食原味。

上網買有特價，買滿1000可免費送貨！但我同朋友夾埋都唔夠，又唔想專登買太多，見公司係我屋企附近，今日趁浩浩放假，車我去買。
個姐姐好好人，我打去問地址，佢就幫我執好，去到俾錢就拿得走。

佔地唔小，其實今次都買左7樽中的，下次買多三盒，或者大樽些，送貨唔使煩。

送埋食譜。

真係好好味！不妨一試！打邊邊、沾餃子、炒蘿蔔糕都係我的至愛！

有興趣不妨去佢網頁睇下。
http://www.xo-sauce.com.hk/default.asp

Melody Macaroon Lesson@ Flavors

一直覺得MACAROON好難整！

之前去教協同乜職工盟合辦度學，把鬼火！唔好提！以後都唔去教協學任何野食！次次都衰！

跟住貝媽媽介紹我呢間野，超靚呀！佢教好多公仔的MACAROON架！不過好FULL！好彩朋友仔幫我搞掂晒！

放假同朋友一齊去左上堂，整左呢D咁可愛的MELODY！


睇番上堂情況

打蛋白打到唔跌

好靚的粉紅色

其實睇極都好似怪怪地咁

入爐喇

發得好靚！有裙邊仔！

加塊臉

劃眼同鼻，好難！似唔似都靠佢！好彩阿SIR有教技巧。

花花就老師印定俾我們

朱古力饀好香

單獨睇好似怪怪的，但放埋一齊又好似番少少咁。

自己成功整到好開心！雖然係有老師睇住，應該差極有個譜，但都開心！尤其上次去第二度學老師把我們的作品焗溶晒，果下真係SAD到爆！

仲有埋盒仔方便拿走 / 送人

真係好可愛！

靚成咁！影多兩張相先食啦！嘻

如有興趣，可去佢網頁睇下同報名
http://www.flavors.com.hk/main.php

另外FACEBOOK有最新消息同好多唔同款的相
https://www.facebook.com/hkflavors

淘寶靚靚通花CAKE STAND

話說上星期講到淘左些通花杯碟咁，靚到嘩嘩聲！(可睇番呢度)

剛收貨就已經睇緊同系列的CAKE STAND。

等左兩日都未有物流STATUS，仲以為賣家未發貨，點知就已經收到豐順叫可以去門巿取貨電話了！

今早去取，超開心超期待！

真係即刻想 TEA 下！


諗左好耐要兩層定三層，後來諗諗下三層只係貴10元左右，同埋三層理論上可以拆成兩層，甚至一層，所以訂左三層喇！( 三層：89；兩層：73 )( 我格過最平係76同68，但呢間好評些，又有齊我想要的野，貴幾蚊冇所謂啦 )

拆緊一層變兩層，好簡單，甚至一層都冇問題！

兩層放滿小食，來兩杯茶，諗下都已經開心！

兩層影相仲靚！

CAKE STAND 仲可以拆掉收藏！用時才砌，我呢D小廚房冇位最啱！

同場加影朋友仔的中碟 ( 32 ) 和大碟 ( 39)！

有興趣可以去呢間看看。

http://greenporcelain.taobao.com/

呢間似乎是做開批發的，存貨量超多，同埋連同我之前係第二間買果些東西的底都有GREEN字樣，同呢間店有些似呢。

只差隻相配的茶壺。

後記：
加多張相放下毒先！
所有配件同碟收埋晒落密實袋入面，幾方便輕巧！收去邊都得啦！
切切考慮！

KM配件 ── Glass Blender

見到張相就知我又買左野！嘻！


一直想買番個KM的攪拌機，取代左原本的攪拌機，一來用盡KM的功能，二來又可讓舊野退役，吉番個位出來。
(嘻，不過一入一出，好似都冇少到！:P 唔好諗太多)

不過KM連攪拌機都有成三款！搞到人地選擇障礙又來！

玻璃，靚，可打熱野，但會打爛！我輪盡。:(

不鏽鋼，都靚，唔打爛，又耐用，但睇唔到入面情況。

膠，就唔會跌爛又睇到，但膠會損耗，冇咁健康咁，同埋熱野唔多得咁。

去SHOWROOM睇過但決定唔到，回來一直拖住左。
早前係RACHEL度上堂，見佢入左好多KM貨，於是就買左佢喇！

哈！都係靚行頭！

85折，同SHOWROOM一樣，唔算最平，但唔使等，幾廿蚊冇所謂啦。

淘寶靚靚通花杯碟

係FACEBOOK見到小仙有隻勁靚的碟，好冒昧咁問佢係邊買，唔使一陣佢俾埋條LINK我，超感謝佢無私分享！

於是又WHATSAPP我班好友，數小時內成團落埋訂！

第二日放工拉車去拿埋！超開心！
真係好靚！

以下呢幅係我自己的收獲！

好想即刻TEA下！

質素都OK！
雖然佢話有些通花蝴蝶會唔對稱，有些許黑點 / 凹陷咁，但SO FAR我收三十件貨都唔算嚴重，有少少咁啦。
就係下面相咁，唔係完美切割，但十幾 / 幾廿蚊的貨仔無得同幾百蚊的骨瓷碟相比的。
呢個價我收晒貨！

不過實物是米白，冇影相出來咁白的。

大碟，40人仔...下同
橢圓碟，35 ( 我見有賣25添，不過冇呢間貨咁齊，算 )
小碟，17

原本仲有中碟，但斷左貨。

中意佢的碟冇杯印，單用 / 放茶杯都得！

隔離放點心餅乾咁，嘻！諗下都開心！

杯，15 (花紋唔明顯，但滑溜)
匙，2.3！

我覺得真係好靚！

仲有呢個SET，110
分開賣的話，大40，小，16

同朋友第一時間都諗起可以整之前係RACHEL上堂學的四小碟冷盤

單睇都靚，我覺得影相出來拍得住AFTERNOON TEA果SET添

呢款平碟同上面小方盤都有大中小SIZE賣的。


訂完係度諗，如果有埋茶壺同CAKE STAND便PREFECT了！

點知可愛的HAPPY同YAN已經話俾人地知呢個系列有CAKE STAND，仲有三層同兩層選添！
哎呀！買就一定的了，但唔知點選！選擇障礙又來了！大家俾下意見丫！

兩層 = 大碟( 26CM ) + 中碟 ( 20CM )

三層 = 大碟( 26CM ) + 中碟 ( 20CM ) + 小碟( 15CM ) 

三層又好似靚些，但最頂果格好細，好似冇乜用咁，有少少怪，唉！好苦惱！

*************************************************
如有興趣，可黎呢處睇睇
http://zakka-house.taobao.com/


順帶一提，呢次係冇淘點後，用信用咭俾錢，支付寶好穩陣，收貨後確認先會過數，抵讚。

另用順豐速運，到付，門巿取好方便。30件，$207，貴少少都抵！

買家包裝好密實，又啪啪紙，又發泡膠同綿紙，好穩妥！

但果些膠的味道好勁！
我哮喘敏感，拆完好似中毒就死咁！但貨品冇事的。
所以如果有小朋友/敏感的朋友，奉勸小心，找人代拆，仲要拆完即掉晒所有包裝，唔好留在家！