麵包初班

因工作關係，每年呢個幾兩個月總是忙個半死！不過忙死後是全年最甜美的時候，辛苦些都抵番晒的。同埋職位同以前唔同左，所以忙極都是自己事，放工時間還好，想起以前朝七晚九的生活真的猶有餘悸！

好！言歸正轉，近來最想分享的是五月去左跟仙姐學做麵包！

以前一直自己上網睇書問人咁摸摸下，有些瞎子摸象feel，整極都好似唔清唔楚咁。
朋友仔去過工聯會學話幾好，都想，但一季招生一次，好快full左。

上年係Rachel 度報到堂仙姐單堂的麵包班，嘩！個新鮮菠蘿餡的菠蘿包，簡直係一試傾心，驚為天人，但唔係成日開班，等左起碼半年都冇開班，好人blog友仔幫我問過，係太多人等上堂，所以未輪到。
早前見到，即同朋友仔一起報，又俾我們抽到，好開心！可惜最後朋友仔唔上得住，掙扎左好耐最後都係好想學，自己單拖一個去上堂！

就咁俾我識左班包友仔，又同個blog仔相認喎，好開心！

雖然只是得短短四堂，但仙姐講得好清晰，課程又由淺入深，助教susu又細心幫忙，總之每次上完堂都覺得識多左好多野咁，最最重要係番屋企真的整到。
我們堂堂都要交功課，所以個個week都有整包，仙姐睇大家的包時，都係學野的好時機！
據說我們是交功課最齊的一班，嘻！呢個風氣好好，好像以前中學讀書咁。

因為時間唔多，來個總結便算。

LESSON 1
基本手搓包包
圓形同欖形

LESSON 2
教老麵法
都係手搓
同埋包餡

LESSON 3

十七小時中種
機搓
看似簡單但好難的白吐司
同埋小麥包

LESSON 4
十七小時中種
機搓
特色蕃茄包同埋粟米包

最後又個個都好想繼續學中班，於是乎尾二堂已經交報名表，原班報中班！

7月一起上中班呢！好期待！