BIG 羽絨被

睇中左BIG呢個牌子的羽絨被很久，但成日都冇特價，大百貨特價個價都唔係真的特價的！

我一直用開CASABLANCA的大豆被，因為好軟好舒服！
因為某些原因，買到好像買股票咁睇住個價，一平就入貨溝淡咁濟，近年才少左些。
家中其實有張CASABLANCA的羽絨被，以前又用過UJI的，但都有個最大的問題，就係甩絨！鼻敏感的我們好辛苦，但又唔想浪費左張被，解決辦法就係買張密度高些的被袋入住，但治標唔治本。

所以睇左好多，香港代理球記呢隻羽絨被以唔甩絨做賣點，更吸引。
其實早前又講緊羽絨的來源其實好慘，如非必要都係少買少換少浪費好，不過佢真的好輕好暖，好難有野取代，所以自己出心留意多些，可以避則避啦！

講番佢，同隻寶迪鑊一樣，吉之島特價，所以野特價再額外9折，呢款香港做，薄款，最大的KING SIZE為番唔過2千，係我心水價，買左，因為SIZE同用開的被袋有分別，見特價於是買埋可配被袋，好多色，又係不自覺買左紫白花花。

BIG牌子有德國製同香港製，德國當然貴些，但香港製我都好放心。
佢仲有薄款同厚款，厚款絨多些，我諗住薄機動性大些，但買左試左後，強烈建議係香港用買薄就夠！最近最凍呢幾日，屯門唔夠10度，但我都好夠暖！一入去蓋一陣就FEEL到暖，隔離人仲有時話覺得熱添！勁！

其實我係為SIZE而買呢個被袋，但估唔到出來效果又幾靚喎！

主要係我心水色，襯晒我間房！張開眼見到都開心！

仲開心的係有一日張開眼訓醒見到咁！

貓貓們都勁中意呢張被！
自己上床午睡！

好嘆！

我都想日日咁！

曬住太陽午睡

清清話冬天有乜好過咁！

我係靚貓貓素素！

曬到熱辣辣！

人生有時咁就好滿足！

最重要係和平唔打交！訓覺曬太陽重要過一切！