迷你芝士吞拿魚腸仔包

一直想再整包包，但總是提不起勁，今日終於整左！

做早餐...唔...是很晏的早...餐吧。

配番杯朱古力同MOCHA，正！


要找番上次朋友教我的食譜出來跟住做先記得....

材料：

yeast 2g
水 78g

糖 13g
鹽 2g
牛油 21g
高筋粉 130g

鹽水浸吞拿魚 1罐
沙律醬少許
腸仔  2條
碎芝士  適量

做法：
1) 用水溶yeast

2) 高筋粉、鹽、糖混合，連同yeast溶液、牛油混合，用手搓至起筋。

3) 弄至表面平滑，加少許水使粉糰濕潤，放入電飯煲，以煮飯mode5分鐘，然後關掣焗50分鐘讓其溫暖發酵脹大

4) 按粉糰底面分成6份，滾圓靜待15-20分鐘

5) 罐頭吞拿魚隔水，以沙律醬混合成吞拿魚醬 (呢個係我細個時常做來番學食的三文治餡)

     

6) 把餡放入粉糰內成包 ( 整左兩款.....因為浩浩中意食咸包...其實我買左料整紫菜肉鬆的...)

7) 待20分鐘左右

8) 放入預熱180度的焗爐內，焗15分鐘。

拿出掃蛋黃汁再焗至表面金黃色。最後掃極杰的糖水漿令表面令面。

完成。

迷你款細細個好好，幾口便KO一個。
2個人剛好一餐清晒，不過我想整多幾個好似波子頭咁可以分開食，又或者分俾多D人一起食，咁好似開心D。但唔知係咪將份量DOUBLE便可呢？看來要買本書睇下先。又或者去上下堂？

同埋個包的質地始終唔太鬆化，係咪因為手搓唔夠，我是否該添置D工具呢？ 我好似見到 KM020向我招手呢.... 不過咁要換埋大焗爐，最好換埋廚房....或者換過間屋.....唉....都係等我試埋家中個可以打粉的大打蛋器先吧....

貓大麻的效力

呢篇野應該係好早寫緊的了，但拖到宜家先得閒POST，真冇用！


話說早前blog友仔送左d貓貓玩具食物俾我，點知拿回來的第二朝已經俾兩隻醒目女發現左！

第一個黎搞搞陣的梗係素素！

見她係咁咬！呢個貓草玩具看來超吸引！


轉眼已把膠袋拆去！

咬住四圍飛！^ . ^ "

雙手抱住玩具超開心！


連大貓清清都忍唔住加入！

到底呢個乜黎的，咁好玩！

撥撥下撥左去玩緊的素素度

素素唔理清清繼續咬自己果個玩具！

哎呀！甩手添！

吓！呆左．．．好笨！

素素：「你果個都好似好好玩咁喎！」（見唔見佢霸住自己玩緊果個並意圖搞人地果個！）

「ＦＵ！唔發惡當我病貓！」（素素夾着尾巴逃走）

ｆｕ完人的清清似乎仲回味緊隻手仔的貓草味，好舒服咁躺下舔舔！素素又學人一齊躺！（佢成日學清清！）

不過轉頭果隻停不下的大魔怪素素又起身拿另一個玩具玩！

貓草果然厲害，難怪有貓大麻之稱！

佢兩隻野真係好似吸左毒咁

清清就好ENJOY！

素素就ＨＩＧＨ到停唔到咁係咁玩！

謝謝收看！
謝謝仙界姐姐的玩具！大長見識！( 我從未買過貓草玩具佢地玩．．．失禮晒！)
而神仙我也發現自己真的記憶力退化，好多野都記唔住添！

LC聚會 + 豬肉乾

上星期相約左幾個好友們來個LC之夜，不過主要只係取LC，順便來過打邊邊，唔夠時間順道來個烹飪聚會，好可惜！

但呢個4人組合很有趣，相信遲些會有機會！


朋友仔順道教我整左個豬肉乾！好正！

材料：
免治豬肉  500g ( 半肥瘦，可以水展+梅頭 )
魚露  2.5-3 茶匙
生抽  2.5 湯匙 ( 但我覺得可再減些 )
蜜糖  2 湯匙
砂糖  60g
黑椒  隨意

做法：

1) 所有調味加入豬肉內，戴手套以手順時針搞至起膠


2) 肉分成2份，1份先放在錫紙中間，上蓋保鮮紙

3) 上面以平盤/滾棒，壓成扁平狀

4) 移去保鮮紙，入已預熱150度的焗爐，焗15分鐘

5) 反轉再焗8分鐘

6) 成形！如是者再整埋另一半豬肉。

7) 剪成小片即可吃！

真係好似街買回來果d咁，不過呢個食譜個人覺得稍咸，要減多些生抽添，但好入味！又簡單！正！

配番杯朱古力，超正！哈哈！

放入密實盒放入雪櫃，可放數天，但因沒有防腐劑，建議別放太久！

秋日鐵板燒@ Le Creuset 33CM GRILL PAN 開用

今年開倉買左第二個有坑紋的GRILL PAN，第一隻係有柄用來牛扒雞翼 ( 可看番呢處 )....呢隻....嘻....除左係因為CASSIS外，仲有就係想咁用！

鐵板燒！

上星期天氣涼番，即刻玩！

籌備已久....終於買到心水！有得玩！


生蠔、大蝦、露荀、菇菇蔬菜類

買到同埋上次同雪怡係sogo試過勁好味的沖繩黑豚肉

同埋各式牛肉，牛肉粒、肥肉同埋牛舌

當然仲有調味料、醬汁，個LC油樽仔大派用場！

呵呵！超開心！

不過其實玩多，好似出去食韓燒咁，熱氣油膩，其實食唔到好多，開心過便好！

今晚仲俾我發現左清清同素素訓到咁樣！

係咪代表熟到開始可以一齊貼住訓呢？唔知今個冬天有冇望兩姊妹可以和平共處到擁埋一起訓呢？