客廳

搞左好耐，個客廳終於似番D心目中的樣了。

順便update埋張平面圖先！

***********************************************************

之前係吉之島訂果個地櫃，話3個星期得，係2個半星期時去問佢送貨時間，佢先約我地，但都如期收貨，品質好好(唉，係個書櫃收左3次先冇問題之後，有陰影，心得係乜都跟緊D好。)。

浩浩梗係好快咁SET好晒佢的音響野啦。

( 呢個遊戲玩唔完的，上次同事大眼同阿平來，幫手SET好左喇叭的釘；聖誕節又點我幫佢係美國訂左幾條HDMI線速遞回來；昨天又去買左釘墊、加左條乜冷凍頭的電源線等等.....當然咁又冇左幾千蚊了 )

個個都做得幾咁開心，傻的。

由原本共4元的5毫變左150倍的釘墊。

之前爸爸幫我係宜家買回來的窗紗車好左，今日約左佢又來幫我地整野。

( 佢真係萬能的，車衫煮飯鑽牆水電傢俬乜都得，我爸爸好叻！嘻！ )

仲諗住整多個層板係電視上面，可以放下飾物、cd或相架咁，又可以防止萬一冷氣滴水/倒汗水時下面的電視音響冇咁大件事.....但未買喎，整開梗係一次過的啦，於是晨早....其實都11點幾....訓到自然醒都快11點....放假嘛，呵.....出左沙田宜家....仲係果度食埋野添。

買左2個鋼琴面的白色層板 ( $249@ ) 連銀色鋼邊框 ( $140@對 ) ，仲買左張米色薄毯來墊梳化，免深色牛仔色褲把白色皮染色 ( $179 )。

爸爸同浩浩用左一個下午的時間，左度右計、鑽牆鑽孔、攀上爬下、搬移推拉等等，玩左很久，終於把個電視上左牆、兩格層板整好左！

睇下兩位幾認真，唔知以為佢地打緊仗，仲有水平尺、電批、電鑽工具幾箱！

但媽媽睇完話佢地似牙醫同助手，幫人洗牙咁，聽番D聲同浩浩的吸咀，嘻，忍唔住笑左出來，真係幾似！

我覺得好靚，又好襯喎。

最重要係加埋我買果塊franc franc青綠色地毯，呵呵！靚到唔想起身！連阿清都好中意！

仲有一邊窗紗的，但掛左星星遲些先換番，或者掛係旁邊。

地毯長左少少要墊少少入梳化，但未整便趕住影相了，呵！

真係好開心，得閒來坐下！