人生30呵呵呵

話說幾星期前已諗住生日去露營，又咁橋天公做美，呢兩日天氣回暖，今日仲有陽光添，露營應該可看到星星！

但有人話今日要去大食會，拒絕左我，跟住昨天仲話要番工唔可以接我放工了！

仲同我講明天打算去踢波，好！你咪踢飽佢，我唔會阻你的。

但我做乜你理我唔到！

我決定點都要去郊外走走！

暫時地點係大埔，晚上再去食飯！

********************
今日放工回來，決定去整頭髮，女仔頭髮通常都係直完便曲，曲完便直，長左便短　短完便長咁，我呢D永世都長的人，曲完自然係直，新意不大，但曲左咁耐，都唔中意GEL野，等於冇曲，一段時間過後，髮尾似堆草，聖誕節前已想整，但忙呢忙那，幾個婚禮下來都冇整便冇整，但快生日又得閒，俾個藉口自己去整個新LOOK過人生呢個關口。

其實自從那天諗通左好多野之後，我諗呢個30大關已經唔係我好CARE的問題，但點都叫做成長至一個新階段，也是時候俾自己好好咁過吧。

坐左4粒鐘，變番個自己中意的LOOK，買唔成衫褲鞋等，去買左幾樣看似美味的零食回家，順便浸個花香泡泡浴，聽住音樂，敷過MASK咁，成個人好RELAX！

呢刻我好快樂！

回顧過去現在，感謝天父俾我有能力工作，能照顧自己和別人，有愛我的家人和朋友，身邊有好多幸福。當然，痛心的事也有不少，但我知我不孤獨，天父永和我一起，祂也安排了很多了小天使在我身邊。

未來我看不清，不似過去般有清晰的計劃，反正明白人生不會樣樣也似預期，但我會盡力去做，好好享受生命，不枉此生。

他日當我回到天父身邊時，我會跟所有我愛的、愛我的人再一起，我能勇敢的面對過去，回望呢一個checkpoint時不會再幼稚得叫自己見笑。