神仙家: 8月 2010

2010年8月31日星期二

iphone4 ── 終於收到TNT送貨了

部IPHONE 31/7 賣左，即晚1/8零晨再係APPLE STORE訂番，話27送貨。

討論區的朋友日日幫手CHECK住個STATUS，21號我都改左做準備SHIPPING。

點知26號突然送左黎，早左自然冇人係屋企收啦，留低字條話2日後可去觀塘取，也好，唔使等。

28/8/2010

去左觀塘取，點知未有，嘈都冇用，激死，好彩順便拜山，冇咁運吉。
話會星期一二再送。

31/8/2010
放工7點突然送貨來，毫無先兆，好彩係屋企，都好。

有就開心！

其實仲有得賺千幾蚊的，但我地都唔想再賺了，寧願自己用。

終於回到我懷中！呵！

兩部IPHONE！
情侶電話，幾SWEET！

2010年8月29日星期日

電子書閱讀器──ERead

我上司miss lam勁力推薦我買電子書，因為佢買左覺得超好用。

佢用漢王，書展價2千幾，但冇得上網。另外佢都有諗 ipad，好靚，有得上網但6千幾，同埋要上網費。

睇睇下都有d心思思，只係ipad太大，同iphone又有些function 重疊左，唔值。

上網研究左一輪，無意中俾我發現左有個software──ERead！超正！

佢可以睇好多格式的電子書，最重要係佢有超多小說同漫畫的電子版免費download，同埋又可以過落PSP、IPHONE等度睇，真係好好好喎。

我試過幾本好中意的小說都有喎，類型仲好闊，上至聖經；金庸、衛斯理、亦舒、席絹、黃易、何馬、南派三叔等小說；亂馬、柯南、金田一、叮噹、足球小將等漫畫都有， ( 其實仲有好多新書，但我唔識！ ) 諗諗下，將藏書電子化都好丫，做緊特價，一年300元，送兩年，咁即$300/3年，唔錯，買兩套書都要呢個價啦，俾左！

仲要係繁體字，唔俾錢就咁係電腦睇都得。

愛搜書網──中文電子書搜索引擎

2010年8月22日星期日

袁彌明生活百貨

上年係youtube見好hit，有心思思想試，但最後都冇買到。

今日無意中又睇到，比上年多左好多產品，有幾樣類近的用品都用晒，又想去買黎試下添！

唔知有冇人用過呢？feedback下丫。

http://mimingmart.elle.com.hk/

http://blog.elle.com.hk/?uid-88161

2010年8月17日星期二

攪拌機

N年前係美食節買左呢set迷你攪拌機，其實幾好用，打果汁、整芝士蛋糕餅底碎等，但好細，好多時要分幾次打。

於是早前把心一橫，賣鬼左佢買個新的！

睇左一輪，心水有2個。

$588

$328

最大分別係有冇榨汁功能，但後來仔細研究左一輪，個豆漿隔都有類近功能，同埋清洗容易D，最後決定左買佢！

特價 $298咋，即係補$100左右買個大D新D的，好開心！
又平D，FUNCTION又好，越睇越中意！

有呢D配件：

冇乜大分別，應該會用來磨餅碎多。

呢個刀頭可拆出來洗，又可攪肉同碎冰添！

唔使買豆漿機！又可榨到下果汁！

真係變左好細架！

好似賣廣告咁！

開齋打左壺西瓜汁！好清甜！
要多D用，健康D先得！
呵呵！

2010年8月14日星期六

康寧餐具+煲

暑假多左煮早餐，但發現屋企沒有靚靚的湯碗放湯粉麵，睇中左康寧隻1L櫻花碗，格左幾日價，最平9折，點知昨日係美食節有6折！即買，仲買多兩隻飯碗同2隻方碟。(貪佢方形特別D)

好中意呢！

話說佢有好多好處，3層夾層玻璃結構，又輕又耐用云云。

有好多不同SIZE for不同用途

其實話說會買佢除左靚之外，最重要係因為佢應該耐用！

本來一直心思思是買套骨瓷的，好似好矜貴咁。
但最近我一反慣常，洗野時打破了幾隻碗碟，以往我很少打爛野的，所以都唔敢亂黎，耐用為要。

浩浩由搬出來自己住時，由佢家帶左一批餐具出來，( 呵！好似走佬咁，同埋好似好多年前了，差不多9年了。)，而呢批餐具好多都仲用緊。

而我們用得最多的煲，係呢款！康寧晶彩透明煲！

一共有2隻，一大一小，據說仲有隻最大的，但俾左人云云，總之我未見過。

呢種煲最好係睇到入面，學校最中意拿來俾小朋友整爆谷等小食嘗試。
我就覺得佢睇火易、唔使打開都知熟未；又易清洗、基本上再污糟都一擦便去掉；最重要係乜都得，煎、炒、煮、炸、煲樣樣掂。
不過家中呢兩隻都係細，一隻1L，一隻2L，同埋有孔，冇咁易滾瀉，但也不存氣，所以冇用來煲湯同炆野。

所以都心思思想買隻大的來滾湯

仲有烤盤添，嘻！

http://www.worldkitchenasia.com/hk/3931838913/tabid/920/language/en-GB/Default.aspx

酒席新合約

好討厭！因為約左彩福冇得去澳門玩！

索勝一早去飲早茶，然後去美食節。

訂左位，但都幾多人。

好似黎左好多次咁，唉！

其實上次已經傾左大半，EMAIL覆埋佢日期同暫定菜單等，只係簽番份野，同傾少少細節咁。

傾開的鄭小姐未番，黎左個唔知乜小姐黎，乜都話要問下先，於是話食住等鄭小姐番來先講。

估唔到又幾好味喎，椰皇燉燕窩，好好味！

仲有蝦多士！

鄭小姐番來，原來佢都住屯門，早知係屯門傾喎，講笑咩！

酒席貴左，酒水加左，仲要加一，席數都加左，又有最低消費保證，其實都冇咩得點傾，只係得個知囉！

送的野送番，最後佢將冇送的野送番少少俾我地，叫做順番少少啦！

佢仲同我地講左少少細節野，又幾細心！

只係心情有些奇怪，要知道我都唔肯定我們會唔會用得着，所以奇奇怪怪咁囉。

2010年8月7日星期六

車車美容

話說浩浩都係愛車之人黎的
即係每星期都會洗車，每個月都會打蠟！係我看來係不可思異！

以前係良景洗車最方便，買條喉、壓力槍、水龍頭掣，便有位插來洗。

但搬來呢度，停車場只可拿水桶盛水，冇得用水喉沖，感覺冇咁乾淨。

浩浩偶然係雜誌見到佢，又係大眼宿舍見有人用，好似都ok，於是我我地都買左佢

又ok喎，好慳水，但都沖到，睇下。水桶仲可以摺埋。

另外，呢架dream car回來，又諗住找人打番個靚蠟，同埋用番個乜蒸氣蒸內籠咁。

去左屯門工廠區的大車房格價，又去置樂車街睇，最後都係番巿中心停車場的大舖CARS。

試左一次，又真係幾靚幾乾淨，JOIN埋佢個PLAN，FREE左呢次咁。

以後洗車都有優惠添。

換埋冷氣隔，睇下！真係乾淨晒！

買埋香精，香晒！

2010年8月5日星期四

浩浩的DREAM CAR

4/7/2010

昨天收車，浩浩去做埋個新車牌，用住先。

今日我去搜購左D用品用住先，嘻，好似搬新屋咁！

專登拿相機出去接浩浩收工，去幫架新車影相！

SHOW TIME！

呵呵！

**********************************************************************
3/8/2010

好忙的一天！

0900 長沙灣賣左架車 ( 30/7日已經去左土瓜灣上架驗車，今日辦手續交收而已 )

上架原來真係吊起佢驗！

買家好細個，都係伙記

最後合照！

1030 九龍塘join買家去上水，沿途好似郊遊咁
1100上水車房驗新車，大眼的老友，大眼都黎埋

呢間車房簡直係工場咁濟

下面有條坑，唔使吊起都驗到

1130 離開上水，入油，哈，梗係，咁遠，個賣家原來係玩車之人，親手由日本訂車、去貨櫃碼頭接車、申請出牌，仲係車做左好多小手腳改良，勁！呢個科大教授真係潮！

1200 番出長沙灣交收，出新車牌
1230完成，yeah！恭喜新車主！

*********************************************************************
29/7/2010

退而求其次，白色同黃色都約唔到睇車，約左架黑色睇，問埋原廠噴油的價錢添。

晚上同埋阿沖去睇車。

一落車，咦！比想像中好好多喎！
同埋都幾新淨，08年0首車，而且咪數又少，外表都好新淨添！
仲係貼紙見到車主係科大同事，斯斯文文唔似飛車人，仲換左避震同音響。

試坐左幾轉，都好中意，就咁扑鎚！

見佢咁新淨，仲諗住駕兩三年先拿去噴色，咁咪一舉兩得囉，yeah！

*********************************************************************
27/7/2010
話說買左架車剛好一年。

有人想換車，換佢架dream car，但架車好少二手放，本來有兩個，好難先打到電話聯絡，約左成個月先約到睇車，點知最後都係放飛機唔賣，連睇都冇得睇，另一個則電話都唔聽，哈！

搞到有人極度低潮中，每10分鐘打一打個唔通的電話，打俾我都從未試過咁努力，好擔心佢有抑鬱！

不如睇下車吧！