好像很久沒有親自煮成餐飯，今日放工突然好想煮，於是係樓下惠康睇下有乜煮，最重要唔想係平時浩浩煮那些A、B、C餐菜式。
結果買左呢D。
超快速地切節瓜、豬展，滾左個咸蛋節瓜豬展湯。
同時間，上面用新買的蒸架，蒸左個水蛋，今次我用量杯度好水和蛋的比例，1：1，蒸出來唔會太水 / 太實，好正，不過我覺得可以再多少少水，下次試下用1：1.5。
最好係唔使專登開火蒸，滾湯時整熟埋，理論上可蒸第二D餸的，但一下子諗唔起可以蒸乜，下次再試第二個蒸餸先。
跟手，將牛肩扒切粒，用黑椒同生抽、老抽、鹽、糖醃埋，開熱鑊略炒便OK。
最耐反而係個電飯煲煲白飯！
可見我呢個小廚神幾快手！呵呵！(自我陶醉中....希望沒有人因此胃口不好吧...)
兩餸一湯加白飯，30分鐘內食得，YEAH！
湯餷都食得，咸蛋好好味。
小廚神 蒸餸.....好good
回覆刪除[版主回覆11/05/2010 07:01:00]:) THX 你都買番個啦，真係幾好用。不鏽鋼，傳熱快，d孔都多，只要隻碟唔大過佢可用碟蒸，蒸包點等便可直接放架上蒸。
好快手啊 我上個禮拜都幫兩個朋友買咗LC不銹鋼蒸籠，都幾貴下但d鋼水真係幾足，好墜手 ，可惜冇24cm 賣喇。 買返個LC 18cm 煮飯，好快又好味d ，我已經冇用電飯煲好耐啦
回覆刪除[版主回覆11/05/2010 12:29:00]嘩，你直情用lc煲代替電飯煲！好叻呀！
我諗我仲要多d時間掌握下個技巧先得，只係試過整一次煲仔飯咋。
嘻，你都幫人入左咁多貨了，少少貴啦，但對比個煲差好遠，不過好似你咁講，鋼水足，應該耐用，也沒有變色的問題。
我只有20&25cm, 你有花花碟???放得下
回覆刪除[版主回覆11/05/2010 12:26:00]20cm都有蒸架的 ，考慮下啦。
花花碟直徑幾多呢？我冇....唔捨得買 / 未買...度唔到。