今年行過二記買野，見佢PACK好晒D套裝，忽然心癮起，買左一包回來，諗住同浩浩一齊整，應下節開心下先！
仲有免煮冰皮添，唔知有咩分別，但真係超方便！套裝得紅豆蓉，我另外買左盒綠豆蓉，我覺得冰皮拼綠豆蓉係最MATCH的，不過冇整咸蛋，健康些。(其實係懶！)
仲買左兩個模，一個50g、一個63g，orange那兒多d花款選！
好易做！
1) 冰皮粉加水打成粉糰。
2) 分次加入菜油，搓至軟綿。由浩浩負責，嘻！
3) 把粉糰及餡按份量分成一份份，呢d精細野梗係我負責。
見唔見我個新電子磅！好好用！
4) 把皮包餡，滾圓，入模，壓下，完成。(中間可用手粉免黏)
5) 掃去多餘手粉，放入冰箱雪凍，可吃！
嘻！好好玩！好開心！
中秋食自己整的月餅，好期待呢！
細細個越睇越靚！
好精緻咁！(賣花讚花香！)
剛好整左16個，但應該唔多夠派囉！
結果只係俾左爸爸媽媽弟弟同妹妹，其餘留番自己。
但我恐防等唔到中秋已經食鬼晒！
希望中秋節快些來啦！我有一籃子慶祝活動想做呢！
兩個都鍾意整野食，多一種情趣呢！
回覆刪除[版主回覆08/30/2011 13:40:00]其實係我中意多D，佢成日叫我唔好搞咁多野，好激氣！
浩浩肯同你一起做, 真SWEET, 你2個很似樣..HAHA
回覆刪除[版主回覆08/30/2011 14:05:00]好多人咁講，我覺得因為我地都係細眼人...哈.
好靚呀，本來我都想整，但鄭Sir 唔多食月餅，放棄ed!
回覆刪除[版主回覆08/30/2011 14:06:00]整第二樣吧，你地的出品我成日都嘆為觀止呢！
整得好靚
回覆刪除[版主回覆08/30/2011 14:11:00]謝謝！ 其實係個模靚姐，冇乜技巧可言！
WA，好靚呀！真係羨慕死人喇！成日煮咁多美食，相對我咩都唔煮，真係有少少唔好意思，哈哈！唔知有無機會試你手勢呢？！我仲想食你D鳳梨酥TIM ！
回覆刪除[版主回覆08/30/2011 20:03:00]難得貴客肯大架光臨兼留言，梗係乜都得啦！嘻！今個星期週末我就整鳳梨酥，下次見面就俾你試下啦！哈！不過唔好太大期望。( 你要唔要咸蛋黃餡？即鳳梨酥定鳳凰酥？)
兩個人一齊整好開心
回覆刪除[版主回覆08/31/2011 09:37:00]係呀！過程開心過成果呢！
我都喺街學過一次月餅, 自己整都幾好玩, 但有啲餡麻麻地好味既...綠豆配冰皮最match
回覆刪除[版主回覆09/02/2011 16:54:00]綠豆配冰皮最match<--係呀！我都咁覺得。 不過我呢次整覺得綠豆蓉甜左少少，可能加埋黃會好少少。
靚呀！我今年想整廣式！
回覆刪除[版主回覆09/04/2011 18:36:00]好呀，期待ing 呢！下年跟你整！:)