包包之白麵包

早前買左仙姐的麵包書，第一次跟住做包。
17小時中種，第一次試，就由第一個食譜開始。
白麵包！

但原來很難的！看！勉勉強強都叫發得起的，只係唔多！唔知係咪因為d yeast唔夠新鮮呢？( 開左用左兩次，但沒有放雪櫃。今日看書先知開左應該要放入雪櫃！)

未能有KM前，順便拿個可打粉的座枱打蛋器試下先。

所有材料除牛油放入

打成一舊舊後黏唔埋一齊

用手係咁宜搓左幾下

但明顯唔滑( 要唔要搓滑佢的呢？)

放入雪櫃17小時發酵成中種，真係發大左好多！不過有少許硬皮！(？)

少媽之前介紹的10蚊店切刀，真係好好用！

中種分成小塊

另一些粉打再打！

份量太少，搞唔到，於是都係要用手！但實在濕得好核突，仲以為份量錯添，對左幾次都應該冇錯，所以繼續，但假手於手套！

戴住手套都覺好核突

慢慢加入中種搞拌

好快搓成滑滑樣。

加牛油，切刀切牛油超正！

咁係咪都叫有筋膜？但似乎唔夠

發酵

排氣

鬆弛

排氣，擀成長方形

捲起

入模，明顯唔夠！( 我諗差成倍咁濟！)

再發酵，關蓋入爐

180度，35分鐘後......

雖然好細個，唔多發得起，但好開心！

切開入面好似小朋友包！都有孔，但唔平均，

切切下竟然有未熟！

番入模再焗多陣！金黃色靚好多！但出模時俾我按到扁晒！

人地麵包要吹一天先會軟，呢D係咪都係的呢？
我冇，吹左2個鐘便算。

入多士爐烤熱

嘻！伴牛油煉奶
愛心奶油多！

加埋愛心早餐同奇異金果汁！哈！不過搞完晒，變左午餐！:P

另外部打粉機都叫用到，幫到手，當做助手都可以，但唔好預佢做得晒全部。

3個速度開到盡，每次唔過10分鐘，用完晒都有少少熱，但唔算辣手，放涼先收起，我諗應該唔會壞。
但去到尾，D粉變晒粉糰時，搞得有點辛苦樣，我諗粉糰太重了吧。

個包包的質感好煙韌，好味道。