信主

到現在心情還未平復過來，覺得呢件事係真的！

昨天教會一年一度的大佈道會，如同以往一樣邀請身邊的家人好友，不過咁多年我已經習慣左，你邀請還邀請，有興趣還有興趣，到最後真的會來的沒幾多個，或者來者已是信了的，純粹來參與下教會活動，聽聽嘉賓見證。

失望太多，但心仍是希望有天未信者會信，信左的信得更堅固。

昨天浩浩肯同我一起去，呢個已經要天時地利人和的配合，開心得我預早幾星期已經要按捺興奮，淡淡的和他拒絕其他約會；也做為自己好心理準備，如果佢真的臨時甩底，也不要太失望，不竟不是沒試過；也暗暗為這祈禱。

而媽媽下午突然又話同我一起去，心裏也不知是否好事，但既然出開去，當然一起赴宴咁出發。

3天的佈道會，第一天是最入屋的王祖藍，據FB教會朋友講，7:30開始，5:30有人在門口排隊了！仲要坐滿左幾層的禮堂和轉播室！

昨天是蘇錦樑局長，今晚是沈祖堯校長，我們都預早左到，可以坐到地下大禮堂，仲可以睇番之前王祖藍的見證，真好！

唱詩係我好欣賞的弟兄領詩，加埋城浸詩班，我覺得真的坐在裏面，真的是個享受。
現代人節目太精彩太豐富，很難靜下來思考同感受，在教會倒真的讓我可以平靜下來和受教。

見證後，是羅牧師講道，好清晰又用好多具體例子，講出基督教最重要的理念和信息，最後呼召，大家低頭祈禱，浩浩竟然話我知佢有跟著牧師祈禱，即係.......佢左決志！

嘩！勁震撼！係我未消化得晒前，媽媽叫我陪佢出去，我忍唔到喊到傻左！

感謝主！
天父真的有聽我禱告！
本來唔知要等到幾時的事竟然真的出現左！

感謝主！
我諗呢些咁奇蹟的事除左天父之外，應該冇人會做到！
雖然我明呢個只是開始，未來要走的路仲有好長，但不竟叫開始左。
我知，我一直知主是要叫我因著呢件事更清楚自己要什麼，也要我學會信靠祂，也讓我見證著他的作為！
祂除了要尋著浩浩，也是叫我因此成長。
除左感謝，仲有好多好多興奮和感想，都唔知點講同講乜，其實到現在我仲好亂，所以唔好怪我講到亂晒！

但浩浩看來還未適應，叫我唔好周圍同人講，我也要提自己唔好俾太大壓力佢，同事提醒我小羊是要慢慢栽培的，努力！


其實牧師講左好多提醒添，有機會再同大家講。
我仲有好多篇BLOG想寫，希望寫得幾多得幾多。