湯渣變肉鬆 by 麵包機

為人喜歡試新野，但日日做包其實會厭，所以來左個新意玩下！

上網見人地話用煲湯肉可以用麵包機整成肉鬆，即刻save低，有空便試。

呢日煲左青紅蘿蔔無花果煲鵪鶉，d豬展唔想浪費，就拿左來試！(其實普通瘦肉都得！)

將肉用手撕碎，放雪櫃一晚抽乾水( 所以不用保鮮紙包住 )

然後按肉的份量，在麵包機加入調味
肉：糖：生抽 = 100：10：5
( 可再略加蠔油 )

加埋肉之後，選29麻糬mode

最後10分鐘，有音樂，可開蓋由佢繼續炒 ( 不過因為我不在家，過左都冇開蓋，都ok，只係冇咁乾身咁囉！)

質感真的同街果些似架，味都ok，不過略淡。(但勝在真係無添加，同埋證明街外野好重味！)

拿來伴粥、夾麵包，好好味！