很久沒整蛋糕了,尤其整左麵包之後。
一直聽人說戚風蛋糕很鬆軟好味,但又好難整,家中又冇模,所以一直拖著。
早前多得JULIA介紹的KAI模,SOGO THANKFUL WEEK時同學們係我血拼時幫我買左,唔該晒!
放工係心甜買埋脫模工具,穩陣起建,買多本書,上星期就開工!
雖然脫模搞到個面唔夠靚,過程又甩甩漏漏,但總比我想像中成功了!:P
書話戚風賣點係原始的味道,所以全部材料天然,冇發脹用的化學野,靠蛋白黏著模升起,所以更鬆軟。
材料唔多,但工具都多,仲有些冇影係呢度添。
一直聽人說戚風蛋糕很鬆軟好味,但又好難整,家中又冇模,所以一直拖著。
早前多得JULIA介紹的KAI模,SOGO THANKFUL WEEK時同學們係我血拼時幫我買左,唔該晒!
放工係心甜買埋脫模工具,穩陣起建,買多本書,上星期就開工!
雖然脫模搞到個面唔夠靚,過程又甩甩漏漏,但總比我想像中成功了!:P
書話戚風賣點係原始的味道,所以全部材料天然,冇發脹用的化學野,靠蛋白黏著模升起,所以更鬆軟。
材料唔多,但工具都多,仲有些冇影係呢度添。
本書個食譜係20cm / 17cm 用的,但我的模係18cm,所以選左用21cm的份量,多左剛好做多個10cm mini。
呢個20cm的食譜好多蛋,7隻!!
鮮奶要坐暖
低筋粉要過篩兩次,入空氣
糖又要篩
蛋白同蛋黃分開
蛋黃加菜油打散混合
加奶
加粉
變無粉粒蛋黃糊
然後打蛋白,一定要冇油冇水!
中途分兩次加糖,高速攪拌至起泡
變成硬性泡沫,但要小心別過火
蛋黃糊和蛋白霜
分3次輕力拌合
至沒有硬塊
從高處倒入模中
抹平表面,放入已預熱焗爐180度焗30分鐘,不過講咁講,要自己較時間!
估唔到我個爐仔都可入到2個模,GD FIT!
出爐裂開,又金黃色!好開心!
但最後都未得,一倒扣便掉了一舊!入面未熟透!
較多7-10分鐘再出
倒扣個樣最搞笑!
然後用專用刀甩模,膠同金屬其實差不多。
大的整得冇咁靚添,細的好可愛
拿左個細的做下午茶甜品!正!
內裏都軟熟,不過未完全平均。
素素訓得幾享受?!
但我覺得蛋太多,下次再整!
好成功好靚呀! 點解第一次未熟時, 可以再放入模焗過? 定重新整一次呀?
回覆刪除素素個樣好可愛呀!
[版主回覆12/16/2012 14:22:50]我準備倒扣時已掉了一塊出來,所以沒有完全倒出,立刻放番入去再焗耐些。
戚風真係較健康,食多件都唔怕
回覆刪除糖我好少篩,你睇書教?
[版主回覆12/16/2012 14:21:13]係呀,佢話會增加佢膨漲效果喎。
但我個食譜用好多蛋,7隻!下次我想跟你個食譜,我見3隻,少好多!健康些。
竟然妳未整過戚風?
回覆刪除我覺得好難整呢
[版主回覆12/17/2012 14:00:24]我都覺得好難,所以一直唔敢試,但原來又唔係好難,點都會係蛋糕,只係鬆軟情度而己。
好叻呀~~~ 而且脫Mould脫得好靚!!
回覆刪除[版主回覆12/21/2012 11:09:07]整啦!好味!
[沙朗回覆12/18/2012 11:01:10]其實你已經做得好好!! 好靚~~~
攪到我又心思思, 想整個返chiffon食下添......
[版主回覆12/17/2012 14:12:10]其實都係一般咋,其實個面都有少少甩皮甩骨。
個蛋糕組織好細密,very good呀。講起我都好耐冇戚風呢,手痕痕
回覆刪除[版主回覆12/20/2012 22:11:01]手痕就出手啦!咁先止到架!
個迷你版真係好得意! tea time 份量剛剛好!
回覆刪除[版主回覆12/20/2012 22:39:07]多謝同學介紹,如果有小朋友仲好!放學下午茶!