神仙家

2013年6月2日星期日

SCONE 1 WITH 淘寶竹製麵包玻璃罩

神仙我要重申，我唔係淨敗家唔煮飯架！
不過太多取捨下，只來得及POST買物，未能將食物都一一POST而已，我以後盡量平衡一下吧！

會用會煮，才能買更多！哈哈！
唔好咁講，其實買得開心，可以用得著，令到煮時都開心，睇見開心，食落又好味，咁就最開心！
呢些靚廚具是死物，人才是生最重要，煮到令身邊人同自己開心，才是最重要！

呢個係GOOD MORNING！
浩浩好乖咁一早去跑步做運動，跟住番教會再番工！
我覺得超感恩！天父有聽禱告！
於是匆匆忙忙諗住整個靚早餐等佢跑完步回來吃。

太匆忙，本來想試FEON勁正的SCONE食譜，材料又唔齊，下次先，先來SAVE左好耐但未整的T&P簡易版(可參考呢度)。

順便SHOW下最近買的竹製麵包托連玻璃蓋

都OK靚，不過玻璃薄，竹普通，但咁的價錢OK啦

同之前淘的蛋糕架可SHARE個蓋用

好FIT！

白色TRIVET

4月太忙也太懶，MISS左好多野冇記底，好多野都變得唔完整！希望追得番！

呢一個一定要記！
記唔記得我曾經大大聲周圍問我想要白色煲墊？
我要多謝KATHY！開名都要架喇！真的愛死佢！
真的好靚！點睇都勁靚！

同我的之前的至愛放埋一齊合照！其實都各有各靚，米色有氣質，白色好PURE！

找番一張剛買LC時的相，係美國官網當時的宣傳照！
果時已經有白煲墊，但唔知係純白，以為同米色一樣，果時資訊又冇咁叻，就將錯就錯了。

其實白色仲有好多靚野，香港都仲未見有出現過！

呢個世界好奇妙，大家有相同的喜好的人互相幫助，感覺真的好WARM呢！

LC 紫色JAM JAR

呢個係麵包班好同學幫我換的，仲幫我去攞埋俾我！多謝晒！
IMG_0738_1

佢原身設計係放JAM的，同系列仲有好多色，放蜜糖、蒜蓉、BBQ醬咁，好攪鬼，開倉都見幾個，但冇呢個我勁中意的紫色，又唔存氣，唔知用來做乜，所以也不好開多一個頭。

但宜家好抵呀！限量，HK150咋！又靚色，要左先！

要左自然安排到有佢用武之地！
放係廚房，剛好放薑、放蒜、放乾蔥！FIT到漏！又靚！睇住已經開心！

順手講埋左手邊的白色大口盅。
開倉只係見過紅同橙，原設計係放鹽的，好像大廚咁用手拿灑落去，但唔慣，仲要鹽坦開冇蓋唔中意！冇買！
但用來放薑超好，中意白色但香港冇得賣，外國買又貴，朋友介紹去呢度買，人地話質素好好，膽粗粗又買來試。
仲買左呢些！

呢對白花花好靚！

仲有呢隻碗，右面是開倉買！左面是呢次買的，色細看有些少不同，但平時買LC唔同批次都有呢個分別。

底面仲靚過開倉貨

不過呢次純試驗性質，又唔算平，除非是買不到的貨，否則都唔太吸引！

餐巾扣

一直冇用餐巾的習慣，但宜家開始可以考慮了！

因為...
朋友幫我帶來這個，仲係一對我最中意的白色添！

未有餐巾前，拿來之前買左唔知做乜好的大手巾頂住當先！
都好靚喎！

哈哈！期待佢出場！
我見維媽成桌都係大小LC果種震撼場面，真的好勁！

粉藍粉紅花花碟

有睇開我BLOG都知我對LC的碗碟麻麻地，因為好重，叫浩浩拿住食飯唔俾人鬧至奇！
但花花靚，好多朋友都中意，最近SOGO同開倉經我手都幫朋友買過不少，但自己一直冇心動！
可是最近竟然發花癲，撞鬼咁想要番轉頭！

事緣就係「3小花」(朋友的丈夫們改的稱呼)！
呢兩位小花成日WHATSAPP佢地的靚相俾人睇，一時碟花花頭飯，一時放炒菜，成枱食物好似突然靚左好多咁！我呢個據說開頭放毒的假VIP，已經有些心動，反被毒番。

早幾日去探靚BB，係小花一號家中食飯，佢竟然拿出呢對碟俾人用，一人一隻係手食野又好方便咁喎，即使只係外賣都好似特別好食方便！浩浩都話咁細隻OK丫，攞埋PREMITMENT，仲唔毒發就奇喇！

可是蘇州過後要搭艇係有難度的。
不過都唔知天意定時間關係，一切都來得好順利！
粉紅大花碟，小花一號去左台灣一轉，咁橋果日番貨，之前一日有人去睇都未有，之後一日又已賣晒，果SET大小花PACKAGE抵到爆，佢又想要小花，大花就自然係我了！
粉藍大花碟，又咁橋小花二號的榜樣老公竟然意外買多左！正好讓俾我！

小粉紅花，小花二號有大粉紅花，佢中意PALE ROSE，所以台灣PACKAGE多出的POWDER PINK小花就多左，讓俾我。

咁奇妙後，只餘小藍花！

多位好友已經話我知YAHOO BID有，都唔係貴開倉好多，因為冇其他途徑的了，於是就咁買左。
MISSION COMPLETED！

小花花們，很漂亮！

大花小花加5小花 = 眼花花！ (rolling on the floor)

果真發花癲！

朋友台灣買LC送的食譜咭！好靚！

香港都有，但送得冇咁捨得囉，其實送食譜都係PROMOTE姐！個個月送人地個個月去行下買野，雙贏姐！

有時難怪人地勁彈HKLC，新又唔夠人地新，快又唔夠快，平又唔夠人地平，宜家外國買咁方便，計埋運費都平過你，用到殘都HK都仲未出，仲未計冇外國DEFECT貨有橙LABEL呢個重點，好難幫得落口。

唯一係開倉最吸引。

2013年5月29日星期三

十全十美LC大合照

最近入左兩個愛煲，令家中有的LC煲進入雙位數！
無錯，宜家先係剛好雙位，10個！

免不了要介紹下新來的妃子們。

第一位係兩年前已心儀的粉紅心心扁煲，D人叫佢心心BUFFET，一直想入26 BUFFET的，但好多人話22細些其實2人會較常用，蒸下肉餅、排骨等餸咁好好用。
但剛出時問過代購好貴，要2千幾，於是作罷。

最近見好多人係日本OUTLET買到，而FB的谷友又成日POST，連代購都話未必找到，找到都勁多人排隊要，咁的情況下仲點買到喎，於是轉戰eBAY，因為聽過美國outlet都有得賣，果然有，但唔算平，仲要bid，同朋友兩個同個賣家講價，佢唔肯平，不過如果BID贏就同價賣多個俾我，同埋一齊送平少少運費，都好啦！
好彩又冇人爭，順利買到，雖然貴少少，但點都叫買到，運埋回來都仲平過果時日本買，好開心！

雖然OUTLET貨冇原裝盒，兩邊耳仔上色又唔太靚，字又有點點，底仲有輕微花痕，唉！不過唔算有大DEFECT，其實都係白白滑滑的，加上我係用家，佢好用，可以無水蒸，影相出來呢些細野唔覺，都仲係靚靚就OK啦！買到就好！

CHIFFON PINK 家姐同 ANTIQUE ROSE妹妹

好！二號愛妃
就係佢，24 KIWI RISOTTO
24 RISOTTO想要很久，人地話最常用的鍋，開倉曾經買過一個SATIN BLUE，但DEFECT退左，今次開倉見到隻Aubergine茄子紫，本來都諗住買，但又有DEFECT，個面花左一條都幾明顯的，於是就作罷。

我用開26打邊邊覺得太深，呢個24細些矮些應該好FIT！
其實KIWI我不嬲都中意，日本網頁成日用佢，我覺得好FRESH，襯白色冇得頂，不過太多粉色吸引，未輪到佢而已。
根據美國官網KIWI都係RETIRED COLOR ( 見呢度 )，但日本、台灣都仲見好多，不過貴，仲未計運費，自己去旅行買都唔平，香港平時又唔賣RISOTTO，所以果日一見特別PROMOTE有就買左！安樂晒，後來見SOGO THANKFUL WEEK有，如果SOGO咭有得平百零蚊添，但算吧，唔可能次次都買到最平最抵的，唔過份就好。