優化工程(一)──露台(2期加工)

露台完成圖！

********************************

yahoo好Q麻煩的，人地打好晒的野明明POST左，仲有人覆埋，都可以突然間冇左，兼自動時光倒流！

低X能架！十足十以前的ICQ！

唯有再打過，順便調番D次序。

*********************************

話說個露台上手業主舖左個露台木的，見都幾新淨，只係曬得多有些變色咁，本來都留番用住先的。

但拿起之後，發現原來下面好X污糟，就係咁，同埋拿起再舖係好麻煩的，唔怪得上手會唔多打理搞成咁了。

浩浩用左好多種唔同的清潔濟去洗，漒水都出埋了，先將個露台整番乾淨。

但呢隻露台木下面好似呢張相咁，D腳仔係膠來的，曬得多會溶，放得久已經有少少印印左係地磚上洗唔甩了。同埋拆同砌都唔方便。

把鬼火之下，全部掉晒！樂得清爽。

但早前去朋友仔屋企玩，見到佢呢款露台木好好多，可以成件拿起，清潔容易得多。

(photo from christine)

上網SEARCH左有關的討論，原來都幾多人咁整，同埋見有D人舖石仔係側邊都好靚，於是我地都諗住咁整。

新年前去左格價，原來價錢都可以相差都幾遠的，選定左間價錢中間，同埋質料似乎唔錯的。
點知佢地新年初九先開工，唯有等新年後吧。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

22/2/2010

那天出開去食飯同浩浩去訂左。

就係呢間，選左第二貴的紫檀木，$68/平方呎，原色，條紋直舖，同埋沒坑紋的，方便清潔。約10日起貨。

未收到貨，心情好緊張呢！

~~~~~~~~~~~~~~~~~~~~~~~~~~~~~~~~~~~~~~~~~~~~~

6/3/2010 星期六

過左10日，打去問，話可取貨了，於是放工去旺角等浩浩駕車出來。

點知係舖頭門口撞到sharon和阿琛，好開心喎！

係門口見到幾set放係度，估計其中一set係我地的。

浩浩黎到取貨，首先發現太大上唔到車，要call van。

跟住再檢查下去發現d邊位好似唔多滑咁。

就係下面呢塊，驟眼看去都冇乜野，但最邊位那條木的紋路唔多妥！

另外一幅都係，逄邊位便有問題，搏大霧搏人唔覺呀！？

再仔細d睇，仲有幾個位咁的！明顯未磨好啦！點收！？

唔通原色 =
淨磨？問老細有冇上油之類，佢梗話有，仲話木紋係咁，唔可以條條一樣，否則退訂都得，大我呀？我話唔係要條條一樣，但都冇理由鞋手刮腳的吧！

交涉一輪，佢都好輕易便應承幫我地磨番滑d，同上番深少少色令睇上去統一d咁。

浩浩話我惡！但俾左錢梗係想要四四正正的貨姐，唔過份吧？冇理由訂造乜都要打過折吧？！

其實只係望咁搞一搞佢，等佢唔好求其交貨。

星期三再取，順順利利吧。

都係搞掂先買石仔，已經係金魚街找到並格好價，$30/袋，我諗3-4包左右吧。但未格花墟的價。

~~~~~~~~~~~~~~~~~~~~~~~~~~~~~~~~~~~~~~~~~~~

11/3/2010 星期四

星期二浩浩番學去左花墟格價，$100袋，大袋D，但都係金魚街抵D。

於是今日放工趁浩浩
有車出來打排球去買，$30/ 6 kg，唔敢買太多，驚浪費。

買住2包先吧。

~~~~~~~~~~~~~~~~~~~~~~~~~~~~~~~~~~~~~~~~~~~~~~

17/3/2010 星期三

有人成個星期都好忙，今日終於得閒，放工一起去取貨！

上次唔滑的地方磨番滑。
成件油番深色油，個色統一番，冇再一撻撻。

滿
意收貨。

老細幫我地托出去，又call van回屯門咁，$100，抵，但有少少送個麻煩客走的feel囉。

佢
都算係值得幫襯的。

係車call埋附近朋友仔來幫手，thx ting & wing，真係好鬼重！

兩
個男士一齊先搬到上樓同放入露台。

但一放入去，便發現有問題！

個尺寸唔o岩！

我
原本的設計係咁：

邊位留番3吋放石仔，另一邊留5吋放晾衫架。

張單都係咁寫的，但點知，宜家剛剛好放得入，一拿尺出來度，果然係做大左，做左 46 " x 83 "！

好
彩！都叫剛剛入得到，唔使拿番出去換，否則車錢都蝕埋。

同埋好阿Q咁諗，佢按尺計數，大D貴D的嘛，咁我咪賺左囉，算吧。

況
且錯有錯著的，D石仔宜家可以放係面，第時萬一唔中意，都可以拿走，唔使有條隙係度咁奇怪。

潮濕天氣，成個星期都未乾透的油！

唔記得左影番佢地搬的相添！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

18/3/2010 星期四

登登登登！

係咪好靚呢？

昨晚太黑，今日放工回來，忍唔住要拿部大機幫個露台影番D靚相
先！

呵呵呵呵！

成日得閒借D意會出去行下、坐下！乘涼啊！呵呵！

真係好開心！

我仲度過，剛剛好可以放得下個營，遲些可以考慮下出露台露營！仲可以日光浴
添！( 嘻！興奮過度-->低B ing！)

 

好！都係睇下相罷！

露台全睇：紫檀木，直舖，外出兩邊舖石仔上面。

另一面的真實情況：

放左接合左的天上野曬衣架，衣夾、拖鞋等雜物。

本來仲有個掃把、地拖架的，但未裝到。

隔離仲有爸爸整的透明膠板，開到露台門之餘又能避免空中飛貓！(
當然我地都好小心睇住阿清的，唔會單靠佢。)

 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

1/4/2010

始終係木，天氣又潮濕，底部濕左比較難乾，木成日濕住好似都唔係咁好，擔心會發霉等。

記得網上的人分享，會係木下面加D膠，托起成個木，於是又四出搜尋，結果...找不到。

唯有找爸爸幫手，又俾佢找到喎。

今日佢上來食飯，順手幫我整左一半，另一半佢怕買多所以冇買夠，做唔到住。

即係咁，高左下面有水會易乾D，即使未去得切，都唔會浸住D木！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

18/4/2010

另一半就咁HOLD住，半個月後的今日，浩浩終於的起心肝搞埋佢。

爸爸幫我再買多幾包膠，都唔知本身用來做乜的；加埋浩浩係樓下買不秀鋼釘。

電批大派用場！浩浩鑽研中！

成功了！