唔知寫乜好添....新添置小物

自從決定唔結婚住，成個人好似鬆晒咁，好好多。

我同浩浩都有相同的遭遇，就係有人問起係咪會結婚 / 結婚搞成點時，我地答唔結住 / 結唔成了，D人多數都呆左唔知講乜好，好似好慘咁，但很奇怪，咁樣反而咁令我地釋然，因為至少我們之間沒事，感情依舊，只係未係時候姐，最傷心只係蝕左個訂覺得有些唔抵罷了。但錢財身外物，我蝕得起，那便沒甚麼了吧。

不過，突然間呢個blog變左好似冇乜心機寫下去，當初開是想為呢個結婚的過程作過記錄，結果專心地賣樓、買樓、裝修等，結婚變左停濟不前，最後更取消埋添，咁真係冇野寫的了......係咪應該摺左佢呢？！

唉！

~~~~~~~~~~~~~~~~~~~~~~~~~~~~~~~~~~
最近唯一想寫的，大概是買左d小物，很喜歡，分享下吧。

1) 洗手間漱口杯掛勾

 

dsc買，好fit！                                                 都係掛起來乾爽D

 

之前：樣靚，但唔易乾                            現在：吊起晒D野，看起來都好似清爽D


2) 刀插

都係購自DSC，本來見佢咁貴，雖然個DESIGN好有趣都幾好，但$135買個刀插好似唔多抵，所以冇買到。

點知第二次去時，做PROMOTE，竟然變左$39，淨係做1日？！浩浩話當玩具都好丫！咁又係！包埋4把刀仲想點？雖然家中極多刀，呢幾把刀都唔打算要，但個座真係好，舊款SET好晒都59啦，呢個乜SIZE都插得，仲要可以插好多把都得，平靚正！

 

盒上面張相                                           實物  

入面就係呢D一條條的膠條，幾闊幾厚的刀都得，最重要係把中式刀都放到。

3) NEUTROGENA 震震洗臉器

不嬲都係NEUTROGENA FANS，呢個想試很久，見教協做PROMOTE，平咪買來試，估唔到又好好用喎，唔刺激，但FEEL到真係滑左同乾淨左，GOOD！

係要小心D泡入眼時有少少刺眼，但因為我是浸浴時用，所以先會入眼，平時洗臉都唔會俾洗臉膏入眼的吧。