北上之旅──前傳

記得以前B&Q好多露台野賣，其實我同浩浩去過一次咁大把，當時仲未賣樓買樓，純粹閒逛，但都好好玩，諗番以前間屋整的時候點設計、周圍找野佈置等等，真係好開心！又講下第時又點點點咁。

其實我地好中意裝修的過程呢！

或者就係咁造就左之後的事。

14/4/2009

好多戶外野賣，果時冇露台，只係睇下。仲有好多玻璃屋、涼亨等添，冇影。

我地都好中意的開放式廚房，仲有BAR桌添！跟住成日睇人地的則可否打通個廚房。

浴缸，嘻，浸浴好開心！

超夢幻的睡房，但浩浩唔中意，唔實用又女仔喎。

行完番來又係同佢地食飯。

***************************************
繼整好個戶外木之後，唔想要個膠架咁雜物FEEL，想找張木的矮椅，可以坐下，又可以放下晾衣用的衣夾衣架等。

好似下面呢張咁，但想要窄D，因為地方細，太闊冇位行，又放唔到曬衣架。
又要淨實喎，始終要坐，又要風吹雨打。

(呢張攝自銅鑼灣華潤堂櫥窗，但冇理由問人地張野係邊賣姐.....)

香港傢俬舖好少見，上網找賣戶外野的店也少賣呢D款式，於是上淘寶睇，又有喎，但多數係上海，計落運費都唔少。上網人地話深圳有幾間B&Q，都有喎，又想去看看。

係網上同婷講起找緊D露台野賣，佢話佢都有見過，於是今個星期六便跟埋呢兩個已經變左深圳通的人番去喇！

好，第一回暫時完結，如欲收看，請留意下集。