Kakato『卡格』高級寵物食品 – 貓咪健康分享會(上)

兩星期前，同素素做左樣極大的挑戰！我一條友帶佢出街！仲去好多貓貓的地方！

其實思前想後諗左好耐，話說BLOG友仔話我知有個咁的活動，本來諗好左如果浩浩得閒車我同我一齊就去，否則便不去了。但見朋友仔同妹妹話帶埋睇過相覺得好可愛的林小姐去，仲話可以約埋一齊CALL車，於是心郁郁下就做左呢個大決定！

今次是一間叫Kakato『卡格』的高級寵物食品舉辦的「貓咪健康分享會」，講明唔會SELL野，又有獸醫講貓貓護理等，我仲之前上網SEARCH過，呢隻牌子係專賣天然罐頭的，我正找緊邊隻罐頭俾貓貓們長食，佢又有罐頭送俾貓貓試食，所以特別想去。

趁素素下午訓到傻傻下，一手便把她放左入袋出門，落街上車，好快便到！
 

今次係在一間貓貓cafe內舉行，好多貓貓同主人已經到左，大會好細心，預備左d坐墊俾貓貓們。

可惜素素實在太驚，全程縮在我懷中，哈哈！平時有幾可見佢咁乖的呢！

跟住獸醫DR. Yip講下貓貓常見疾病，日常護理同埋飲食要注意的地方，好有用。

尤其清清呢D老貓要更注意，好似骨骼、腎、牙齒等好多時最易有問題，唉！突然想帶佢做個FULL BODY CHECK，但唔知邊處好呢？

醫生仲話食物好似人咁，最好梗係唔好咁多防腐劑、天然些會好D。

仲有BLOG友仔問醫生貓貓腸胃、洗耳仔等問題，醫生都好細心解釋呢。

然後又有獎遊戲環節，但我一條友抱住素素就冇玩了，突然體會到做人阿媽抱住BB出街的心情添！^.^

跟住便是交流時間，有小食招待，仲有貓糧架，哈。

我同BLOG友仔陳太相遇！( 素素係我背脊行緊！@@ )
不過佢兩隻寶貝雞比同菜頭冇來，緣慳一面添。

素素成場驚到死，尤其個咪一講野佢便縮埋，其餘時間就找地方躲，好似細個時咁在我身上四圍爬，我變左棵貓樹！

攝影師哥哥好不容易先影到佢正面！

謝謝BLOG友仔們的相( 陳太同肥寶的刨冰機)，否則我同素素都應該冇相，THX晒！:) 你們的相超精彩！素素的八厭活靈活現呢！

場內仲有好多靚貓！

呢位我朋友仔的靚貓！林小姐！冇錯，佢個名叫「林小姐」嘻！
( 我朋友仔HIHI的BLOG：有講林小姐同佢另一隻貓TIGER貓的 )

幾多哥哥姐姐圍住佢影相！可見佢受歡迎程度！

5個月的貓仔真係好可愛！仲全程好乖唔四圍走，留係自己帶來的墊上，超乖！

最後仲訓左添！果然係小貓！

仲有呢隻靚靚貓！HEA HEA

素素，你宜家出過去見過世面，知唔係得你一隻靚貓了未？唔好以為成日有人讚你就以為自己真係好靚，一山還有一山高，一貓還有好多貓靚呢！ 

仲有蛋蛋B，幾乖肯戴帽帽，幾有明星相！

又係小貓，完全唔怕係陌生地方訓覺，好可愛！

坐定定聽書！哈！

明顯我又係借佢主人肥寶的刨冰機的相啦！

仲有好大隻的BO BO

細佬

同埋坐隔離的MANGO！

見到咁多可愛貓貓真係好開心！我講我姐，素素我唔知！你地自己問佢開唔開啦！:P
因為要照顧素素，冇時間同晒其他貓貓同BLOG友傾計。

大合照

講番今日的主題！
呢隻罐罐，好有興趣，好似好正咁！送左唔少試食，回去同D貓貓試下再滙報。