KM第一包──蕃薯包

聖誕由韓國回來，爆喼回來的不是LC
( 其實韓國冇乜特別野，也不平，不過我上網見佢有粉紫色STONEWARE，諗住去看看，但我找左兩間百貨都遇唔到！緣慳一面，冇法！ )

詳情可看呢度：
http://www.e-lecreuset.co.kr/shop/goods/goods_list.php?&category=002001

但有些PACKAGE好似唔同左了....

跟左我番來的竟然係麵粉同蕃薯！
( BLOG友仔臨行前提我一定要買麵粉，超彈，於是買足2KG！蕃薯則是試食後死都要搬回來！1.5KG)
哈哈！傻左！
( 有機會再POST 韓國之旅，太多POST排隊等ING！)

言歸正傳，蕃薯包！
材料如下：


食譜跟仙姐《天然麵包香》的紫心蕃薯麵包

做法：
1) 蕃薯連皮洗淨蒸熟，起肉壓成茸，一部份做餡，一部份混合在粉糰中。
( 但我最後忘記了混入粉糰，最後全部包入餡算！:P )

2) 呢個食譜係中種法的，所以17個鐘前整定中種！
量好份量，全部放入兜內，第一次開機，好緊張！

難以相信地簡單！乜都抵番晒！因為中種起初好黏手的，上次手搓玩左我成粒鐘咁濟！上堂仙姐話呢個過程唔應該超過15分鐘，因為10分鐘後便開始左發酵，會有影響的！唔用機其實會好難搞！

其實我都遇到少少困難，就係唔知用幾多度去搞，只係知慢速混合，然後加速，但佢有MIN至5度，我用左1至3，其實都唔知O岩唔O岩，可能真係要去問下SHOWROOM的姐姐先。
5分鐘左右，粉糰便已經READY離左盅！勁！

3) 中種放入雪櫃17小時

計錯時間，早左2個鐘要整，冇法，但都好似OK咁，大左。

4) 主麵糰材料混合，逐少加入中種，再加牛油搓至有薄膜，真係手都唔使污糟便勁多薄膜，唉！唔怪得個個要買機！自問冇本事手搓至呢個程度！( 上次又搓又撻搞足一個鐘，D薄膜都唔會係呢個樣！)

5) 進行第一次發酵，因為天氣勁凍，放入有熱水的鑊內以蒸氣保持溫暖幫助

6) 粉糰分成16份 ( 我真係用磅磅總重去計的，每個約50g，不過最後得15個！:p我諗我分得唔平均 )，排氣，滾圓，靜置鬆弛

7) 再排氣，滾圓，壓扁，包餡，收口，再滾圓，最後發酵45分鐘 ( 趕住去朋友家開P，發左35分鐘:p )，塗蛋水 ( SKIP左呢個部驟 )

8) 200度焗至金黃 ( 應該係用170-180度焗30-35分鐘的，但我趕，開高火，冇睇時間，總之變色熟左便算 )

個樣都叫見得下人，熱辣辣好軟熟！我同浩浩一人即吞左一個先出門口！哈！

不過可能個粉糰本身有味道，所以食唔到蕃薯的甘甜味，好可惜！如果要食到佢的甜味可能要加糖，不過又冇咁天然健康，算吧！

本來仲有一半的麵糰放在抽獎回來的戚風模內焗的，可惜，掛住去玩，遲左幾個鐘焗，發酵過度，結果味道變了！唔要得要丟！傷心死了！

總結：

KM好勁！
做包好開心！可以減壓，好有滿足感！
整野食唔可以趕，錯漏百出仍入得口叫好彩！
要繼續努力！

對KM考慮中的朋友，我覺得佢好值得推薦！但有朋友話其實麵包機仲方便，但我prefer多功能機多過單一功能機，因為我唔係日日整包，但我一定會整唔同野食，黎緊我便打算用佢刨蘿蔔整糕！到時再匯報！