新年新景象──送走按摩椅

話說入伙時買左幾件大傢俬，但住落發現唔多實用，會變賣走一些新淨的，換回有限的空間。

之前係書房書桌，初初諗住一齊玩電腦好好，但後來NOTEBOOK同IPAD、IPHONE咁方便，用DESKTOP越來越少，於是索性賣走，仲諗緊做唔做地台好。
現在書房一片混亂！哈！

跟住到廳

今次到按摩椅，不過唔係賣走，爸爸媽媽話賣左佢浪費，佢地裝修完有位擺，咁啱用就梗係送俾佢地，GOOD！

因為張椅買左回來真的少用，用得最多反而係佢兩個！睇街訓覺都方便！XD

搬走之後，佢兩個係附近呆左好耐，大概唔知點解冇左！好搞笑！不過冇左件傢俬尚且咁，諗起有些貓流落街頭 / 主人唔要，其實都好慘！(遲些再講隻流浪貓的故事大家聽。)

將張餐桌移左過來，我其實好中意桌子近窗，光線好，食飯做野都好。

呢邊濶落左好多！浩浩話感覺家徒四壁，哈！我卻很享受呢個冇野的感覺喎！

以後多個位影相！

坐到玩電腦都好！

加插椅子搬左過去媽媽家，貓貓YY的開心樣！

大大車厘子我中意！

佢隻眼係紅紅的，細過上雜誌好威架！不過又係前主人唔要先流落到我們家。

爸媽都話佢超乖，或者係純種貓，朋友清清隻TIGER貓都係咁乖架！爸媽話YY超中意按摩椅，成日上去訓覺添！嘻！一家便宜兩家著！